Maður á ekki til orð hérna!

Guðfinnur tekur spyrnuna inn á teiginn og ég sé ekki hver kemur boltanum í netið en Elías Ingi tekur markið af ÍA þegar þeir eru að fagna markinu. Gríðarleg mótmæli! Sást ekki hvað Elías var að dæma þarna.

Jón Gísli kemur boltanum fyrir markið sem fer beint á Pálma. Engin pressa á honum en hann kýlir boltann aftur fyrir.

Johannes Vall hefur verið valinn maður leiksins af Skagamönnum.

524 áhorfendur á Skaganum í dag.

Ari Sigurpáls keyrir inn á teiginn við endalínu og kemur boltanum út í teiginn á Erlin Agnarsson sem tekur skotið yfir.

Viktor Örlygur tekur spyrnuna inn á teiginn sem fer yfir allan pakkann og í innkast.

Ingi Þór er nýkominn inn á, fær boltann inni á teignum og tekur skotið rétt framhjá.

Guðfinnur tekur spyrnuna inn á teiginn sem er ekki góð og Víkingar fá markspyrnu.

Viktor Örlygur tekur spyrnuna inn á teiginn sem Skagamenn ná að hreinsa frá. Þarna munaði litlu því Árni Marinó hrasaði í teinum og hefði ekki komið neinum vörnum við ef Víkingarnir hefðu verið fyrstir á vettvang.

Viktor Örlygur tekur spyrnunainn á teignn sem fer í einhvern Víking sem er í hrúgunni inni á teignum og fer aftur fyrir. Lygilegt hvernig þessi bolti fór ekki inn.

Augnablikið er með Víkingum. Það er bara eitt lið á vellinum en það er bara spurning hvort Skagamenn ná að halda þetta út. Þeir virka mjög ótengdir í þessum seinni hálfleik eftir frábæran endi á fyrri hálfleiknum.

Helgi Guðjóns tekur spyrnuna inn á teiginn sem Árni Marinó kýlir frá en Víkingar halda áfram í boltann.

Erlingur kemur með góða fyrirgjöf inn á teiginn sem Niko Hansen skallar rétt framhjá markinu.

Seinni hálfleikurinn hefur algjörlega verið í eigu Víkinga. Miklu líklegri aðilinn að skora næsta mark leiksins eins og staðan er núna. Skagamenn leyna þó á sér í skyndisóknum og geta refsað.

Aron Elís fær boltann inni á teignum eftir fyrirgjöf og bombar á markið en Árni Marinó ver vel. Sóknin heldur áfram hjá Víkingum.

Það eru gestirnir sem koma þessu í gang á ný fyrir okkur.

Gífurlega sterkur fyrri hálfleikur hjá Skagamönnum en Víkingarnir þurfa að bregðast við. Þetta gæti verið rándýrt í titilbaráttunni!

Alveg við D-bogann.

Viktor Jóns fær boltann inni á teignum og tekur skotið á markið en Pálmi ver vel aftur fyrir. Skömmu seinna kemur í ljós að Viktor hafi verið fyrir inann svo Víkingar eiga boltann.

Helgi tekur spyrnuna inn á teiginn sem Erik Tobias sýndist mér skallar frá, beint á Gunnar Vatnhamar sem tekur skotið fyrir utan teig en það fer yfir Akraneshöllina.

Davíð Örn kemur með bolta inn á teiginn sem Hlynur Sævar skallar óvart í átt að marki Skagamanna. Boltinn fer í innanverða stöngina og allir Víkingar byrja að fagna áður en þeir sjá að boltinn fer svo aftur í hina stöngina. Þetta munaði einhverjum sentímetrum!

Arnór Smára missir boltann of langt frá sér og fer í harkalega tæklingu sem Elíasi Inga fannst ekki vera hægt að dæma á. Arnar tekur sprett í átt að 4. dómaranum og er ekki sáttur ásamt öllum öðrum Víkingum á vellinum.

