Stefán Marteinn Ólafsson @Stefanmarteinn7

- Meðalaldur 26 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Njarðvíkingar gengu frá leiknum í fyrri hálfleiknum. Voru miklu betra liðið og kláruðu leikinn snemma. Í seinni hálfleik þá var aðeins meira líf í Grindvíkingum en úrslitin voru þá löngu ráðin. Bestu leikmenn 1. Arnleifur Hjörleifsson Lagði upp mörk Njarðvíkinga öll á sama hátt. Stutt horn og boltanum lyft inn á teig. Var svo að auki í varnarlínu sem hélt hreinu. Ef þetta væri Fantasy leikur væri hann helvíti stigahár eftir daginn. 2. Dominik Radic Braut ísinn með fyrsta marki leiksins. Skoraði svo nánast alveg eins mark ekki svo löngu síðar. Óheppinn að ná ekki þrennunni í dag. Atvikið Öll mörk Njarðvíkur voru sama uppskriftin. Hornspyrna tekin stutt á Arnleif sem lyfti boltanum fyrir markið og Njarðvíkingar skora.

Hvað þýða úrslitin? Njarðvíkingar enda í öðru sæti deildarinnar, stigi á eftir toppliði Þórs sem unnu deildina. Grindvíkingar héldu sér uppi og enduðu í síðasta örugga sæti deildarinnar eða 10.sætinu. Vondur dagur Njarðvíkingar skoruðu þrjú alveg eins mörk nánast svo varnarleikur Grindavíkur eftir horn var ekkert spes í dag. Dómarinn - 10 Mér fannst leikurinn stórkostlega vel dæmdur. Það er ekki eitt atriði sem ég man eftir sem hefði mátt telja umdeilt. Leikurinn var ráðinn í fyrri hálfleik svo ekki erfiðasti leikur að dæma kannski en það má samt vel hrósa því sem vel er gert. Kom smá kafli sem hefði verið hægt að hleypa upp í vitleysu en teymið tók strax fyrir það og kæfði strax.

- Meðalaldur 27 ár

- Meðalaldur 19 ár