SKÝRSLAN: Afturelding kláraði þetta í fyrri hálfleik
Hvað réði úrslitum?
Fyrri hálfleikurinn réði algjörlega úrslitum hér í kvöld. Afturelding voru mikið mun betri og grimmari og kláruðu leikinn af strax á fyrsta rúmlega hálftímanum. Njarðvíkingar mættu hreinlega ekki til leiks í fyrri hálfleik og Afturelding léku sér að þeim. Í síðari hálfleik náði Njarðvík inn marki en var aldrei líklegt til að koma með einhverja endurkomu.
Bestu leikmenn
1. Aron Jóhannsson
Var frábær í liði Aftureldingar og skoraði tvö góð mörk. Var eins og allt lið Mosfellinga stórkostlegur í fyrri hálfleiknum.
2. Aron Elí Sævarsson
Skoraði gott mark og var virkilega öflugur í kvöld. Hefði verið hægt að nefna nánast allt lið Aftureldinar hérna ef út í það er farið.
Atvikið
Öll mörk Aftureldingar virkuðu svo áreynslulaus og auðveld en eftir annað markið frá Aron Elí þá sá maður strax í hvað stefndi.
Hvað þýða úrslitin?
Afturelding lyftir sér upp í umspilsæti eða 4.sætið og er aðeins tveim stigum frá toppnum. Njarðvíkingar detta niður í 5.sætið í bili en geta með óhagstæðum úrslitum endað fyrir utan umspilsæti eftir þessa umferð.
Vondur dagur
Njarðvík í fyrri hálfleik var átakanlega vont.
Dómarinn - 8
Solid frammistaða hjá teyminu í dag að mínu mati. Helstu ákvarðanir í leiknum voru réttar og ekkert út á teymið að setja í sjálfu sér.