Erik Tobias á lélega sendingu til baka sem Árni og Hansen elta. Árni Marinó nær mjög góðri tæklingu og bjargar þar með Erik.

Viktor Örlygur tekur spyrnuna inn á teiginn sem endar með skallar frá Davíð Erni aftur fyrir eftir ekkert smá mikið klafs á teignum. Gunnar Vatnhamar liggur eftir niðri og þarf aðhlynningu en er staðinn á fætur.

Helgi með skot sem fer í Erik Tobias og aftur fyri.

Viktor Örlygur tekur spyrnuna inn á teiginn sem Jón Gísli neglir í burtu eftir smá barning inni á teignum.

???????????????? spjald fyrir dýfu

— Max Koala (@Maggihodd) October 19, 2024

Erlingur Agnarsson vinnur boltann úti hægra meginn af Johannes Vall og kemur boltanum fyrir á Helga sem hittir ekki boltann almennilega og Árni nær að stoppa þetta. Risa færi í upphafi leiks!

Það eru Skagamenn sem koma þessu í gang í dag.

Liðin ganga þá til vallar og gera sig klár í slaginn.

Jón Þór Hauksson, þjálfari ÍA, gerir allt að eina breytingu á Skagaliðinu frá 4-1 sigrinum á Blikum á dögunum. Fyrirliðinn Arnór Smárason kemur inn í liðið fyrir Guðfinn Þór Leósson. Gerðar eru 5 breytingar á Víkingsliðinu frá dramatíska 2-2 jafnteflinu gegn Stjörnunni í seinustu umferð. Oliver Ekroth, Gísli Gottskálk Þórðarson, Danijel Dejan Djuric, Karl Friðleifur Gunnarsson og Ari Sigurpálsson koma úr liðinu á meðan þeir Jón Guðni Fjóluson, fyrirliðinn Niko Hansen, Tarik Ibrahimagic, Davíð Örn Atlason og Erlingur Agnarsson koma inn í liðið.

Aron Guðmundsson, íþróttafréttamaður á Vísi og Stöð 2 Sport, spáir í leikina sem eru framundan í næst síðustu umferð deildarinnar.ÍA 1 – 1 Víkingur R. (14:00 í dag) Þessi er athyglisverður í meira lagi. Grasið á Skaganum er samkvæmt heimamönnum það besta á landinu um þessar mundir. Og þetta verður naglbítur í samræmi við það hversu mikið er undir fyrir bæði lið. 1-1 jafntefli og bæði mörkin á síðustu tíu mínútum leiksins. ÍA kemst yfir. Helgi Guðjóns jafnar eftir darraðadans í teignum í kjölfar hornspyrnu.

Víkingar eru í harðri toppbaráttu við Breiðablik. Eins og staðan er núna eru Víkingar á toppi deildarinnar með 9 mörkum en Blikar eiga Stjörnuna á heimavelli í dag. Víkingar eiga Breiðablik í lokaumferðinni í hreinum og beinum úrslitaleik um Íslandsmeistaratitilinn. Skagamenn eru ennþá í séns að ná í Evrópusæti. 3. sætið gefur Evrópu þá sérstaklega ef Valsmenn tapa gegn FH í þessari umferð. ÍA á Val í lokaumferðinni sem gæti verið úrslitaleikur um Evrópusæti en það þarf margt að gerast svo að það verði raunin.

Einn besti dómari sumarsins í íslenska boltanum, Elías Ingi Árnason, heldur utan um flautuna í dag. Honum til aðstoðar verða þeir Guðmundur Ingi Bjarnason og Sveinn Ingi Sigurjónsson Waage. Erlendur Eiríksson er skiltadómari og Viðar Helgason er eftirlitsmaður KSÍ.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik ÍA og Víkings á Akranesi. Þetta verður vægast sagt áhugaverður leikur en þessi leikur mun hafa gífurleg áhrif á lokaniðurstöðu mótsins, sama hvernig leikurinn fer.