Bæði lið gera miklar breytingar á sínum byrjunarliðum Rúnar Kristinsson þjálfari Fram gerir 4 breytingar á sínu liði sem tapaði 3-1 fyrir Breiðablik í síðustu umferð. Það eru Brynjar Gauti Guðjónsson, Guðmundur Magnússon, Adam Örn Arnarsson og Freyr Sigurðsson sem koma inn í liðið. Orri Sigurjónsson, Kyle Mclagan, Djenairo Daniels og Gustav Dahl fá sér allir sæti á bekknum.

Hallgrímur Jónasson þjálfari KA gerir 3 breytingar á sínu liði sem gerði 1-1 jafntefli við Stjörnuna í síðustu umferð. Það eru Ívar Örn Árnason, Hans Viktor Guðmundsson og Viðar Örn Kjartansson sem koma inn í liðið. Harley Willard fær sér sæti á bekknum á meðan Kári Gautason er í leikbanni en Jakob Snær Árnason meiddist í síðasta leik.

Spámaðurinn Oliver Heiðarsson leikmaður ÍBV var fenginn í þessari viku til að kíkja í kristalkúlu sína fyrir þennan leik. Eitt er víst að spáin mun ekki vera alveg rétt þar sem það eru litlar líkur á því að Már Ægisson skorar eitthvað þar sem hann er farinn til Bandaríkjanna í skóla.

Fram 2 - 0 KA

Þetta verður skemmtilegur leikur og Már Ægis verður á eldi með mark og stoðsendingu á Fred, KA verður með nokkur góð færi en boltinn berst ekki yfir línuna.

Dómararnir Vilhjálmur Alvar Þórarinsson mun vera með flautuna í dag en honum til aðstoðar verða Kristján Már Ólafs og Sveinn Ingi Sigurjónsson Waage.

Eftirlitsmaður er Jón Magnús Guðjónsson og varadómari er Jóhann Ingi Jónsson.

KA menn að elta efri hlutan Leikurinn í dag er lykil leikur fyrir norðanmenn. Þeir sitja í 8. sæti deildarinnar en eru aðeins tveimur stigum á eftir Fram sem er í 6. sæti. Með aðeins 3 leiki eftir af deildinni fyrir skiptingu, gæti tap í dag farið langt með að eyðileggja draumana um efri hlutan. Sigur í dag gæti hinsvegar fært þá upp í efri hlutan ef önnur úrslit falla með þeim.

KA menn eru ósigraðir í síðustu 9 leikjum og hafa heldur betur snúið gengi sínu við frá byrjuninni á tímabilinu. Lykilmenn hafa stigið upp fyrir þá og Viðar Örn Kjartansson sem kom inn fyrir tímabilið var loksins byrjaður að skora. Hann hefur þó ekki verið með í síðustu tveimur leikjum vegna smávægilegra meiðsla og áhugavert verður að sjá hvort hann taki þátt í dag.

Framarar með evrópudrauma Fram er í 6. sæti deildarinnar eins og er en pakkinn er þéttur í kringum þá. Mótherjar þeirra í dag, KA er aðeins tveimur stigum á eftir þeim, Stjarnan er einu stigi á eftir þeim og þá er líka stutt í næstu lið fyrir ofan Fram. Með sigri í dag myndu Framarar taka stórt skref í áttina að því að tryggja sitt sæti í efri hlutanum, og setja pressu á evrópusætin á sama tíma. Formið þeirra upp á síðkastið er ekki það besta hinsvegar, þeir hafa tapað síðustu tveimur leikjum sem var á móti Breiðablik og ÍA.

Besta deildin heilsar! Komið þið sæl og verið velkomin í beina textalýsingu frá leik Fram og KA í 20. umferð Bestu deildar karla.

Leikurinn hefst klukkan 17:00 og verður spilaður á Lambhagavellinum.