Þetta var einhvernveginn aldrei í hættu hjá Blikum í dag.

Ég þakka fyrir samfylgdina í dag og minni á skýrsluna og viðtölin sem detta inn á eftir.

Takk fyrir mig og lifið heil.

Fáum við dramatík?

Karl Friðleifur kemur með bolta inn á teiginn sem fer á Viktor Örlyg. Hann skallar á markið en Anton Ari ver stórkostlega. Anton búinn að vera frábær í dag.

Gylfi Sig tekur spyrnuna inn á teiginn sem Blikar skalla frá.

Ég sé ekki Víkinga snúa þessu við. Það er eitthvað stórmerkilegt sem þarf að gerast.

Höskuldur tekur spyrnuna og boltinn fer inn á teiginn á Tobias Thomsen sem reynir bakfallsspyrnu en boltinn fer hátt yfir.

Gylfi Sig tekur spyrnuna stutt á Daníel Hafsteins sem kemur boltanum á Gunnar Vatnhamar. Hann skallar fyrir markið en þar ná Blikar að bægja hættunni frá. Sóknarpressa Víkinga heldur áfram en Blikar ná svo endanlega að koma boltanum frá.

Tarik Ibrahimagic var að fá sitt fjórða gula spjald sem þýðir að hann missir af næsta deildarleik Víkinga sem er heimaleikur á móti KR þann 16. júní.

Viktor Karl með fyrirgjöf á fjærsvæðið þar sem Ágúst Orri tekur við honum og er aleinn á auðum sjó. Hann reynir skotið á markið en Ingvar gerir vel og handsamar boltann.

Hilmar Jökull að stýra stemningunni í stúkunni með glæsibrag. Fær 10/10 í einkunn frá mér so far.

Ingvar kemur með langan bolta upp allan völlinn á Erling Agnars. Boltinn skoppar yfir Anton Loga og Erlingur nær að leika á hann og komast í góða skotstöðu. Skotið var fínt en mjög laust og Anton grípur boltann.

Anton Ari búinn að vera mjög öruggur í rammanum í dag.

Davíð Smári, þjálfari Vestra, er einnig mættur í stúkuna. Vestri tapaði fyrir KR í dag en Davíð Smári og formaður Vestra voru brjálaðir út í dómara leiksins eftir leikinn.

Aron Bjarna fær boltann inni á teignum en setur boltann rétt framhjá. Þarna átti hann að gera mun betur.

Ágúst Orri tekur skotið fyrir utan teig sem Anton ver en er tekinn niður þegar hann er í skotinu og fær ekkert fyrir sinn snúð. Blikar allt annað en sáttir. Sama gerist síðan skömmu síðar hinum meginn á vellinum og Víkingar ósáttir í kjölfarið.

Willum Þór Þórsson nýkjörinn forseti ÍSÍ er að sjálfsögðu mættur í stúkuna ásamt fleiri góðum mönnum. Sævar Atli, sem var tekinn inn í landsliðshópinn í dag er sömuleiðis í stúkunni. Karólína Lea er mætt í vippið og fleiri góðir menn.

Það eru gestirnir úr Fossvoginum sem koma okkur aftur í gang!

Þeir þurfa að skipta um gír ef við ætlum að fá einhvern leik hérna í kvöld.

Áhugaverðar 45 mínútur framundan!

Þá er Ívar búinn að flauta til hálfleiks og það eru Blikar sem fara sáttari til búningsklefa á meðan Víkingar þurfa að gera betur í þeim seinni ef þeir ætla að taka eitthvað úr þessum leik.

Einhver aðili með flautu upp í stúku ákvað að flauta leikinn af og það voru margir sem keyptu þetta. Þetta var líka mjög vel gert hjá þessum aðila, mjög langt, hátt og gott flaut.

Davíð Atla með fyrirgjöf sem fer beint á Helga Guðjóns. Hann skallar boltann rétt framhjá, þarna á hann að gera betur að mínu mati. Víkingar aðeins að vakna en þeir þurfa samt að gera betur, skipta um gír.

Höskuldur tekur spyrnuna sem er skölluð frá. Hann fær tvær tilraunir í viðbót en Víkingar verjast þessum fyrirgjöfum vel.

Mikið af misheppnuðum einföldum sendingum að fara forgörðum hjá Víkingum. Það er eins og þeir séu ekki alveg nógu vel tengdir í kvöld.

Höskuldur rúllar boltanum til Kidda Steindórs inni á teignum sem reynir að krulla boltanum í samskeytin fjær en boltinn fer rétt framhjá.

Skyndilega er Valdimar Þór sloppinn einn í gegn og er við það að taka skotið á markið þegar Viktor Örn tekur rosalegan sprett til baka og kemur í veg fyrir skotið.

Öll stúkan fagnar þessu eins og marki!

Það kemur góður bolti inn á teiginn sem Tobias skallar fyrir markið á Viktor Karl en Ingvar er snöggur út og lokar vel á miðjumanninn.

Gylfi tekur spyrnuna inn á teiginn sem Blikar skalla frá.

Áhugavert að sjá Anton Loga leysa miðvörðinn af fyrir Blika. Verður gaman að sjá hvernig hann og Viktor ná að spila saman.

Gylfi kemur með bolta inn á teiginn sem fer af varnarmanni og dettur svo fyrir Helga Guðjóns inn á teignum sem tekur skotið í fyrsta. Anton nær að stoppa skotið á nærstönginni með löppunum.

