SKÝRSLAN: Úlfa Dís hetjan i Garðabæ
Hvað réði úrslitum?
Einstaklingsframtakið hennar Úlfu undir lok fyrri hálfleiks réði þessu. Leikurinn var frekar bragðdaufur og mikil stöðubarátta inn á vellinum. Seinni hálfleikurinn bauð þó upp á meira en liðin náðu ekki að bæta við mörkum og Stjarnan silgdi heim þremur stigum.
Bestu leikmenn
1. Úlfa Dís
Úlfa var frábær í dag og skoraði hún sigurmark Stjörnunnar eftir frábært skot fyrir utan teig
2. Andrea Mist Pálsdóttir
Andrea var frábær inn á miðsvæði Stjörnunnar í dag. Tók virkan þátt í sóknarleik Stjörnunnar. Andrea átti gott skot í slánna í fyrri háfleik og í seinni hálfleik tók hún aukaspyrnu sem fór rétt framhjá. Óheppin að skora ekki í dag.
Atvikið
Sigurmarkið frá Úlfu Dís - Fékk boltann fyrir utan teig, köttaði inn á völlinn og lét vaða og boltinn endaði í samskeytunum.
Hvað þýða úrslitin?
Stjarnan er á uppleið í töflunni og er liðið núna með 9 stig í 5 sæti deildarinnar. FHL er á botninum án stiga.
Vondur dagur
Búningastjóri FHL - Gleymdi að taka með búningasett liðsins með í flug í morgun.
Dómarinn - 8
Bríet og hennar teymi dæmdu þennan leik mjög vel, ekkert vesen.