Fáum við óvænt úrslit?

   20.09.2024 11:30

Sverrir Mar spáir í undanúrslit Fótbolti.net bikarsins

Gengið í sumar KFA endaði deildarkeppnina í sumar í 5. sæti 2. deildar eftir að hafa verið megnið af mótinu í baráttu um sæti upp úr deildinni. Þeir unnu 9 leiki, gerðu tvö jafntefli og töpuðu 9.

Gestirnir í Tindastóli voru hinsvegar í 4. deildinni. Þeir unnu deildina með 43 stig, unnu 13 leiki, gerðu fjögur jafntefli og töpuðu einum.

Dómarateymið Guðmundur Páll Friðbertsson dæmir leikinn í Fjarðabyggðarhöllinni. Guðni Freyr Ingvason og Jovan Subic verða aðstoðardómarar.

Leikið um úrslitaleik á Laugardalsvelli Það er mikið í húfi í dag því liðið sem vinnur leikinn kemst í úrslitaleik á Laugardalsvelli næsta föstudagskvöld.

Í hinum leiknum mætast á sama tíma Selfoss og Árbær en sérstaklega er fylgst með þeim leik í textalýsingu hér á Fótbolta.net í dag einnig.

Undanúrslit í Fjarðabyggð Góðan daginn og verið velkomin í beina textalýsingu frá undanúrslitum Fótbolta.net bikarsins.

Hér mætast KFA og Tindastóll í Fjarðabyggðarhöllinni en leikurinn hefst klukkan 13:00.