Spyrnan er tekin stutt og Víkingar hreinsa. Blikar halda áfram í boltann en Ívar dæmir síðan aukaspyrnu á Blika inn í teig Víkinga.

Tobias Thomsen byrjar leikinn með því að dúndra boltanum aftur fyrir mark Víkinga og í markspyrnu.

Bara beint úr miðju. Einhver steiktasta byrjun á leik sem ég hef séð, veit ekki alveg hvað planið var með þessu.

Það eru heimammenn sem hefja stórleik umferðarinnar hér í kvöld á Kópavogsvellinum.

Góða skemmtun segi ég!

Þá ganga liðin til vallar og gera sig klár í slaginn!

Sölvi Geir Ottesen greindi frá því í viðtali við Stöð 2 Sport fyrir leikinn að ástæðan fyrir því að Oliver Ekroth er ekki með í dag er að hann er veikur. Róbert Orri fær tækifærið í hans stað.

   01.06.2025 19:18

Ekroth veikur - „Flott eldskírn fyrir Robba“

Það er Epic Early Win alert!!! Við erum að sjá skemmtilega nýjung í þessum stórleik hér í kvöld en það er Epic Early win á bæði Breiðablik og Víking Í boði hjá Epic. Breiðablik er í boði á stuðlinum 2,50 og Víkingar á stuðlinum 2.30. Epic Early win virkar þannig að ef liðið sem þú velur kemst einu marki yfir, einhverntíman í leiknum, þá fá menn það greitt út, óháð því hvernig leikurinn endar. Myndi ekki láta mér bregða þó að bæði lið muni leiða leikinn á einhverjum tímapunkti í leiknum.

Halldór Árnason, þjálfari Breiðabliks, gerir fimm breytingar á byrjunarliði Blika eftir 4-1 tap gegn ÍA í seinustu umferð. Höskuldur Gunnlaugsson, Aron Bjarnason, Ágúst Orri Þorsteinsson, Andri Rafn Yeoman og Anton Logi Lúðvíksson koma inn í liðið fyrir þá Ásgeir Helga Orrason, Arnór Gauta Jónsson, Kristófer Inga Kristinsson, Viktor Elmar Gautason og Óla Val Ómarsson.

Alls eru einnig gerðar fimm breytingar á Víkingsliðinu eftir 1-0 sigur á Vestra í vikunni. Helgi Guðjónsson, Erlingur Agnarsson, Gylfi Þór Sigurðsson, Stígur Diljan Þórðarson og Róbert Orri Þorkelsson koma inn í liðið en þeir Oliver Ekroth, Viktor Örlygur Andrason, Nikolaj Hansen, Matthías Vilhjálmsson og Ali Basem Almosawe detta úr liðinu.

Við fengum Íslands- og bikarmeistarann Einar Jónsson, þjálfara karlaliðs Fram í handbolta, til þess að spá í umferðina. Svona spáir hann stórleiknum:

Breiðablik 2 - 3 Víkingur (19:15 í dag)
Heimurinn er ekki tilbúinn í þennan. Þessi mun hafa allt. Ég er á því að Víkingar séu að fara hlaupa með þessa deild. Þetta verður leikurinn hans Gylfa Sig, setur 1 og leggur upp 2. Helgi skorar alltaf í þessum og Danni Hafsteins. Kristófer Ingi og Krulli Gull fyrir Blika.

Ef Helgi Mikael dæmir, þá er þetta 10 spjalda leikur. Þarna mun tíminn stoppa en aðeins um stund.

Kristján Óli lætur svo Dóra Árna heyra það allhressilega eftir leik! Þetta er leikurinn sem Dóri Árna hættir að járna.

Ívar Orri Kristjánsson fær það skemmtilega verkefni að dæma þennan leik. Þetta er auðvitað ekki fyrsta sinn sem hann dæmir þennan leik á þessum velli. Honum til aðstoðar verða þeir Birkir Sigurðarson og Egill Guðvarður Guðlaugsson. Eftirlitsmaður KSÍ er Kristinn Jakobsson og 4. dómarinn er Jóhann Ingi Jónsson.

Víkingar hafa kannski ekki litið jafn sannfærandi út og þeir hafa gert seinustu ár en þeir eru samt sem áður á toppi deildarinnar með fjögurra stiga forskot á Vestra og Breiðablik. Víkingar mættu Vestra á Ísafirði í seinustu umferð og tóku sterkan 1-0 útisigur gegn langbesta varnarliði deildarinnar.

Það verður áhugavert að sjá Víkingana koma út í þennan leik. Ef þeir vinna stækka þeir biliði í Breiðablik í 7 stig. Þetta er auðvitað fyrsta tímabilið sem Sölvi Geir stýrir liðinu.

Blikar hafa verið að hiksta nýverið en þeir töpuðu seinast í vikunni gegn ÍA á heimavelli þar sem liðið spilaði alls ekki vel saman. Í leiknum þar á undan töpuðu Blikar 2-0 fyrir FH í Krikanum. Eftir þessi úrslit eru þeir grænklæddu í 3. sæti, fjórum stigum á eftir toppliði Víkings og með -1 í markatölu.

Dóri hefur verið mikið í sviðsljósinu eftir leikina í viðtölunum þar sem hann hefur meðal annars gagnrýnt móta fyrirkomulagið.

Alvöru Bestu deildardagur í dag sem enda á stórleik umferðarinnar á Kópavogsvelli. Ég er þess heiðurs njótandi að fá að fylgja ykkur í gegnum þennan leik ágætu lesendur. Ég trúi ekki öðru en að við fáum troðfullar stúkur í kvöld.