Það eru Blikar sem fara með sigur hérna í kvöld.

Fengum fullt af mörkum og Breiðablik setja pressu á Víkinga á morgun að klára sitt.

Viðtöl og skýrsla væntanleg.

Höskuldur Gunnlaugsson með tilraun rétt yfir markið.

George Nunn með tilraun framhjá markinu.

Oliver Sigurjónsson með tilraun yfir markið.

Patrik Johannesen lætur vaða frá miðju þegar hann sér að Christoffer Petersen stendur full framarlega en hittir ekki á markið.

Breiðablik þyrftu helst að skora fleiri mörk til að vinna upp markatöluna hjá Víkingum.

Ef við myndum gefa okkur að þessi lið [Breiðablik og Víkingur R.] myndu enda með jafn mörg stig þá eru Víkingar ennþá með betri markatölu en þeir hafa +27 fyrir leik sinn gegn Fylki á morgun á meðan Blikar eru núna í +26.

Höskuldur með aukaspyrnu fyrir markið sem HK skallar í horn.

Blikar svo dæmdir brotlegir í horninu.

Ívar Örn með aukaspyrnu sem Anton Ari slær burt en fær sóknarmenn HK í sig af krafti og fær aukaspyrnu.

HK minna á sig pressa Blikana vel. Þeir gefa ekkert eftir.

Aron Bjarnason ekki langt frá því að bæta við fyrir Blika eftir flottan bolta frá Davíð Ingvars en skallinn yfir rétt yfir!

Eiður Gauti nálægt því að koma HK yfir aftur en það er bjargað á línu!

Blikar reyna að finna Kristófer Inga með löngum bolta fram en Christoffer Petersen er vel á verði og er mættur út að handsama boltann.

Furðuleg atburðarás þar sem sendingin kemur inn í svæði og Kristófer Ingi hættir tvisvar við að elta boltann áður en hann fer svo á fullu í 50/50 baráttu um boltann við Brynjar Snær.

Aron Bjarnason reynir skot sem fer hátt yfir.

Breiðablik vinna fyrsta horn síðari hálfleiksins.

HK kemur þessu í gang aftur.

Það eru HK sem leiða hérna í hálfleik!

Ekki endilega margt sem benti til þess í upphafi leiks þegar Blikar voru búnir að taka forystuna en HK unnið sig vel inn í leikinn og leiða í hlé.

Kiddi Steindórs með kröftugt hlaup en hleypur yfir boltann í leiðinni þegar hann er búin að koma sér í gegnum HK og færið fer frá honum.

Breiðablik í vandræðum að komast í gengum þéttan HK múr.

Ekki alveg sami kraftur í Blikum núna og í upphafi leiks.

HK fær tvær hornspyrnur og síðari hornspyrnan fer í slánna!

Sýndist það vera Eiður Gauti sem átti skallann sem fór í slánna og datt niður áður en Blikarnir komu boltanum burt.

Ívar Örn setur aukaspyrnuna í vegginn og HK fær horn.

HK að fá aukaspyrnu rétt fyrir utan D-bogann.

Fram að jöfnunarmarki HK var ekki mikið sem benti endilega til þess að þeir væru að fara snúa þessum leik.

Eiður Gauti lætur vaða framhjá markinu.

Höskuldur Gunnlaugsson með flotta aukaspyrnu frá vinstri fyrir markið sem Viktor Örn sýndist mér ná snertingu á en fór af varnarmanni HK og aftur fyrir.

Kristófer Ingi með skot sem er beint á Christoffer Petersen. Hann á ekki í neinum vandræðum með þetta.

Christoffer Petersen lokar frábærlega á Viktor Karl sem hafði fengið frábæra sendingu inn fyrir.

HK fá aukaspyrnu eftir að Höskuldur er dæmdur brotlegur í baráttu við Eið Gauta. Flottur bolti fyrir markið og skallinn í hliðarnetið. Einhverjir sem sáu þennan inni. Gott ef þetta var ekki Atli Hrafn sem átti skallann.

Blikarnir að spila sig í gegnum HK og Kristófer Ingi kemst í skotfæri en dregur boltann svolítið framhjá.

Fínasta hornspyrna á fjær þar sem Atli Þór skallar hann fyrir markið aftur en HK svo dæmdir brotlegir.

HK sækja fyrsta horn leiksins.

Það eru heimamenn í Breiðablik sem sparka þessu af stað.

Breiðablik neyðast til að gera breytingar á sínu líði þar sem Ísak Snær Þorvaldsson og Arnór Gauti Jónsson taka út leikbönn. Inn í þeirra stað koma Kristófer Ingi Kristinsson og Andri Rafn Yeoman.

