Leiknir fær hornspyrnu. Síðasti séns.

Ásgeir Eyþórs rennur og allt í einu er Þorsteinn Emil kominn í frábært færi. Hann er hins vegar of lengi að athafna sig og þetta rennur út í sandinn.

Leiknismenn vilja fá vítaspyrnu, en ekkert dæmt. Sá ekki alveg nægilega vel.

Það lítur allt út fyrir það að tvö neðstu lið deildarinnar muni gera markalaust jafntefli.

Ásgeir Eyþórs með skalla að marki eftir hornspyrnu en Óli Íshólm nær að grípa hann.

ÓLI ÍSHÓLM!

Halldór Jón kominn í dauðafæri en Óli Íshólm er í banastuði og nær að verja einhvern veginn. Hvernig eru Fylkismenn ekki búnir að skora?

Axel Freyr reynir skot en það fer beint í varnarmann.

Núna er Tumi kominn í gott skotfæri en Aron hendir sér fyrir og boltinn endar í höndunum á Óla Íshólm.

Fylkismenn með boltann á fjærstöngina þar sem Pablo er einn, en hann nær ekki nægilega góðu skoti. Fylkismenn virðast vera að koma boltanum yfir línuna í frákastinu en Óli Íshólm gerir frábærlega í að bjarga!

Pablo Aguilera að koma í mjög fína stöðu í teignum og reynir skotið en Patryk Hryniewicki gerir hrikalega vel í því að koma sér fyrir skotið!

Eins og staðan er núna er hvorugt liðið búið að gera nóg til að vinna leikinn. Sigurmark á síðustu mínútum leiksins væri þó gríðarlega kærkomið fyrir bæði lið.

Langur bolti fram hjá Fylki. Óli Íshólm kemur út á móti og skallar boltann beint á Halldór Jón Sigurð. Hann er í eiginlegu dauðafæri þar sem Óli er langt út úr marki sínu en skotið hans er ömurlegt.

Kári Steinn gerir vel og á hættulegan bolta fyrir en þar er enginn mættur til að koma boltanum yfir línuna!

Fylkir fær hornspyrnu og stuðningsmennirnir taka við sér. Þeir taka hornspyrnuna stutt og senda hann fyrir, en Leiknismenn koma þessu frá.

Þetta var hrikleg ákvörðun hjá Bogdan ef þetta var í raun og veru dýfa, sem ég held að sé rétt. Hann var að komast í frábært færi en ákvað að henda sér niður.

Stuðningsmenn Fylkis reyna að hvetja sitt lið til dáða.

Bæði þessi lið verða áfram í fallsætum ef þetta endar svona.

Theodór Ingi fer inn á völlinn og reynir skot en það er auðvelt fyrir Óla Íshólm.

Arnór Breki með skot úr aukaspyrnu sem Ólafur Íshólm nær að grípa. Þessi spyrna leit ágætlega út en auðvelt fyrir Óla.

Emil Ásmunds með hræðilega aukaspyrnu sem fer hátt yfir markið.

Leikurinn stöðvaður eftir að Patryk Hryniewicki fær höfuðhögg. Arnar Grétars ekki sáttur og Gústi Gylfa vill meina að um olnbogaskot hafi verið að ræða. Heyrist Arnar segja að Gústi þurfi styrk í sólgleraugun sín.

Tumi Fannar með skot rétt fram hjá á hinum enda vallarins!

Róbert sendir Axel Frey í gegn og það myndast hættuleg staða en hann er kominn í of þrönga vinkil þegar hann sendir fyrir. Dagur Ingi mætir ekki og Ólafur Kristófer handsamar boltann.

Ég hef ekki hugmynd hvað gestirnir eru að reyna sóknarlega. Ekkert gott allavega.

Fylkismenn að komast í álitlega stöðu en þá er Nikulás Val dæmdur rangstæður.

Arnar Grétars augljóslega pirraður á hliðarlínunni og ætlar að gera skiptingu. Hann er alls ekki sáttur með gang mála hjá sínum mönnum.

Lítið um færi og lítið um gæði fyrstu tíu mínúturnar í þessum seinni hálfleik. Bæði lið eru varkár.

,,Fylkir rífa sig í gang!" öskrar Arnar Grétars inn á völlinn í þann mund er Leiknir tekur aukaspyrnuna. Boltinn inn á teiginn og Ólafur Kristófer grípur.

Sindri Björns fær boltann fyrir utan teig og mundar skotfótinn, en skot hans fer yfir markið. Það er meiri kraftur í Leiknismönnum í byrjun seinni hálfleiks.

Róbert Quental keyrir á vörnina og fer yfir á vinstri fótinn. Hann er kominn í ágætis skotstöðu og lætur vaða, en boltinn svífur yfir markið.

