Sævar Þór Sveinsson @saevarthor02

Textalýsing Skýrslan Viðtöl

Hvað réði úrslitum? Þrjú orð: Andri Rúnar Bjarnason. En burtséð frá því þá áttu allir í liði Vestra mjög góðan leik en mörk vinna leiki og Andri átti þátt í öllum mörkum Vestra í dag. Bestu leikmenn 1. Andri Rúnar Bjarnason Þvílík frammistaða hjá Andra í dag. Hann var algjör prímusmótor sóknarlega í dag fyrir Vestra. Átti frábæra stoðsendingu, skoraði eitthvað algjört þvælumark og hin tvö mörkin voru vel kláruð. Hefur stigið vel upp að undanförnu fyrir Vestra 2. William Eskelinen Mjög góð frammistaða í markinu. Framarar fengu sín færi en Eskelinen varði vel. Átti góða vörslu á marklínunni af stuttu færi eftir skot frá Alex Frey, varði einstaklega fast skot frá Tryggva vel og margar aðrar góðar vörslur í leiknum. Benedikt Warén fær líka mikið hrós. Atvikið Varsla Eskelinen frá Alex Frey, þvælumarkið hans Andra Rúnars, þrennumarkið hans Andra Rúnars, marklínuvarsla Eiðs Arons, aukaspyrnumarkið hans Kennie, rauða spjaldið sem Ibrahima fékk. Ég fæ hreinlega valkvíða.

Hvað þýða úrslitin? Vestri færast nær því að halda sér uppi í deildinni en tveir síðustu leikir Fram munu eflaust vera þeim þungir. Vondur dagur Varnarlega voru Framarar ekki góðir og sóknarlega var þetta mikið stöngin út hjá þeim. Dómarinn - 7,5 Spurning með rauða spjaldið sem Ibrahima fékk hvort Fram hefði átt að fá vítaspyrnu en ekki að aukaspyrnan yrði endurtekin en annars bara fín frammistaða hjá dómarateyminu.