Góða kvöldið kæru lesendur og velkomnir í beina textalýsingu héðan af Þórsvellinum þar sem heimamenn í Þór taka á móti Fylkismönnum

Það er boðið upp á virkilega gott fótboltaveður hér í kvöld, fánar liggja niður við stöng og fínasti hiti, völlurinn er einnig fallegur og grænn, skulum vona að leikurinn verði í takt við aðstæður.

Garðar Örn Hinriksson er dómari leiksins í dag, ætli einhver fái að sjá rauða spjaldið? Blaðamenn hér eru með pott í gangi, endilega skjótið nöfnum inn á Twitter

Stutt í leik og fólk er byrjað að flæða í stúkuna, áhorfendur nokkuð seinir á ferð í dag enda leikurinn óvenju snemma á dagskrá.

Garðar Örn hefur flautað leikinn á

Gunnar Már Guðmundsson á fyrsta skot leiksins vel yfir markið af löngu færi úr aukaspyrnu

Þórir Hannesson á skalla yfir markið, hann hefði betur átt að láta boltann fara á Val Fannar sem var alveg frír í teignum bakvið hann.

Ármann Pétur á ágætis viðstöðulaust skot en framhjá markinu, leikurinn er nokkuð líflegur hér til að byrja með

Þórsarar vilja fá víti! Varnarmaður Fylkis náði að renna sér fyrir sendingu í teignum og virtist taka boltann með hendi þegar hann rann á grasinu, Garðar Örn ekki sammála

Jóhann Helgi með gott skot sem fer af varnarmanni Fylkis og rétt framhjá markinu. Þórsarar fá horn sem Vrenko skallar í átt að marki en aftur er varnarmaður Fylkis fyrir og Þórsarar fá annað horn.

Fylkismenn eru að ná að færa sig aðeins framar eftir mikla pressu frá leikmönnum Þórs undanfarnar mínútur.

Fylkismenn fá sína fyrstu hornspyrnu en boltinn komst ekki yfir fyrsta varnarmann.

Fylkismenn eru í allskonar vandræðum með leik sinn hér í dag á meðan Þórsarar berjast um alla bolta, eru virkilega grimmir og stjórna leiknum hingað til.

Jóhann Helgi með skot fyrir utan teig sem fer rétt svo yfir mark Fylkis

Fylkismenn fá loksins færi og það var nokkuð furðulegt. Það virtust allir halda að boltinn hefði farið útaf en línuvörðurinn var ekki á sama máli, Rajkovic náði boltanum áður en sóknarmaður Fylkis komst í hann en Albert Byrnjar skallaði fyrir.

Þórir Hannesson á skot úr teig Þórs rétt framhjá, leikmenn Fylkis virðast vera vaknaðir loksins!

Albert Brynjar með gott skot úr teignum sem Rajjkovic ver út í miðjan teiginn þar sem Ásgeir Örn er mættur en hann hittir boltann ílla og skotið fer því vel framhjá markinu.

Sveinn Elías í góðu skotfæri fyrir Þór rétt við vítapunkt Fylkismanna en ákveður að taka eina auka snertingu sem svíkur hann, hefði betur átt að skjóta í fyrsta.

Gunnar Már á flotta sendingu af miðjum vellinum inn fyrir vörn Fylkis á Jóhann Helga en Trausti Björn gerir vel og stoppar skotið hjá Jóhanni.

David Disztl er alveg við það að sleppa í gegn en fyrsta snertingin hjá honum var léleg og vörn Fylkis átti auðvelt með að ná boltanum og koma honum frá.

Hálfleikur. Þórsarar voru með öll völd á vellinum fyrsta hálftímann en þá vöknuðu leikmenn Fylkis og áttu góða spretti en náðu ekki að jafna metin. Þórsarar fara því inn í hálfleikinn með 1-0 forskot eftir mark David Disztl á 22. mínútu

Seinni hálfleikur er kominn af stað

Leikurinn nokkuð jafn og rólegur hér í upphafi síðari hálfleiks, þetta var nú ekki það sem við vildum... við viljum mörk!

Samkvæmt vallarþuli eru 690 áhorfendur hér á vellinum í dag

Jóhann Helgi liggur í grasinu eftir viðskipti við Val Fannar Gíslason en er fljótur að jafna sig um leið og sjúkraþjálfarinn mætir á svæðið með töfravatnið fræga

Leikurinn er aðeins að lifna við aftur eftir rólegar 10 mínútur eftir annað mark Þórsarar. Jóhann Hlegi á skalla yfir eftir hornspyrnu, Fylkismenn verða að fara að lauma inn marki ef þeir ætla sér ekki að fara heim með núll stig úr þessum leik.

Dauðafæri! Jóhann Helgi sleppur í gegn eftir sendingu frá Ármanni Pétri en Fjalar Þorgeirsson ver glæsilega!

Garðar Örn er heldur betur að troða sokk í þessa spá okkar fjölmiðlamanna varðandi rauðu spjöldin, 82 mínútur búnar af leiknum og ekki einu sinni gult spjald komið á loft. Það er aftur á móti lítið sem ekkert að gerast í leiknum eins og er...

Hvernig var þetta ekki mark?!?! Albert Brynjar fær boltann aleinn í markteig Þórs en á skot beint á Rajkovic, virkilega ílla farið með gott færi sem hefði heldur betur getað blásið lífi í lokasprett leiksins!

Leik lokið með 2-0 sigri heimamanna