SKÝRSLAN: Afturelding sá ekki til sólar fyrir vestan
Hvað réði úrslitum?
Vestri gátu skorað en Afturelding ekki. Heimamenn fengu mark í byrjun leiks og virtust ekki líklegir til þess að láta forustuna af hendi. Ná svo inn seinna markinu á 73. mínútu og eftir það var þetta aldrei spurning.
Bestu leikmenn
1. Morten Ohlsen Hansen
Fiskar vítið og með frábæra stoðsendingu í seinna markinu. Ásamt Eiði og Gus gerði hann svo frábærlega í því að vernda Guy í markinu sem þurfti aldrei að taka á honum stóra sínum.
2. Fatai Gbadamosi
Þessi gaur er eins og geitungur á miðjunni. Ver varnarlínuna sína vel og var einna hættulegastur Vestramanna fram á við í þessum leik, átti nokkur kröftug hlaup með boltann
Atvikið
Vítaspyrnan sem skóp leikinn í byrjun. Klaufalegt og óheppni eru orðin sem koma uppí hugann. Morten kemur á blindu hliðina á Axel sem bombar hann niður.
Hvað þýða úrslitin?
Vestri er áfram í draumalandi. Á toppnum með 13 stig eftir 6 leiki og aðeins 2 mörk fengin á sig. Það nennir enginn að mæta þeim þessa dagana. Afturelding eru bara í fínum málum svosem, 7 stig er bara ágætis uppskera. Þeir eiga KR í næsta leik sem getur farið hvernig sem er þannig að það er bara áfram gakk.
Vondur dagur
Enginn hauskúpuleikur í dag en Axel er sennilega ekki hress með að fá þetta víti á sig í byrjun leiks. Benjamin Stokke hefði mátt gera meiri mat úr þeim tækifærum sem hann þó fékk.
Dómarinn - 6
Lala frammistaða frá Arnari í dag. Vítaspyrnan var hárrétt en nokkur atvik úti á velli voru smá skrýtin og engin skýr lína gefin að mínu mati