Anton Freyr Jónsson @antonfreeyr

- Meðalaldur 23 ár

- Meðalaldur 21 ár

Textalýsing Skýrslan Viðtöl

Hvað réði úrslitum? Það er alveg hægt að færa rök fyrir því að það hafi verið jafnræði með liðunum í fyrri hálfleik og staðan var markalaus í hálfleik en síðan byrjaði að mígleka. HK komst yfir 2-0 snemma í fyrri hálfleik eftir tvö varnarmistök. Þróttur gerði vel og svaraði því með þremur mörkum og en þá gáfu HK aftur í og náðu að jafna leikinn og það var svo undir blálokin sem sigurmarkið kom eftir önnur slæm mistök frá Þrótturum og 4-3 sigur HK niðurstaðan. Bestu leikmenn 1. Karl Ágúst Karlsson (HK) Karl Ágúst kom inn á í síðari hálfleik þegar HK var 2-3 undir og HK vantaði mörk. Karl Ágúst kom inn á og tryggði sigurinn fyrir HK með tveimur mörkum. Frábær innkoma hjá Kalla. 2. Aron Snær Ingason (Þróttur) Aron Snær var gríðarlega öflugur í liði Þróttar í kvöld, ógnandi og bjó til þriðja mark Þróttar. Liam Daði átti einnig fína innkomu í lið gestanna. Tumi Þorvarsson í liði HK var einnig mjög góður en hann var ógnandi allan leikinn. Atvikið Sigurmarkið. Tumi fékk boltann innfyrir vörn Þróttar og kláraði vel framhjá Þórhalli.

Hvað þýða úrslitin? HK fer með 4-3 forskot í seinni leik liðanna sem fer fram á Avisvellinum á sunnudaginn, þá ræðst hvaða lið fer í þennan hreinan úrslitaleik á Laugardalsvelli um eitt laust sæti í Bestu deildinni að árið. Vondur dagur Þórhallur Ísak Guðmundsson fékk á sig fjögur mörk í dag og átti stóran þátt í öðru markinu sem HK skoraði þegar hann missti boltann í netið. Eiríkur Þorsteinsson Blöndal gerði sig sekan um skelfileg mistök í fyrsta markinu þegar hann fékk boltann út til hægri og átti þversendingu beint á Tuma sem slapp í gegn, fór framhjá Þórhalli og setti boltann fyrir markið og Eiríkur nelgdi boltanum í sitt eigið net. Dómarinn - 8 Helgi Mikael og hans menn voru góðir í dag.

- Meðalaldur 23 ár

- Meðalaldur 23 ár