Þriðji sigur liðsins í röð og þeir geta svo sannarlega líka gert það á gervigrasi! Skýrsla og viðtöl

Stjarnan fær aukaspyrnu! Það er enn von.

Oliver Heiðarsson með skot sem Árni ver. Ekki mikill kraftur í þessu.

Auðvelt val. Sá er búinn að vera skemmtilegur í þessum leik og á köflum leikið sér að Garðbæingum.

Omar Sowe með skot sem Örvar Logi bjargar á marklínu.

Skylduskorunarfæri en setur boltann framhjá! Þarna átti Stjarnan að minnka muninn.

Stuðningsfólk Stjörnunnar kastrar inn hvíta handklæðinu og fer að rölta að körfuboltasalnum.

Stuðningsmenn beggja liða klappa því þetta leit ekki vel út.

Benedikt Waren með skot sem Marcel ver með miklum tilþrifum en lendir illa á stönginni og liggur eftir í gervigrasinu.

Sviptingar í veðrinu að íslenskum sið. Sýnist sólin ætla að vera með okkur lokakafla leiksins.

Guðmundur Baldvin með skot úr teignum en framhjá.

Hættuleg sókn stjörnunnar en Benedikt Waren tók ranga ákvörðun og Milan Tomic rennir sér í boltann. Sókn sem Stjarnan hefði átt að nýta mun betur.

Ekki nóg með að hann skoraði þetta glæsimark fyrir ÍBV heldur hefur hann hvað eftir annað verið að leika sér að Stjörnumönnum.

Benedikt Waren á fjærstönginni en skallar rétt framhjá!

Orrahríð að marki ÍBV! Fyrst Samúel Kári með tilraun og svo var Emil Atla í hörkufæri en Marcel varði í bæði skiptin. "Þarna er hann að bæta upp fyrir mistökin áðan," segir Eyjamaðurinn Smári Jökull sem situr við hlið mér í fréttamannastúkunni.

Omar Sowe að skapa vandræði fyrir Garðbæinga.

Fróðlegt að sjá hvort þessi þrefalda skipting breyti einhverju hjá heimamönnum.

Sigurður Arnar með tilraun en beint á Árna. - Stjarnan að gera þrefalda skiptingu klára.

Leikurinn verið stopp í smá tíma, Sindri fékk höfuðhögg og verið að hlúa að honum.

Þéttingsfast skot frá Oliver af löngu færi!!! Árni ver þetta naumlega rétt yfir markið.

Adolf Daði tekur Oliver niður við hliðarlínuna. Stálheppinn að fá ekki gult spjald.

Boltinn endar í marki ÍBV eftir hornspyrnu en réttilega búið að dæma sóknarbrot.

Eyjamenn búnir að taka upphafsspyrnu seinni hálfleiksins. Engar skiptingar í hálfleik.

Dúllubarinn að slá í gegn eins og alltaf. Það er löng vakt hjá Silfurskeiðinni enda verður körfuboltaleikurinn beint í kjölfarið á þessum leik.

Með boltann: 61% - 39%
Skot: 6-8
Á mark: 1-4
Horn: 2-4
Sendingar: 249-154

Það hefur verið líf og fjör í Garðabænum!

Bjarki Björn pakkar Örvari Loga saman, sólaði hann illilega, gaf á Vicente Valor sem kom boltanum út á Alex Frey en skot hans yfir markið.

Stjarnan færist nær og nær jöfnunarmarki! Emil Atlason núna með skot rétt framhjá. Stjarnan heldur betur að herja á Eyjamenn núna.

Stórhættuleg fyrirgjöf og Örvar nálægt því að jafna. Þetta er leikur!

Örvar Eggertsson af kantinu með skottilraun hreinlega, sem endar ofan á þaknetinu! Þetta var alls ekki galið!

Eyjamenn hafa verið að hóta öðru marki síðustu mínútur! Vicente Valor með skot sem fór af varnarmanni og í hornspyrnu. Eftir hana kölluðu Eyjamenn eftir vítaspyrnu og svo endaði þetta með skoti sem Alex Freyr átti en framhjá fór boltinn.

Já varðanadi markið áðan þá sést varla endursýningu hvort Sowe hafi átt skotið eða boltinn farið af Kjartani og inn. Ef þetta skráist á Sowe er þetta allavega hans fjórða mark í þremur leikjum.

Kraftlítið hinsvegar og Árni Snær nær að verja.

