Sannfærandi sigur KR staðreynd. Viðtöl og skýrsla væntanleg á síðuna síðar í dag.

Dagbjartur Búi í góðu færi en á skot hátt yfir.

Hrannar Björn með góða fyrirgjöf en Ásgeir nær ekki snertingu á boltann! Mjög gott færi fór forgörðum þarna

Nú er Benoný í færi en hann hittir ekki á markið!

Flott spil á milli Arons Sigurðarsonar og Eyþórs Wöhler sem endar með skoti frá Eyþóri en Stubbur sér við honum.

Hrannar Björn Steingrímsson með skot af löngu færi og boltinn fer yfir

KA fær tækifæri eftir hornspyrnu en Jakob Snær skóflar boltanum yfir markið.

KR á fyrstu tilraunina í seinni hálfleik. Jóhannes Kristinn Bjarnason með skotið en boltinn fer rétt yfir.

Fyrri hálfleik lokið! Komum með seinni hálfleikinn að vörmu spori

KA fær víti! Alex Þór brýtur á Viðari Erni.

Það hefur verið rólegt undanfarnar mínútur

Frábær sókn hjá KR sem endar með fyrirgjöf frá Luke Rae en Benoný nær ekki til hans.

Jakob Snær Árnason með skot fyrir utan vítateiginn en boltinn fer frétt framhjá! Hörku tilraun!

Benoný Breki kemst í fínt færi en Hans Viktor nær að trufla skotið.

Darko Bulatovic með stórfurðulega sendingu þvert yfir völlinn. Boltinn fer beint á Aron Sigurðarson rétt fyrir utan vítateig KA. Hann sendir Benoný Breka í gegn en Stubbur sér við honum.

Viðar Örn Kjartansson sleppur einn í gegn en Alex Þór Hauksson nær honum og með frábæra tæklingu. Stúkan kallar eftir víti en held að þetta hafi bara verið frábær tækling, Viðar kvartar allavega ekki.

Gestirnir koma þessu af stað

Darko Bulatovic, Andri Fannar Stefánsson og Jakob Snær Árnason koma inn í lið KA. Kári Gautason, Harley Willard og Dagur Ingi Valsson, sem tekur út leikbann, detta út úr liðinu.

Birgir Steinn Styrmisson og Alex Þór Hauksson koma inn í liðið fyrir Gyrði Hrafn Guðbrandsson og Finn Tómas Pálmason sem tekur út leikbann.

Benoný Breki Andrésson, framherji KR, er sjóðandi heitur en þessi 19 ára gamli leikmaður hefur skorað 15 mörk í deildinni í sumar. Hann gerði sér lítið fyrir og skoraði fernu í 7-1 sigri á Fram í síðustu umferð.

Hilmar Jökull, stuðningsmaður Breiðabliks og formaður Tólfunnar, spáir fjörugum leik.

KA 3 - 3 KR
Bæði lið unnu síðustu leiki. KR slátraði Fram 7-1 í Vesturbænum á meðan að Akureyringar gerðu góða ferð í lautina. 3-3 stemnings leikur, VÖK með þrennu og KR aftur í fallbaráttu

Jóhann Ingi Jónsson verður með flautuna hér í dag. Kristján Már Ólafs og Þórður Arnar Árnason verða honum til aðstoðar. Birgir Þór Þrastarson er varadómari og Þóroddur Hjaltalín eftirlitsmaður KSÍ.

Báðir leikir liðanna í sumar enduðu með jafntefli. Fyrri leikurinn fór fram hér á Akureyri þar sem uppaldi Þórsarinn, Atli Sigurjónsson, kom KR yfir snemma leiks en Ásgeir Sigurgeirsson jafnaði metin í seinni hálfleik. Guy Smit fékk að líta rauða spjaldið stuttu áður. Seinni leikurinn fyrir sunnan var dramatískur en Finnur Tómas Pálmason jafnaði metin í 2-2 fyrir KR á lokasekúndum leiksins.

Tímabil KR hefur verið mikil vonbrigði en liðið er væntanlega fullt sjálfstrausts eftir síðasta leik þar sem liðið valtaði yfir Fram 7-1 en liðið gerði 2-2 jafntefli gegn Vestra á Ísafirði í fyrstu umferð eftir tvískiptingu.

Tímabil KA hefur verið upp og niður vægast sagt. Byrjaði afar illa en hefur farið vel upp á við og liðið stóð uppi sem bikarmeistari. Eftir bikarúrslitin gerði liðið 3-3 jafntefli gegn HK en fylgdi því eftir með 3-1 sigri á Fylki um síðustu helgi.

Verið velkomin í beina textalýsingu frá leik KA og KR í neðri hlutanum í Bestu deildinni. Leikurinn fer fram á Greifavellinum og hefst klukkan 14.