Byrjunarliðin Fjölnismenn gera tvær breytingar frá því í síðasta leik en það er Dagur Austmann og Axel Freyr Harðarson sem koma inn í liðið. Vilhjámur Yngvi Hjálmarsson sest á bekkinn en Bjarni Þór Hafstein er í leikbanni.

ÍR gerir aðeins eina breytingu frá síðasta leik en það er Marteinn Theodórsson sem kemur inn í liðið á meðan Hákon Dagur Marrhíasson sest á bekkinn.

Spámaðurinn Guðmundur Magnússon leikmaður Fram var fenginn til að líta í kristalkúlu sína og spá fyrir leiki umferðarinnar. Svona heldur hann að þessi leikur muni fara.

Fjölnir 2 - 2 ÍR
Hörkuleikur milli tveggja liða sem vilja gera allt til að ná sér í play-off sæti. Mikið hrós til beggja liða fyrir spilamennskuna í sumar. Ekki margir sem sáu fyrir sér að Fjölnir yrðu eitt af toppliðunum og hvað þá að ÍR-ingar yrðu í baráttunni um að komast upp. Mikill baráttuleikur framundan og mikill hiti. ERA bræður, Axel Freyr og Máni Austmann með sitthvort markið, þriðji ERA bróðirinn, Reynir Haralds með stoðsendingu í báðum mörkunum. King Marc Mcausland skorar með skalla og Kristján Atli með skot fyrir utan teig fyrir ÍR-inga.

Dómari leiksins Ívar Orri Kristjánsson verður maðurinn með flautuna í þessum leik en honum til aðstoðar verða Sveinn Ingi Sigurjónsson Waage og Arnþór Helgi Gíslason.

Eftirlitsmaður KSÍ er Björn Guðbjörnsson.

ÍR á leið í umspil? ÍR eru nýliðar í þessari deild en þeir gætu hótað því að fara upp um deild strax eftir aðeins eitt tímabil í deildinni. Þeir eru í 5. sæti deildarinnar þegar aðeins 3 leikir eru eftir sem myndi gefa þeim sæti í umspilinu. Það er þó stutt í liðin í kringum þau þar sem Afturelding er aðeins stigi á eftir þeim í 6. sæti en Njarðvíkingar eru jafnir þeim á stigum í 4. sæti.

Bragi Karl Bjarkason er markahæsti leikmaður liðsins í sumar með 8 mörk.

Fjölnismenn ekki unnið í 5 Fjölnir er í 2. sæti Lengjudeildarinnar eftir virkilega góða fyrri umferð í deildinni. Formið hjá þeim hefur dalað all verulega upp á síðkastið og þeir eru ekki búnir að vinna leik í síðustu 5. Á þessu tímabili hafa þeir gert 4 jafntefli og tapað einum leik. Þar af leiðandi misstu þeir topp sætið fyrir ÍBV og lið eins og Keflavík eru að nálgast þá hratt.

Máni Austmann Hilmarsson er markahæsti leikmaður liðsins með 11 mörk en það gerir hann einnig næst markahæstan í deildinni ásamt tveimur öðrum sem eru líka með 11 mörk.

Lengjudeildin heilsar Góða kvöldið og verið velkomin í beina textalýsingu frá leik Fjölnis og ÍR í 19. umferð Lengjudeildar karla.

Leikurinn hefst klukkan 18:00 og verður spilaður á Extra vellinum.