Valsmenn halda þetta út og verða í pottinum þegar dregið verður í 8-liða úrslit.

Viðtöl og skýrsla væntanleg.

????Valur 2 - Þróttur 1
Mörkin og helstu atvik í leik liðanna 16-liða úrslitum bikarkeppni í fótbolta

Valur
??Patrick Pedersen
??Jónatan Ingi Jónsson

Þróttur
??Aron Snær Ingason pic.twitter.com/ZTNDffALrH

— RÚV Íþróttir (@ruvithrottir) May 14, 2025

Viktor Andri nálægt því að jafna en skot hans í varnarmann og afturfyrir!

Valsmenn koma boltanum svo burt eftir horn.

Kári Kristjáns með gott skot utan af velli sem Frederik Schram þarf að skutla sér í og ver það vel.

Sigurður Egill með tilraun sem Þórhallur Ísak ver á nærstöng en missir útaf.

Viktor Andri með sendingu inn á teig í hlaup sem Liam Daði tekur á nærstöng og rennir sér á boltann en rétt framhjá markinu.

Lúkas Logi með tilraun yfir markið.

Unnar Steinn reynir að stinga sér á bakvið í góða stungusendingu en hraðinn fór illa með hann.

Sigurður Egill lyftir boltanum fyrir markið og Birkir Jakob nær skallanum á fjærstöng en Þórhallur Ísak vel á verði.

Þróttarar hóta jöfnunarmarkinu frekar en öfugt þessa stundina.

Það er kraftur í Þrótti þessa stundina. Þetta mark gaf þeim auka orku.

Flott sóknarlota hjá Þrótti endar með hörku skoti frá að mér sýndist Kára sem Frederik Schram ver í slánna!

Aron Snær Ingason reynir við frákastið inni í teig en flaggið á loft.

Þróttur að undirbúa tvöfalda skiptingu.

Sýnist það vera Liam Daði Jeffs og Kolbeinn Nói sem verða kallaðir til.

Það er smá kraftur í Þrótti sem vinnur hornspyrnu en eru svo dæmdir brotlegir í teignum eftir að hún er tekinn stutt og boltanum lyft fyrir.

Þróttur sparkar þessu af stað aftur.

Enginn uppbótartími og Valsmenn leiða í hlé.

Valsmenn byrjuðu af krafti og markið lá í loftinu. Ekki mikið verið um að vera eftir að þeir náðu foyrstu.

Fáum vonandi meiri spennu í seinni hálfleik.

Þróttur þéttir til baka og Valsmenn í smá vandræðum að finna glufur.

Brynjar Gautur með skot sem fer af varnarmanni og í horn.

Fínasta horn frá Kára en Valsmenn skalla frá.

Verður áhugavert að sjá hvað Þróttur gerir núna þegar þeir verða að lyfta sér ofar á völlinn.

Flott sóknarlota hjá Þrótti og fyrirgjöf sem Jakob Gunnar hittir illa og boltinn fer framhjá.

Fyrsta ógn gestana að marki Vals.

Tryggvi Hrafn með kraftlaust skot úti vinsti sem Þórhallur Ísak ver.

Jónatan Ingi kemur með bolta sem er aðeins of hár fyrir Patrick Pedersen og Þróttur skallar út beint fyrir fætur Birki Heimis sem lætur vaða en Þórhallur Ísak ver það virkilega vel!

Patrick Pedersen vinnur boltann hátt uppi og er úti hægra meginn. Sendir boltann á Birki Heimis og hann tekur hann í fyrsta fyrir markið sennilega beint í svæðið sem Patrick Pedersen hefði verið í ef hann hefði ekki verið að gefa boltann á Birki úti á væng.

Kári Kristjánsson slær boltann þegar Valsmenn reyna að lyfta honum inn á teig og fær bara tiltal.

Hefði vel verið hægt að lyfta spjaldi þarna.

Þegar Þróttur kemur boltanum yfir miðju er eins og þeir viti ekkert hvað eigi að gera næst. Virkilega hægt spil sem leyfir Val bara að stilla upp á móti þeim og drepa niður allar tilraunir til sóknar.

Andi Hoti með skot sem fer af varnarmanni og í fangið á Þórhalli Ísak.

Þórhallur Ísak fipaðist smá til en náði að grípa boltann.

Tryggvi Hrafn reynir skot sem fer yfir markið.

Leikurinn nánast verið spilaður á hálfum velli hérna fyrstu mínúturnar.

Jónatan Ingi vinnur fyrsta horn leiksins þegar hann reynir að koma boltanum fyrir markið en Eiríkur hendir sér fyrir.

Valsmenn ná ekki að gera mikið úr þessu horni.

Valsmenn spila í sínum hefðbundnu rauðu treyjum á meðan gestirnir frá Þrótti eru í dökkbláum varabúning.

Þetta er farið af stað og það eru Valsmenn sem eiga upphafssparkið.

Baldvin Már Borgarsson er sérfræðingur Fótbolta.net í bikarnum og hann spáir í leikina.

Valur 3 - 0 Þróttur
Valsmenn eru of stór biti fyrir vini mína í Laugardalnum, Bjarni í Papco verður vant við látinn að þessu sinni og við það fer vindur úr seglum Þróttara sem lenda í Orra Hrafns hakkavélinni sem skorar amk eitt, látið ykkur bregða ef það verður með skalla.

Bæði lið unnu sterka sigra í sinni deild fyrir þetta einvígi.

Valsmenn fóru illa með Skagamenn á laugardaginn þar sem þeir kjöldrógu þá í mikilli markaveislu 6-1. Lúkas Logi, Patrick Pedersen og Tryggvi Hrafn Haraldsson skoruðu allir tvö mörk hvor auk þess að valda miklum ursla.




Þróttarar fóru góða ferð til Keflavíkur á föstudaginn þar sem þeir höfðu betur 0-1 við erfiðar aðstæður eftir mark frá Liam Daða Jeffs og höfðu með sér gríðarlega sterk Þrjú stig af erfiðum útivelli í Lengjunni.

Valsmenn komu inn í Mjólkurbikarinn í síðustu umferð eða 32-liða úrslitum þar sem þeir heimsóttu Lengjudeildarlið Grindavíkur á Nettóhallar gervigrasinu fyrir aftan Reykjaneshöllina.
Valsmenn fóru faglega í gegnum það einvígi 1-3.

Þróttarar byrjuðu Mjólkurbikarinn á því að fá 4. deildarlið Hafna í heimsókn á Avis völlinn í annari umferð þar sem þeir höfðu betur með sjö mörkum gegn engu.

Í 32-liða úrslitum heimsóttu Þróttarar Völsung á Húsavík þar sem þeir unnu frábæran endurkomusigur í framlengingu 2-3 eftir að hafa lent tveimur mörkum undir.

Ívar Orri Kristjánsson heldur utan um flautuna hér í kvöld og honum til aðstoðar eru þeir Bergur Daði Ágústsson og Arnþór Helgi Gíslason.
Á skiltinu er svo Þórður Þorsteinn Þórðarson og eftirlitsmaður KSí er Oddur Helgi Guðmundsson.

Verið hjartanlega velkomin í þessa þráðbeinu textalýsingu frá N1 vellinum á Hlíðarenda þar sem Valsmenn taka á mót Þrótti í 16-liða úrslitum Mjólkurbikars karla.