HK eru þá einnig neyddir í breytingar á sínu liði þar sem Birkir Valur Jónsson er einnig í leikbanni. HK gera þrjár breytingar en inn koma Kristján Snær Frostason, Arnþór Ari Atlason og Brynjar Snær Pálsson.

Eiður Gauti er 26 ára framherji sem uppalinn er hjá HK en hefur leikið með Ými síðustu ár. Ómar Ingi Guðmundsson, þjálfari HK, hefur reynt að fá Eið aftur í HK en það þurfti nokkrar tilraunir til að fá Eið í að taka slaginn. Það tókst í vor þegar Eiður Gauti skipti aftur í uppeldisfélagið

„Það leggst gríðarlega vel í mig að fara spila á móti Breiðabliki. Þetta eru líklegast skemmtilegustu leikirnir á tímabilinu, HK - Breiðablik, og ekki skemmir fyrir að þetta er á Kópavogsvelli, okkar gamla heimavelli. Það eiginlega gerir þetta extra skemmtilegt og þetta er bara mjög spennandi."

„Þetta er alvöru nágrannaslagur. Er einhver stærri 'derby' slagur á Íslandi heldur en þessi? Þessi er allavega með þeim stærri. Það er mjög gaman að taka þátt í þessu. Núna áðan (á föstudagskvöld) var úrslitaleikur í 4. flokki upp í Kór, HK gegn Breiðabliki. Það var massa mæting og þvílíkt gert úr þeim leik. Þetta nær allavega alveg niður í 4. flokk."

Ísak Snær Þorvaldsson, sem hefur leikið frábærlega fyrir Breiðablik að undanförnu, tekur út bann í dag. Arnór Gauti Jónsson verður sömuleiðis í leikbanni.





Hjá HK tekur Birkir Valur Jónsson út leikbann í Kópavogsslagnum.

Til þess að spá í 22. umferðina er vel við hæfi að fá Gary Martin sem lék í dag sinn síðasta leik á Íslandi. Hann er að flytja af landinu eftir 13 ár þar sem hann hefur meira og minna verið á Íslandi.
Gary skrifar á ensku og til að leyfa hans stíl að skína í gegn er textinn ekki þýddur.



Breiðablik 3-0 HK
Kóp is green this time around, Ísak Snær 3 goals and easy day at the office.

Breiðablik eru efstir ásamt Víkingi Reykjavík á toppi deildarinnar og verða að vinna í dag til þess að setja alvöru pressu á Víkinga fyrir lokaleik þeirra um að enda efstir í deildinni fyrir skiptingu.
Breiðablik hafa unnið síðustu fjóra leiki sína í röð og eru á hörku siglingu fyrir skiptinguna.

Breiðablik sitja í 2.sæti deildarinnar með 46 stig sem er jafn mörg stig og Víkingar hafa í efsta sætinu en Víkingar eru fyrir ofan á markatölu (+27). Breiðablik hafa skorað 48 mörk og fengið á sig 25 mörk sem gera plús 23 mörk.

Markahæstu menn Breiðabliks:

Höskuldur Gunnlaugsson - 7 mörk
Ísak Snær Þorvaldsson - 6 mörk
Viktor Karl Einarsson - 5 mörk
Benjamin Stokke - 4 mörk
*Aðrir minna

HK sitja í 10.sæti deildarinnar fyrir þessa lokaumferð fyrir skiptingu. Þeir vonast til þess að slíta sig aðeins frá Vestra og Fylki sem eru í sætunum fyrir neðan áður en skiptingin fer af stað.
HK hafa sótt sex stig úr síðustu þrem leikjum sínum. Sigrar gegn KR og Fram.

HK eru í 10.sætinu með 20 stig. Þeir hafa skorað 23 mörk og fengið á sig 51 sem gera mínus 28 í markatölu sem er það mesta í deildinni.

Markahæstu menn HK:

Atli Þór Jónasson - 5 mörk
Arnþór Ari Atlason - 5 mörk
Þorsteinn Aron Antonsson - 2 mörk
Eiður Gauti Sæbjörnsson - 2 mörk
Atli Hrafn Andrason - 2 mörk
*Aðrir minna

Ívar Orri Kristjánsson dæmir þennan slag og honum til aðstoðar verða Birkir Sigurðarson og Andri Vigfússon.
Þórður Þorsteinn Þórðarson er varadómari og sérstakur tæknimaður á skiltinu.
Ingvar Örn Gíslason er eftirlitsmaður KSÍ.

Verið hjartanlega velkomin í þessa þráðbeinu textalýsingu frá Kópavogsvelli þar sem Kópavogsslagurinn milli Breiðabliks og HK fer fram.
Við erum kominn í 22. og jafnframt lokaumferð Bestu deildarinnar fyrir skiptingu.