Þannig fór um sjóferð þá. Ef og hefði og allt það... en hefði verið gaman að sjá hvernig þetta hefði þróast hefðum við nýtt góða byrjun til að skora. Fengum svo sannarlega dauðafæri til að komast yfir. En svona er boltinn.

Mexíkó vinnur hér mjög sannfærandi og verðskuldaðan sigur. Sýndu gæði sín.

Mexíkó að pressa. Fyrst varði Anton og svo vann Mexíkó horn.

Svona rétt til að fá skemmtilegri drauma.

Jói Berg með sendingu inn í teiginn, boltinn hrekkur af varnarmanni sem nær með naumindum að koma í veg fyrir horn og sparka boltanum í innkast.

Stemning í stúkunni og verið að taka bylgju.

Birnir Snær Ingason stendur við hliðarlínuna og bíður eftir því að fá að koma inn.

Innkast inn í teig Mexíkóa. Ágúst Orri fellur í teignum í baráttu við varnarmann en dómarinn dæmir ekkert.

Jesús Gallardo tæklar Karl Friðleif niður aftanfrá en fær ekki spjald.

Varamaðurinn Carlos Rodriguez með skot en talsvert frá því að hitta á rammann.

Höskuldur Gunnlaugsson of seinn og setti takkana í Armando Gonzalez. Heppinn að sleppa við spjald Höskuldur. Hefði þetta ekki verið æfingaleikur hefði hann farið í svörtu bókina.

Erik Lira í dauðafæri en Anton lokar á hann.

Ekkert yfir frammistöðu Antons að kvarta. Brian Gutierrez með skot sem Anton ver vel í horn.

Hvert skotið frá Mexíkó á fætur öðru, það síðasta endar yfir markinu. Damir og Gummi Kristjáns í yfirvinnu við að kasta sér fyrir skot.

Mexíkó að sækja. Gutierrez með skot rétt fyrir utan markteiginn en Damir gerir virkilega vel og lokar á skotið.

Gylfi með hornspyrnu en við náum ekki að kreista fram marktilraun úr henni.

Mexíkó með spil við vítateig Íslands en Gummi Tóta kemst í boltann og stöðvar þetta.

Helgi Guðjóns með langt innkast, eftir baráttu endar boltinn afturfyrir. markspyrna dæmd.

Óskar Borgþórs, Hallgrímur Mar og Hans Viktor eru að hita upp við hliðarlínuna.

Skot fyrir utan teig. Gonzalez langar í annað mark en þetta fór beint í fangið á Antoni Ara.

Bæði lið eru í rólegheitum að undirbúa fyrstu skiptingar leiksins.

Það var vitað mál að það yrði á brattann að sækja í þessum leik við krefjandi aðstæður gegn sterku liði Mexíkóa. Leikmenn úr hinni sterku MX deild æstir í að sýna landsliðsþjálfaranum að þeir eigi skilið að vera með í HM hópnum.

Seinni hálfleikur er kominn í gang.

Eitt það áhugaverðasta við fyrri hálfleikinn var ljósasýningin sem var sett í gang þegar Mexíkó skoraði. Flóðljós vallarins byrjuðu að blikka og eldglæringar fóru í gang fyrir aftan markið. Já það er ekki hægt að segja annað en að Mexíkóar séu stemnningsmenn.

Vonandi verður svona á HM í sumar!

?? 45+2’ | Leading at the break in Querétaro! ??????

So far so good. ???????? We keep going, team! ????????????????#SomosMéxico pic.twitter.com/eOMwWjfHHO

— Mexican National Team (@miseleccionmxEN) February 26, 2026

Leiðinlegt að fá þessi tvö mörk á sig með tveggja mínútna millibili. Ísland byrjaði vel en svo steig Mexíkó á bensíngjöfina.

Gylfi með hornspyrnu, fín spyrna inn á teiginn en varnarmaður Mexíkó grimmur og skallar frá.

Roberto Alvarado átti skot af löngu færi en beint á Anton.

Friendship level: They both scored their first goal for the MNT and two minutes apart from each other! ????

A true dynamic duo. ????#SomosMéxico???? pic.twitter.com/dnzmYd39eC

— Mexican National Team (@miseleccionmxEN) February 26, 2026

Marcel Ruiz í hörkufæri eftir fyrirgjöf frá hægri en setur boltann sem betur fer framhjá. Mexíkó líklegra til að setja þriðja markið en við að minnka muninn eins og þróunin er núna.

