SKÝRSLAN: Elfar Árni sýndi að hann kann þetta ennþá
Hvað réði úrslitum?
Mikill kraftur í KA mönnum í fyrri hálfleik. Komu svo sannarlega tilbúnir til leiks en ekki hægt að segja það sama um Vestra sem var lítil fyrirstaða fyrir KA lengst af.
Bestu leikmenn
1. Elfar Árni Aðalsteinsson
Kemur inn í liðið eftir að hafa fengið fáa sénsa í sumar og skorar tvö mörk. Frábær frammistaða í leiknum.
2. Ásgeir Sigurgeirsson
Leggur upp annað markið og á stóran þátt í hinu en aðdragandinn af báðum mörkunum var frábær einna snertingabolti hjá KA.
Atvikið
Ásgeir hefði mögulega getað fullkomnað frammistöðu sína snemma í seinni hálfleik þegar hann skoraði eftir slæm mistök hjá William Eskelinen í marki Vestra. Eskelinen sparkaði boltanum í Ásgeir sem komst einn á móti marki í kjölfarið og skoraði. Það var hins vegar dæmd hendi á Ásgeir en það var erfitt að dæma um það.
Hvað þýða úrslitin?
KA er í 7. sæti (efsta sæti í neðri hlutanum) en Vestri er þremur stigum frá fallsæit en með mun betri markatölu en HK.
Vondur dagur
Vestri mætti ekki til leiks í fyrri hálfleik. Vantaði alla ákefð og KA gekk á lagið. Það vantaði stóra karaktera í liðið í dag en liðið er að berjast um að halda sæti sínu í deildinni og hefði því verið ansi dýrmætt að taka eitthvað út úr þessum leik.
Dómarinn - 7
Flott frammistaða heilt yfir en spurning með 'ekki markið' hjá Ásgeiri.