Heiðursgestir leiksins eru Halldór Björnsson (Selfoss) og Magnús Björn Ásgrímsson (KFA).

Liðin ganga til vallar við mikinn fögnuð áhorfenda, nú styttist í þetta!

Gríðarleg stemning! Fimmtán mínútur í leik, stuðningsmannasveitir beggja liða byrjaðar að láta heyra vel í sér.

Byrjunarliðin Eggert Gunnþór spilandi þjálfari KFA gerir tvær breytingar frá undanúrslitunum.
Inn í byrjunarliðið koma þeir Imanol Gonzalez og Arek Grzelak, fyrirliði liðsins.

Bjarni Jóhannsson þjálfari Selfoss gerir eina breytingu frá undanúrslitum.
Inn í byrjunarliðið kemur Sesar Örn Harðarson í stað Alfredo Sanabria.

Sverrir spáir lokuðum leik Fótboti.net fékk Sverri Mar Smárason sérfræðing neðri deilda til að rýna í liðin.
Sverrir lýsir leiknum í beinni dagskrá á Stöð 2 sport 5.

„Ég er að sjá fyrir mér mjög taktískan og lokaðan leik lengi vel. Bæði liðin mjög öflug á sínum degi og vilja alls ekki lenda snemma undir.
Bjarni Jó er búinn að sækja einn málm en hann kann þetta allt saman og verður aldrei saddur."

Sverrir spáir 1-0 sigri Selfoss

„Leikurinn fer 1-0 fyrir Selfoss og Gonzi með sigurmarkið. Fær boltann fyrir framan teiginn eftir innkast og smellir boltanum í vinkilinn. Þetta verður leikur þar sem svoleiðis töfrar eru það eina sem dugar til."

ÞÞÞ verður með flautuna Skagamaðurinn Þórður Þorsteinn Þórðarson mun dæma leikinn en Guðmundur Ingi Bjarnason og Ronnarong Wongmahadthai verða aðstoðardómarar.

Dómarateymið:

D: Þórður Þorsteinn Þórðarson
AD1: Guðmundur Ingi Bjarnason
AD2: Ronnarong Wongmahadthai
4ði: Aðalbjörn Heiðar Þorsteinsson

Eftirlitsmaður KSÍ: Ingi Jónsson
Eftirlitsmaður Fótbolta.net: Valur Gunnarsson

Lesendur telja Selfyssinga líklegri 75% lesenda Fótbolta.net spá því að það verði Selfoss sem hampi bikarnum undir ljósum Laugardalsvallar. Þetta er niðurstaða könnunar sem var á forsíðu.

Hvort liðið vinnur Fótbolti.net bikarinn?
75% Selfoss (913)
25% KFA (300)

KFA vilja bjarga sumrinu Arek Grzelak, fyrirliði KFA og Eggert Gunnþór Jónsson spilandi þjálfari KFA mættu í viðtöl í gær.
Eggert Gunnþór tók við sem aðalþjálfari liðsins í ágúst.

Selfyssingar spenntir fyrir leiknum Aron Fannar Birgisson leikmaður Selfoss og Bjarni Jóhannsson þjálfari Selfyssinga mættu í viðtöl í gær.

Leiðin á Laugardalsvöll Leið Selfoss í úrslitaleikinn

Selfoss vann 2. deildina í sumar og getur liðið fullkomnað tímabilið með því að vinna bikarinn á föstudagskvöld.

Selfoss vann 3-2 útisigur á Ægi í grannaslag í 32-liða úrslitum Fótbolti.net bikarsins þar sem Gonzalo Zamorano skoraði tvívegis af vítapunktinum eftir að Ægir komst tveimur mörkum yfir. Sesar Örn Harðarson skoraði sigurmarkið.

Í 16-liða úrslitum vann Selfoss 3-1 sigur gegn KFG með mörkum Nacho Gil, Gonzalo Zamorano og Alexander Clive Vokes.

Í 8-liða úrslitum vann Selfoss 3-2 gegn Haukum. Sesar Örn Harðarson skoraði tvívegis og Gonzalo Zamorano eitt.

Í undanúrslitum síðasta laugardag vann Selfoss svo 4-1 gegn Árbæ. Gonzalo Zamorano skoraði tvö mörk og hefur því skorað í öllum umferðum keppninnar í ár. Alexander Clive Vokes og Aron Fannar Birgisson skoruðu hin mörk Selfyssinga.



Leið KFA í úrslitaleikinn

Austfirðingar enduðu í fimmta sæti 2. deildar og náðu ekki því markmiði sínu að komast upp um deild.

Abdelhadi Khalok skoraði þrennu þegar KFA vann 6-3 sigur gegn ÍH í 32-liða úrslitum Fótbolti.net bikarsins. Julio Fernandes, Nenni Þór Guðmundsson og Arnór Pálmi Kristjánsson komust einnig á blað fyrir KFA.

KFA átti ekki í nokkrum vandræðum með Ými í 16-liða úrslitum og vann 6-0 stórsigur. Daníel Michal Grzegorzsson sem fæddur er 2009 kom af bekknum og skoraði.
Jafnaldri hans Nenni Þór Guðmundsson lék svo sama leik þegar hann skoraði beint úr aukaspyrnu. Marteinn Már Sverrisson skoraði tvö í leiknum og þeir Julio Fernandes og Þór Sigurjónsson skoruðu sitt markið hvor.

Í 8-liða úrslitum vann KFA 3-1 útisigur gegn Augnabliki í Fífunni. Jacques Fokam Sandeu, Birkir Ingi Óskarsson og Eiður Orri Ragnarsson skoruðu mörkin.

Í undanúrslitum lenti KFA undir gegn Tindastóli en vann að lokum 2-1 sigur. Eiður Orri Ragnarsson og Marteinn Már Sverrisson með mörkin.

Miðasala í fullum gangi Miðasala á leikinn fer fram á Tix.is

Leikurinn hefst 19:15, búist er við mikilli stemningu á Laugardalsvelli svo það er um að gera að skella sér á völlinn.

Leikurinn er einnig sýndur í beinni dagskrá á Stöð 2 Sport 5.

Úrslitaleikur ástríðunnar! Heilir og sælir lesendur góðir og veriði hjartanlega velkomin í þráðbeina textalýsingu frá úrslitaleik Fótbolta.net bikarsins, bikarkeppni neðri deilda.

Leikið er á Laugardalsvelli og eru það Selfoss og KFA sem leika til úrslita.