Gylfi með langa sendingu fram og Emil nær að reka höfuð í boltann en er langt frá marki Mexíkó og engin hætta skapast.

Eftir flott fyrsta korter frá Íslandi hefur Mexíkó algjörlega tekið öll völd á vellinum og okkar menn í ýmsu brasi varnarlega.

Hefðu getað komist í 3-0 en Anton Ari ver úr dauðafæri sem Gutierrez fékk. Skyndilega sækir Mexíkó linnulaust.

Ledezma með hörkuskot framhjá, boltinn fór af Emil og framhjá. Þetta var heldur betur fast! Skömmu síðar eiga heimamenn aðra tilraun en ekki eins hættulega.

Það er alveg hægt að flokka þetta sem darraðadans eftir aukaspyrnu frá heimamönnum. Höskuldur er í markteignum og kemur boltanum frá.

Mexíkó með hættulega fyrirgjöf en Damir nær að reka höfuðið í boltann og stöðva þetta.

Úr frekar þröngu færi en kemur skotinu á markið. Rangel ekki í vandræðum með að verja.

Sá er að búa til mikið vesen fyrir Mexíkóa í pressunni, hirðir boltann af varnarmanni Mexíkó og kemst í teiginn einn á móti Raúl Rangel markverði. Rangel nær að verja.

Helgi Guðjóns var aleinn þarna við fjærstöngina og Ágúst hefði getað rennt boltanum á hann og hann fyrir opnu marki.

Gylfi brýtur af sér við hliðarlínuna og fær tiltal frá dómaranum.

Ísland að byrja þennan leik býsna vel. Ágúst Orri kemur boltanum á Karl Friðleif eftir harða baráttu, vann boltann af Mexíkóa. Karl Friðleifur svo með misheppnaða fyrirgjöf.

Ísland er að halda boltanum ágætlega og það er hugur í mönnum. Vonandi vísbending um það sem koma skal.

Heimamenn fengu hornspyrnu og upp úr henni kom svo fyrirgjöf inn í teiginn. Brian Gutiérrez með skallann en vel framhjá. Engin hætta á ferðum.

Ísland hefði átt að fá hornspyrnu sem Karl Friðleifur vann snemma leiks en dómarinn ekki á sama máli. Boltinn fór klárlega af heimamanni.

Anton Ari
Höskuldur - Damir - Gummi Kristjáns - Gummi Tóta
Karl Friðleifur - Gylfi - Jói Berg - Helgi Guðjóns
Ágúst Orri
Emil Atla

Ísland byrjaði með boltann. Leikurinn hófst 7 mínútum á eftir áætlun því Mexíkó var með einhverja mjög sérstaka athöfn fyrir leik. Ekki fleiri orð um hana.

Heljarinnar sýning í kringum þjóðsöng Mexíkó, lúðrablástur og reykvélar. Fólk ekkert að stressa sig þó klukkan sé orðin 2. Næst er komið að mínútuþögn.

Ekki margir Íslendingar í stúkunni, en Hanna Sím er að sjálfsögðu mætt!

Arnar Gunnlaugsson segir í viðtali fyrir leikinn að Ísland þurfi að spila öflugan varnarleik og hafa þor og dugnað þegar við erum með boltann. Hann greinir frá því að Kolbeinn Þórðarson hafi verið stífur á æfingu í gær og hann tekur ekki þátt í leiknum.

Lögreglan og herinn sameina krafta sína í öryggisgæslu í kringum þennan leik. Við vorum að fá þessar myndir sem Alex Cruz, ljósmyndari EPA, tók fyrir utan leikvanginn rétt áðan.

Tonight’s venue. ????

La Corregidora Stadium. ?#SomosMéxico pic.twitter.com/Pi27BXZcf3

— Mexican National Team (@miseleccionmxEN) February 26, 2026

The chosen XI to step onto the field tonight. ??????????

Here’s our lineup to take on Iceland! ????????????????????#SomosMéxico pic.twitter.com/OvrPngxVoc

— Mexican National Team (@miseleccionmxEN) February 26, 2026

Jóhann Berg Guðmundsson er í byrjunarliðinu en hann er án félags og þá er Damir Muminovic í vörninni en hann gekk í vetur í raðir Grindavíkur í Lengjudeildinni.