Fylkismenn með sendingu fyrir frá hægri en það nær enginn til hans. Pablo rennir sér á fjærstönginni en missir af boltanum.

Fylgjumst grannt með gangi mála eftir hlé. Þá verður vonandi meira fjör!

Fer af af varnarmanni og afturfyrir. Ekkert kemur úr horninu.

Gengur herfilega hjá þeim að halda í boltann og þeir komast lítt áleiðis.

Ekki mikið um færi í þessum leik og það sést vel á spilamennskunni að hér mætast lið með lítið sjálfstraust.

Fylkir skorar en markið dæmt af vegna rangstöðu.

Því miður erum við ekki með hefbundna textalýsingu hér í dag en við munum vera með svokallaða úrslitaþjónustu og uppfærum stöðuna um leið og eitthvað gerist.

Fylkir tapaði 1-2 á heimavelli gegn Þór í síðustu umferð. Arnar Grétarsson gerir fjórar breytingar á byrjunarliðinu frá þeim leik.

Inn koma: Pablo Aguilera Simon, Þórður Ingi Ingimundarson, Guðmundur Tyrfingsson og Emil Ásmundsson sem snýr til baka úr banni.

Út fara: Birkir Eyþórsson, Guðmar Gauti Sævarsson, Theodór Ingi Óskarsson og Máni Austmann Hilmarsson.

Sóknarmaðurinn Aron Skúli Brynjarsson er nýkominn frá Augnabliki og byrjar á bekknum í kvöld. Binni Hlö er svo mættur aftur heim en hann er skráður í liðsstjórn í kvöld.

   12.08.2025 19:34

Aron Skúli í Leikni (Staðfest)

   13.08.2025 10:23

Binni Hlö heim í Leikni (Staðfest)

Leiknir tapaði 3-2 fyrir Grindavík í síðustu umferð eftir að hafa komist tveimur mörkum yfir. Shkelzen Veseli skoraði og lagði upp í þeim leik en er að glíma við smávægileg meiðsli og tapaði kapphlaupinu um að geta spilað þennan leik.

Það eru alls þrjár breytingar á byrjunarliði Leiknis. Dusan Brkovic er meiddur og Patryk Hryniewicki sest á bekkinn. Inn í byrjunarliðið koma Róbert Quental Árnason, Bogdan Bogdanovic og Sindri Björnsson.

Í kvöld hefst 17. umferðin og tók Magnús Þór Jónsson, formaður Kennarasambands Íslands, að sér það verkefni að spá í leikina. Magnús er mikill fótboltaaðdáandi, stuðningsmaður ÍR og Liverpool.

Leiknir R. 2 - 1 Fylkir
Baráttan um Elliðárdalinn sem er auðvitað perla Reykjavíkur. Eins mikill sex stiga leikur í fallbaráttunni og hægt er að hafa. Tveir reynsluboltar við stjórnvölinn hjá liðunum sem munu þurfa að fara djúpt í taktíkbækurnar til að koma í veg fyrir að liðin verði ekki í 2.deildinni næsta ár. Leiknismenn þekkja þennan slag betur og það virðist vera rosalega erfitt hjá Fylkismönnum að klára leiki, vantar upp á afgerandi þætti varnar- og sóknarlega þó að spilamennskan sé fín. Þetta verður drama, Quental setur Breiðholtssleggju í blálokin!

Ívar Orri Kristjánsson verður með flautuna í kvöld en honum til aðstoðar verða Arnþór Helgi Gíslason og Ronnarong Wongmahadthai. Eftirlitsmaður KSÍ er Jóhann Gunnarsson.

Bæði þessi lið hafa gert þjálfaraskipti á tímabilinu en það hefur ekki haft áhrifin sem óskaðist. Leiknismenn voru á undan í skiptunum þar sem Ágúst Gylfason tók við liðinu 3. júní. Hann fór vel af stað og vann fyrstu tvo leikina sína en síðan þá hafa Leiknismenn aðeins náð í þrjú stig, með þremur jafnteflum úr níu leikjum.

Fylkismenn létu Árna Frey Guðnason fara og réðu í staðinn Arnar Grétarsson. Addi hefur núna stýrt fjórum leikjum, en aðeins náð í eitt stig. Það var 3-3 jafntefli gegn Fjölni.

Þessi leikur er gríðarlega miklvægur fyrir bæði lið. Það eru sex leikir eftir af tímabilinu og þessi lið eru í tveimur neðstu sætum deildarinnar. Leiknir er í því síðasta með 10 stig og Fylkir í því næst síðasta með 11 stig.

Liðið sem vinnur í kvöld, er líklegt að koma sér upp úr fallsæti.

Komið þið sæl og verið velkomin í beina textalýsingu frá leik Leiknis og Fylkis í 16. umferð Lengjudeildarinnar.

Leikurinn hefst klukkan 18:00 og verður spilaður á Domusnovavellinum.