Daníel Geir Moritz fyrrum eigandi ÍBV, Haukur Gunnarsson stjörnuljósmyndari, Smalinn Baldur Sigurðsson, Páll Magnússon (hægt að setja allskonar titla), Þorvaldur Örlygsson formaður KSÍ, Arnþór Ingi Kristinsson fyrrum fótboltamaður og núverandi trúbador og Sigrún María vallarþula eru meðal þeirra sem eru mættir.

Edeland kemst fyrir. Allt í einu var ýtt á einhvern takka eftir rólega byrjun og skyndilega erum við textalýsendur komnir í yfirvinnu.

Adolf með fyrirgjöf frá vinstri og Emil Atlason er nálægt því að komast í boltann en Marcel nær til hans.

Oliver Heiðarsson með fyrstu tilraun leiksins, svo kom Kjartan Már Kjartansson með skot hinumegin rétt framhjá. Beint á eftir kemst Omar Sowe í færu og á skot sem Árni Snær ver í horn. Ekkert kemur út úr hornspyrnunni.

Það er allavega loksins að færast fjör í leikana!

Tíðindalitlar fyrstu mínúturnar. Höfum samt fengið nokkrar tæklingar á blautu gervigrasinu.

Stjarnan byrjar af talsvert meira krafti (hafa fengið tvær hornspyrnur) og þá eru veðurguðirnir búnir að skrúfa aðeins frá rigningunni. Það er bara príma fótboltaveður.

Árni
Baldur Logi - Siggi - Sindri - ÖrvarLogi
Alex - Kjartan Már - Guðmundur Baldvin
Örvar Eggerts - Emil - Adolf

Marcel
Arnór - Sigurður - Edeland - Felix
Valor - Bjarki - Alex
Oliver - Sowe - Arnar Breki

Kjartan Már tekur spyrnuna en heimamenn ná ekki að skapa neitt.

Vonandi fáum við líf og fjör.

Í byrjunarliði ÍBV má finna uppalinn Stjörnumann. Það er Arnór Ingi Kristinsson sem kom til ÍBV frá Leikni fyrir tímabilið.

Þá eru bræður á skýrslu í sitthvoru liðinu. Guðmundur Baldvin Nökkvason byrjar hjá Stjörnunni og á bekknum hjá ÍBV er bróðir hans Nökkvi Már Nökkvason.

Þorlákur Árnason þjálfari ÍBV þekkir auðvitað vel til hér í Garðabænum eftir að hann stýrði kvennaliði Stjörnunnar. Svo er Andri Rúnar Bjarnason, sem byrjar á bekk Stjörnunnar, fyrrum leikmaður ÍBV.

Smári Jökull á Vísi (reyndar hlutdrægur sem Eyjamaður): 2-2 jafntefli.

Young Glacier á Mbl: 3-1 Stjarnan.

Þorsteinn plötusnúður: 3-2 Stjarnan.

Ég: 2-0 Stjarnan.

Stjörnumenn voru sólgnir í að reyna að trixa á síðasta tímabili og Jökull var duglegur við að breyta auglýstu byrjunarliði fyrir leik. Miðað við upphitun þá ætlar hann að halda sig við það byrjunarlið sem fyrst var auglýst.

Lið og dómarar eru að hita upp á vellinum. Meistari Páló, einn þekktasti stuðningsmaður Stjörnunnar, er að sjálfsögðu fyrstur til að taka sér sæti. Hann mætti reyndar fyrst í fréttamannaboxið og bað plötusnúð vallarins um óskalag. Vill 'We Are the Champions' í tilefni þess að hans menn í Liverpool innsigluðu Englandsmeistaratitil sinn í gær.

Milan Tomic hefur verið að glíma við meiðsli hjá Eyjamönnum og byrjar meðl varamanna í dag. Breki Baxter má ekki spila gegn Stjörnunni. Inn fyrir þá koma Arnar Breki Gunnarsson og Vicente Valor.

Jökull Elísbetarson setur Samúel Kára Friðjónsson, Benedikt Waren, Daníel Finns Matthíasson og Andra Rúnar Bjarnason á bekkinn frá síðasta leik, tapinu gegn Breiðabliki.

Inn koma Adolf Daði Birgisson, Guðmundur Baldvin Nökkvason, Sigurður Gunnar Jónsson og Alex Þór Hauksson.