Þrír leikmenn Íslandsmeistara Víkings eru í byrjunarliðinu en fjórir frá Breiðabliki. Tveir eru í Stjörnunni og einn úr ÍA.

Níu leikmenn í byrjunarliði Íslands spila í Bestu deildinni, þar á meðal er Gylfi Þór Sigurðsson sem er með fyrirliðabandið.

Þetta verður sjötti landsleikurinn milli Mexíkó og Íslands en aldrei hefur Íslandi tekist að vinna.

Veðbankar telja að það muni ekki breytast í nótt en Epicbet er með 9,10 í stuðul á íslenskan sigur. 5,58 er á jafntefli og 1,30 á mexíkóska liðið sem skipað er leikmönnum úr hinni öflugu Liga MX.

Allar viðureignir Mexíkó og Íslands hafa verið vináttulandsleikir; þeir tveir fyrstu enduðu 0-0 en síðan hefur Mexíkó unnið síðustu þrjár viðureignir. Síðast í maí 2021 þar sem fór 2-1.

Það verður mínútuþögn fyrir vináttuleik Íslands og Mexíkó seint í kvöld. Það er vegna látinna hermanna sem létust að störfum fyrir mexíkósku þjóðina. Herinn felldi eiturlyfjabaróninn El Mencho á dögunum og létust hermenn í skotárásinni.

Óeirðir hafa verið víða í Mexíkó síðustu daga eftir að glæpaforinginn Nemesio Oseguera Cervantes féll í bardögum við mexíkóska herinn. Mörgum kappleikjum í landinu hefur verið frestað.

Landsleikurinn mun hinsvegar fara fram og landsliðsþjálfari Mexíkó lofar því að allir verði öruggir. Mikil gæsla hefur verið í kringum íslenska liðið.

„Við erum meðvituð um viðkvæmt ástand en mexíkóska fótboltasambandið segir að öryggi allra verði tryggt," segir landsliðsþjálfarinn Javier Aguirre.

„Við höfum æft í afslöppuðu umhverfi, slökum á og tölum um íþróttir. Það eru skilaboðin sem ég get sent til stuðningsmanna sem fótboltaþjálfari."

Það er uppselt á leikinn sem er framundan, yfir 30 þúsund áhorfendur verða samankomnir á Estadio Corregidora.

Anton Ari Einarsson - Breiðablik
Viktor Freyr Sigurðsson - Fram
Höskuldur Gunnlaugsson - Breiðablik
Karl Friðleifur Gunnarsson - Víkingur R.
Damir Muminovic - Grindavík
Hans Viktor Guðmundsson - KA
Guðmundur Kristjánsson - Stjarnan
Guðmundur Þórarinsson - ÍA
Baldur Kári Helgason - FH
Gylfi Þór Sigurðsson - Víkingur R.
Haukur Andri Haraldsson - ÍA
Kolbeinn Þórðarson - IFK Göteborg
Daníel Hafsteinsson - Víkingur R.
Birnir Snær Ingason - Stjarnan
*Hallgrímur Mar Steingrímsson - KA
*Óskar Borgþórsson - Víkingur R.
Ágúst Orri Þorsteinsson - Breiðablik
Helgi Guðjónsson - Víkingur R.
Emil Atlason - Stjarnan
*Jóhann Berg Guðmundsson

   21.02.2026 12:58

Hópur Mexíkó gegn Íslandi: Allir spila í heimalandinu

Mexíkó og Ísland mætast í vináttulandsleik í kvöld. Leikurinn hefst kl. 20:00 að staðartíma í Queretaro, sem er kl. 02:00 í nótt að íslenskum tíma.

Leikurinn verður í beinni textalýsingu hér og einnig sýndur í opinni dagskrá á Sýn Sport

Íslenska landsliðið, sem er að mestu skipað leikmönnum úr Bestu deildinni þar sem leikið er utan glugga, hefur verið við æfingar í Queretaro í vikunni.

Borgin er hátt í 2 þúsund metra yfir sjávarmáli og leikmenn íslenska liðsins hafa fundið vel fyrir þunna loftinu á æfingum í vikunni samkvæmt heimasíðu KSÍ.