SKÝRSLAN: Blikar með öfluga endurkomu í síðari
Hvað réði úrslitum?
Breiðablik komust snemma yfir og virtust vera með öll tök á leiknum. HK jafnar og komast yfir með stuttu millibili og fara inn í hálfleikinn yfir. Breiðablik nær svo að snúa leiknum við og skora þrjú mörk á sjö mínútna kafla og eru með öll völd á leiknum. Bæði lið skora svo sitthvort markið fyrir leikslok og Breiðablik vinnur sanngjarnan sigur þegar uppi er staðið þó svo HK hafi alveg látið þá hafa fyrir þessu lengst af.
Bestu leikmenn
1. Aron Bjarnason
Var hrikalega öflugur í liði Breiðabliks í dag. Skoraði tvö mörk og hótaði þrennunni.
2. Höskuldur Gunnlaugsson
Fyrirliðin skoraði og lagði upp líka. Var gríðarlega öflugur að vanda og veit nákvæmlega hvaða merkingu þessir leikir hafa.
Atvikið
HK halda að þeir séu að komast í 3-2 en það er bjargað á línu og Blikar keyra hratt upp skora og þeir komast í 3-2. Þarna snérist leikurinn algjörlega.
Hvað þýða úrslitin?
Breiðablik þarf að bíða eftir Víkingum á morgun til að fá úr því skorið hvort þeir lendi í efsta sætinu eða öðru. HK endar í tíunda sætinu og fara inn í úrslitakeppnina fyrir ofan rauðu línuna.
Vondur dagur
Enginn einn sem á skilið að vera hérna sérstaklega. Í fyrri hálfleik væri hægt að taka einhverja Blika fyrir og í smá kafla í síðari má nefna einhverja frá HK. Heilt yfir ætla ég að sleppa báðum liðum.
Dómarinn - 8
Fannst Ívar Orri og hans teymi hafa flott tök á þessu hérna í dag. Leyfðu flæði og lítið um óþarfa flaut.