Þetta er að fara byrja Liðin eru komin út á völl

Byrjunarliðin Kári Gautason, Harley Willard, Ásgeir Sigurgeirsson, Dagur Ingi Valsson og Mikael Breki Þórðarsson koma inn í liðð fyrir Rodri, Hrannar Björn Steingrímsson, Viðar Örn Kjartansson, Jakob Snæ Árnason og Bjarna Aðalsteinsson. Rodri, Viðar og Bjarni eru á bekknum.

Birkir Valur Jónsson, Birnir Breki Burknason og Dagur Örn Fjelsted koma inn í lið HK fyrir Kristján Snæ Frostason, Brynjar Snæ Pálsson og Atla Arnarson.

Dómarateymið Erlendur Eiríksson verður með flautuna hér í dag. Eysteinn Hrafnkelsson og Guðni Freyr Ingvason verða honum til aðstoðar. Sigurður Hjörtur Þrastarson verður á hliðarlínunni og Valdimar Pálsson er eftirlitsmaður KSÍ.

Spáin Ásgeir Frank Ásgeirsson, þjálfari Hvíta riddarans og leikmaður Aftureldingar, er spámaður umferðarinnar. Hann fylgir á eftir Gary Martin sem var með fjóra leiki rétta þegar hann spáði í leiki síðustu umferðar.

KA 1 - 1 HK
Það verður bikarþynnka og KA menn mæta súrir eftir tap gegn Víking í úrslitaleiknum í þennan leik. VÖK kemur KA yfir og það myndast smá stemning en jöfnunarmarkið kemur seint frá HK mönnum. Leifur Andri fer í fyrsta sinn á ævinni inn í horni og jafnar. Það verður ekki með skalla en það verður darraðadans og hann potar honum inn. Fast leikatriði sem Raggi Sig og Þjóði kokka saman.

Verður bikarþynnka? KA menn urðu bikarmeistarar um helgina eftir frábæran sigur á Víking. HK og KA mættust í Kórnum 28. júní og nokkrum dögum síðar lagði KA Val í undanúrslitum Mjólkurbikarsins og fór því annað árið í röð í úrslitin gegn Víkingi og náðu að hefna fyrir tapið í fyrra og unnu fyrsta bikartitil í sögu félagsins.

KA hefur að litlu að keppa í neðri hlutanum en HK er í bullandi fallbaráttu, aðeins stigi á undan Vestra sem er í fallsæti, svo það er spurning hvort KA menn hafi fagnað titlinum vel og gestirnir geti nýtt sér það og mætt dýrvitlausir til leiks.

Fyrri viðureignir KA nældi í fjögur stig gegn HK í deildakeppninni en liðin gerðu jafntefli hér á Greifavellinum í fyrstu umferð en KA mætti í Kórinn og vann 2-1 þar sem Hallgrímur Mar Steingrímsson skoraði sigurmarkið.

Góðan daginn Verið velkomin í beina textalýsingu frá leik KA og HK í fyrstu umferð í neðri hluta Bestu deildarinnar. Leikurinn fer fram á Greifavellinum á Akureyri.