Stjarnan hafði byrjað tímabilið á tveimur sigurleikjum; gegn FH og ÍA, en tapaði í þriðju umferð gegn Breiðabliki þar sem Höskuldur Gunnlaugsson tryggði Kópavogsliðinu sigurinn í uppbótartíma.

ÍBV hefur fagnað tveimur sigrum á Þórsvelli í Eyjum í síðustu tveimur leikjum, frækinn bikarsigur gegn Víkingi og svo í deildinni gegn Fram. Liðið er með fjögur stig í Bestu deildinni og óhætt að segja að það hafi verið að slípast býsna vel saman. En það er nánast önnur íþrótt að spila á Samsung-vellinum og á Þórsvellinum og fróðlegt að sjá hvað Þorlákur Árnason og hans lærisveinar sýna okkur í dag.

ÍBV vann 3-1 sigur gegn Fram í síðasta leik.

Hinn tvítugi Þorlákur Breki Baxter verður ekki með ÍBV í kvöld þar sem hann er hjá Eyjamönnum á láni frá Stjörnunni. Ég býst við að Vicente Valor, sem gekk aftur í raðir ÍBV frá KR nýlega, komi inn í liðið en bíðum og sjáum. Byrjunarliðin verða opinberuð klukkutíma fyrir leik.

Magnús Þórir Matthíasson, sá mikli fagmaður og lýsandi á Stöð 2 Sport, spáir í 4. umferð Bestu deildarinnar. Hann spáir öruggum sigri Stjörnunnar.

Stjarnan 4-1 ÍBV
Stjörnumenn koma slegnir inn í þennan leik eftir erfiða síðustu viku, framlenging á móti Njarðvík í bikarnum sem endaði með sigri, þreyttir, og svo þungt tap á móti Breiðabliki þar sem Stjörnuliðið gerði allt það sem gat til að tefja stigið í hús en einsog Kiddi Kjærnested vinur minn sagði svo skemmtilega í útsendingunni þá kom Höggi þungu höggi á Stjörnumenn á lokasekúndum og tap niðurstaðan.

Eyjamenn fullir sjálfstrausts eftir tvo sigra á Þórsvelli á móti Víkingum í bikarnum og svo Fram í deildinni byrja þennan leik af krafti og komast yfir eftir 10 mínútna leik 1-0. Bjarki Björn með markið, stöngin inn og Árni Snær Ólafsson fer í sína frægu stöðu og stendur grafkyrr á milli stangana. Ekkert meira skorað í fyrri hálfleik og Jöllarinn(ekki Jölli í SuitUp) tekur þrumu ræðu á sína menn í hálfleik og gerir þrefalda skiptingu. Adolf Daði, 22 mínútna maðurinn hingað til á tímabilinu, verður dreginn úr frystikistunni og hann þakkar traustið og setur 2 mörk. Stjörnumenn ganga frá Eyjamönnum á iðagrænu plastinu í síðari hálfleik 4-1 lokatölur, Emil Atlason og Jón Hrafn með hin mörk Stjörnunnar. Þorlákur Árnason tekur trylling á hliðarlínunni í seinni hálfleik og fær að líta rauða spjaldið.

Gunnar á ekki marga leiki að baki í deild þeirra bestu í karlaflokki en stóð sig ágætlega í Lengjudeildinni í fyrra. Birkir Sigurðarson og Antoníus Bjarki Halldórsson verða með flöggin í kvöld og Twana Khalid Ahmed á skiltinu. Eftirlitsmaður leiksins er Oddur Helgi Guðmundsson.

Það voru þrír leikir í gær. KR bauð upp á veislu og pakkaði saman ÍA, KA vann gríðarlega mikilvægan sigur á FH í spennandi leik og aftur reyndist Höskuldur Gunnlaugsson hetja Breiðabiks.

   28.04.2025 11:35

Sjáðu mörkin: Markahlaðborð KR og sveiflur fyrir norðan

Fjórðu umferð Bestu deildarinnar lýkur í kvöld með þremur leikjum. Hér í Garðabænum tekur Stjarnan á móti ÍBV. Leikurinn er á óvenjulegum leiktíma, hefst 17:45, en ástæðan fyrir því að flautað er svona snemma af stað er körfuboltaleikur Stjörnunnar og Grindavíkur sem fram fer seinna í kvöld.

mánudagur 28. apríl
17:45 Stjarnan-ÍBV (Samsungvöllurinn)
19:15 Valur-Víkingur R. (Valsvöllur)
19:15 Fram-Afturelding (Lambhagavöllurinn)