Haukarnir geta klárað þrennuna: Byrjunin á einhverju stærra

„Ég veit ekki alveg hvað það eru margir að mæta. Það er búist við svona 1000 manns á leikinn og ég bið bara um það að við verðum í meirihluta.“ sagði Helgi þegar hann var spurður hvort hann vissi hvað við ættum von á mörgum Haukurum í kvöld.

Er þetta draumaúrslitaleikurinn sem við erum að fá í kvöld?

„Þetta eru tvö bestu liðin. En svo gæti einhver sagt að það væri meiri stemning að fá meiri neðri deildarlið í úrslitaleikinn en ef þú ert að pæla í góðum fótbolta og þess háttar eru þetta tvö bestu liðin að mætast hér í dag.“

Haukarnir geta klárað heilögu þrennuna með sigri í kvöld eftir að hafa verið búnir að klára Lengjubikarinn og 2. deildina í sumar.

„Hljóðið í Haukamönnum eftir sumarið er ekkert eðlilega gott. Maður er alltaf stoltur að vera Haukari en maður er farinn að segja það núna aðeins meira út á við. Guðjón Pétur Lýðsson er búinn að gera ótrúlega hluti fyrir þetta félag og maður er orðinn mjög þakklátur. Ég held líka að þetta sé bara byrjunin á einhverju stærra hjá okkur.“ sagði Helgi en viðtalið í heild sinni má sjá í spilaranum hér að ofan.