Haraldur Örn Haraldsson @haraldur_orn

- Meðalaldur 24 ár

- Meðalaldur 20 ár

Textalýsing Skýrslan

Hvað réði úrslitum? Fjölnismenn voru sterkir í fyrri hálfleik og uppskáru mark strax á 15. mínútu. Restin af hálfleiknum var frekar rólegur. Fjölnismenn múruðu svo fyrir í seinni hálfleik og Fylkismenn þyngdu sóknir sínar því meira sem leið á. Þeir skoruðu á endanum eftir hornspyrnu en miðað við sóknarþunga þeirra sköpuðu þeir ekki nóg og voru því mjög svekktir eftir leik að hafa ekki gert meira. Bestu leikmenn 1. Pablo Aguilera Simon (Fylkir) Hann var sá leikmaður í Fylkis liðinu sem var líflegastur í sóknarleiknum. Tók hornið sem markið kom úr ef mér skjátlast ekki. 2. Snorri Þór Stefánsson (Fjölnir) Þriðji markvörður Fjölnis í þremur leikjum. Fyrsti leikurinn hans í Lengjudeildinni og hann stóð sig með prýði. Ekkert sem hann gat gert í markinu, tók 1-2 góðar vörslur og var mjög öflugur þegar Fylkismenn voru að koma inn með fyrirgjafir og horn. Atvikið Seint í uppbótartíma seinni hálfleiks tekur Eyþór Wöhler upp á því að herma eftir Nigel De Jong í úrlsitaleik HM 2010. Þ.e.a.s. hann neglir tökkunum í magann á andstæðing og fær sömu refsingu og De Jong fékk á sínum tíma, gult spjald. Galin ákvörðun hjá dómaranum, en það verður að gefa Eyþóri það að þetta virtist ekki vera viljandi, þar sem mér sýnist hann aldrei vera að horfa á þann sem hann sparkaði í.

Hvað þýða úrslitin? Fylkismenn eru enn ósigraðir eftir þrjá leiki en hafa gert tvö jafntefli og eru því með fimm stig. Fjölnismenn ná í sitt annað jafntefli og hafa enn ekki unnið og eru því með tvö stig eftir þrjá leiki. Vondur dagur Rafael Máni Þrastarson fór af velli meiddur rétt áður en að hálfleiknum lauk. Hann lagði upp mark Fjölnis og var búinn að vera hættulegur í leiknum. Þessi ungi leikmaður fæddur 2007 sem hefur byrjað tímabilið mjög vel, verður vonandi ekki lengi frá. Dómarinn - 4 Sveinn lagði línuna snemma í leiknum þegar hann gaf þrjú gul spjöld eftir tvær mínútur og mér fannst að allavega tvö þeirra hefði hann getað sleppt. Það var hinsvegar eins og hann sleppti þessari línu þar sem allt í einu þurfti meira fyrir gul spjöld seinna í leiknum. Verstu mistökin eru hinsvegar að hann skuli ekki gefa Eyþóri Wöhler rautt spjald í lok leiks fyrir atvikið sem ég lýsti hér til vinstri.

- Meðalaldur 25 ár

- Meðalaldur 22 ár