SKÝRSLAN: Öruggt og sannfærandi hjá Njarðvíkingum
Hvað réði úrslitum?
Njarðvíkingar mættu bara með krafti í dag og gáfu Völsungi aldrei séns. Skoruðu snemma tvö mörk og drápu leikinn strax. Virkilega sannfærandi og sanngjarn sigur þegar uppi er staðið.
Bestu leikmenn
1. Oumar Diouck
Skoraði tvö og lagði upp eitt. Klikkaði á víti fyrir þrennunni en fyrir utan það steig hann ekki feil spor í leiknum. Frábær leikmaður
2. Dominik Radic
Skoraði og lagði upp. Sterk frammistaða eftir vonbrigðardag í fyrstu umferð. Amin Cosic fær líka 'shout'
Atvikið
Oumar Diouck kláraði leikinn endanlega með þriðja markinu í dag. Auðvelt mark og rotaði Völsung á leið inn í hálfleikinn.
Hvað þýða úrslitin?
Njarðvíkingar fara við toppinn með þessum sigri og með flotta markatölu. Völsungur eru enn í leit af fyrstu stigunum.
Vondur dagur
Bjarki Baldvinsson átti stutta innkomu í dag og tekur þennan titil á kassann.
Dómarinn - 6
Vítið soft og sennilega rangur dómur en kom ekki að sök. Var stundum að stoppa leikinn full mikið og full snemma þegar liðin voru í færi á hagnaði. Hann hafði samt ekki áhrif á úrslit leiksins svo þetta var bara ágætt í dag.