Leiknum er lokið með stórgóðum og öruggum sigri heimamanna sem eru enn á lífi í baráttunni um þriðja sætið en verða að treysta á að Stjarnan og Valsmenn tapi stigum. FH eru hinsvegar búnir að ljúka keppni, það er að segja, þeir hafa að engu að keppa þannig lagað.

Umfjöllun og viðtöl koma innan skamms. Takk fyrir samfylgdina.

FH eru að þrýsta Skagamönnum aftar á völlinn en þeir eru rosalega þéttir fyrir og reyna þess á milli að notfæra sér skyndisóknir.

Tilfinningin úr blaðamannastúkunni er sú að FH séu hættir. Það vantar ákefðina í þá sem var í fyrri hálfleik á meðan heimamenn virðast ætla að hamra járnið.

Frábær sending inn fyrir vörn FH hjá Hinriki beint á Steinar sem fer einn upp völlinn, inn í teig FH og nær ágætis skoti en Daði ver. Steinar átti að gera betur þarna.

Heimamenn byrja með boltann. Vonandi að fjörið haldi bara áfram!

Gríðarlega skemmtilegur fyrri hálfleikur að baki. Fáum okkur kaffi og meððí og sjáumst eftir 15 mín!

Níunda hornspyrna FH í leiknum átti sér stað og þeir eru bara alls ekkert að nýta sér þessi föstu leikatriði

Ekki sama ákefð en mér finnst einhvernveginn stutt í að það skapist hætta öðru hvoru meginn á vellinum.

Með góðan skalla að marki sem Árni Marínó má hafa sig allan við að taka en gerir það frábærlega.

Hvernig fórstu að því að skora ekki þarna drengur!

Fær geggjaða fyrirgjöf frá Jóni Gísla og er einn á móti Daða, fær boltann í fætur en er með þær mislagðar og Daði grípur boltann af tánum af honum.

Augljóst að bæði lið vilja sigur og eru ekkert hætt að sækja. FH augljóslega aðeins bognir eftir þessi þrjú mörk á sig en þeir eru ekki hættir. Skagamenn virðast svo vilja enn meira og eru að sækja.

Það koma fleiri mörk í þennan leik, það er ég viss um.

FH fékk aukaspyrnu vinstra megin á vellinum, c.a. 25 metrum frá marki ÍA. Fyrirgjöf inn í teig og við tók mikill darraðadans, Skagamenn að reyna að koma boltanum í burtu og FH í mark ÍA. Rann á endanum út í sandinn fyrir FH.

Ekkert að gerast svosem. Skagamenn virkuðu aðeins slegnir fyrstu mínúturnar eftir markið en hafa verið að fikra sig upp völlinn. FH eru líka skæðir í sínum sóknum og eru að senda boltann mikið fyrir mark ÍA en án árangurs.

FH byrja með boltann og spila í átt að Akraneshöllinni.

Það er sól, logn og smá kalt á Akranesi í dag. Því er smá svekkelsi hvað það er fámennt í stúkunni og grasbalanum þegar leikurinn er við það að hefjast.

Vilhjálmur Alvar Þórarinsson er dómari leiksins

Gylfi Már Sigurðsson er AD1

Eysteinn Hrafnkelsson er AD2

Jón Þór Hauksson þjálfari ÍA gerir 3 breytingar á liði sínu eftir 0 - 3 tapið gegn Stjörnunni í síðustu umferð. Hlynur Sævar Jónsson, Guðfinnur Leo Leósson og Steinar Þorsteinsson koma inn í liðið í stað Hilmars Elís, Marko Vardic og Inga Þórs Sigurðssonar.

Heimir Guðjónsson þjálfari FH gerir einnig 3 breytingar á liðinu sínu eftir 1 -0 tapið gegn Breiðablik í síðustu umferð. Arnór Borg, Baldur Kári Helgason og Bjarni Guðjón Brynjólfsson koma inn í liðið í stað Grétars Snæs, Kristjáns Flóka og Björn Daníels

ÍA - FH á sunnudaginn klukkan 14:00 ?

Fanzone verður á Aggapalli og munum við sýna frá leik Aston Villa - Man Utd ????
Sláarkeppni mun fara fram í höllinni 13:30 og mun sigurvegarinn vinna áritaða treyju með nöfnum leikmanna meistaraflokks karla ????????
Skráning í keppnina fer fram… pic.twitter.com/JaUNAVS1Ar

— ÍA Akranes FC (@Skagamenn) October 4, 2024

Aganefnd KSÍ úrskurðaði leikmenn í bann vegna gulra spjaldna og eru þeir Grétar Snær Gunnarsson

og Kristján Flóki Finnbogason


í banni í dag hjá FH. Það eru engir leikmenn ÍA í leikbanni en það eru menn fjarverandi vegna meiðsla og ber helst þar að nefna Rúnar Már Sigurjónsson

Hilmar Jökull, Big Glacier, formaður Tólfunnar stuðningsmannaklúbbs Íslenska landsliðsins í knattspyrnu og stuðningsmaður Breiðabliks er spámaður umferðarinnar hjá okkur.

ÍA 2 - 3 FH
ÍA menn eru eitthvað skrýtnir í þessari úrslitakeppni. Búnir að eiga 2 allt í lagi hálfleika í sitthvorum leiknum en tapa báðum með markatöluna 0-5 samanlagt.

2-3 FH sigur, Heimir lemur sína menn í gang og ég sé þetta Skagalið ekki gera neitt í þessari úrslitakeppni nema tapa.

Framhald frá fyrri færslu.

Gestirnir sitja í 6. sæti deildarinnar með 33 stig og eru einnig búnir að tapa fyrstu tveimur leikjunum í umspilinu, fyrst gegn Víkingum 3 - 0 og síðan 1 - 0 gegn Blikum. Þeir líkt og ÍA eru samt í séns ennþá um að ná þriðja sætinu, ef þeir vinna alla þrjá leikina sem eftir eru og treysta á að Valur og Stjarnan tapi stigum.

Held að það sé óhætt að segja að tap hér í dag eða jafntefli muni þýða að hvorugt liðanna sé áfram í baráttu um þriðja sætið í deildinni og þar með úr baráttunni um Evrópusæti.

Heimamenn sitja í 5. sæti deildarinnar með 34 stig og búnir að tapa fyrstu tveimur leikjunum í umspilinu, fyrst gegn Blikum 2 - 0 og síðan 3 - 0 gegn Stjörnunni. Þeir eru samt í séns ennþá um að ná þriðja sætinu, ef þeir vinna alla þrjá leikina sem eftir eru og treysta á að Valur og Stjarnan tapi stigum.

Góðan og bjartan og fallegan haustdaginn og verið velkomin í beina textalýsingu ofan af Akranesi frá leik ÍA og FH í þriðju umferð efra umspils í Bestu deild karla í knattspyrnu. Leikurinn hefst kl. 14:00 og verður vonandi hin besta skemmtun.