SKÝRSLAN: Báráttusigur FH kvenna á móti Stjörnunni
Hvað réði úrslitum?
Svarið er betri markvarsla hjá FH en hjá Stjörnunni. Ekki það að Vera hafi átt vondan dag, alls ekki en munurinn liggur í þessum tveimur heimsklassavörslum hjá Aldísi hér í dag á meðan Vera varði ekki skotið af 25 metra frá Birnu. Skotið var gott og alveg í bláhornið en það var líka seinna skotið frá Jessicu og það var nær og fastar sem Aldís ver.
Bestu leikmenn
1. Aldís Guðlaugsdóttir
Tvær heimsklassa markvörslur í þessum leik, ein í hverjum hálfleik og báðar eftir skot frá Jessicu Ayers. Það segir sig nánast sjálft að án þessara markvarslna þá fara FH stelpurnar ekki af velli með sigur hér í kvöld.
2. Arna Eiríksdóttir
Var eins og klettur í vörninni og hreinsaði burt óteljandi mörg færi bæði í lofti sem og á jörðu í þessum leik. Gerði hins vegar ein mistök í leiknum þegar hún misreiknaði skoppið á háum bolta sem hún hitt ekki og Úlfa þakkaði kærlega fyrir sig og kom Stjörnunni yfir.
Atvikið
Seinna markið hjá FH þegar Thelma tekur sprett upp völlinn og á stungusendingu sem hleypur Mayu Lauren í gegn sem klára færið sitt vel og kemur FH í 2-1.
En stóra spurningin er var Maya rangstæð þegar sendingin kemur, átti þetta mark að standa?
Hvað þýða úrslitin?
Úrslitin þýða að FH heldur sér í toppbaráttunni og lyftir sér upp í annað sæti með jafnmörg stig og Breiðablik en með verri markatölu. FH er að sýna það og sanna að besta vörnin í Bestu deild kvenna á heima í Kaplakrikanum. Stjarnan kemur sér þægilega fyrir rétt um miðja deild en þó einungis 3 stigum frá fallsæti. Stjarnan getur getur gengið þokkalega sátt frá þessum leik og mun seint mæta annarri eins markvörslu og hér í kvöld.
Vondur dagur
Vondur dagur er í sérkennilegra laginu en það átti lokasendingin í sókn. Það vantaði smá meiri gæði í lokasendinguna hjá báðum liðum og þá sérstaklega í fyrri hálfleik og þetta má kalla leik næstum því færanna.
Dómarinn - 7
Var með góð tök á leiknum og dæmdi hann vel. Það eru tvö atvik sem þarf að skoða betur, annars vegar er það hugsanlegt víti sem Stjarnan átti að fá strax á 7. mínútu þegar það var brotið á Jessicu inn í teig en ekkert dæmt. Svo er stóra spurningin hvort að seinna mark FH átti að standa eða var Maya rangstæð?