Gestirnir héldu þetta út með góðri baráttu og fara verðskuldað áfram. Þeir fá heimaleik gegn Breiðablik í næstu umferð.

Arnar Pálmi á góða fyrirgjöf sem Baltus nær næstum að skalla en Uros grípur boltann

Völsungar eiga horn. Baltus kominn inní teig

Tíminn er að renna út fyrir heimamenn. Gengur ekkert að brjóta niður vörn gestana.

Heimamenn reyna og reyna en sem áður gengur illa að skapa sér færi.

Nú er Tómas hársbreidd frá því að sleppa í gegn en Martin bjargar á síðustu stundu.

Heimamenn ná loksins að skapa sér færi. Arnar og Steinþór spila vel saman, Arnar rennir boltanum svo út á Tómas sem skýtur framhjá.

Seinni hálfleikur hefst eins og sá fyrri endaði. Gestirnir liggja djúpt til baka og verjast vel.

Völsungar pressuðu stíft í lok hálfleiksins en gestirnir verjast vel.

Heimamenn liggja á gestunum þessa stundina en eru þó ekki að ná að skapa sér færi.

Völsungar fá hornspyrnu eftir að Uros heldur of lengi á boltanum. Elfar Árni nær fínum skalla en Uros ver.

Kormákur/Hvöt gerðu tvær breytingar en ég bara hreinlega sá ekki hverjir komu inná eða fóru útaf.

Venjulegum leiktíma er lokið og við erum á leið í framlengingu.

Helgi Elinór svo nálægt því að klára þetta. Flott samspil við Steinþór og gott skot en Uros varði vel. Stefnir í framlengingu

Aftur á Helgi Elinór sprett upp hægri kantinn og gefur fyrir á Arnar Pálma sem á bylmingsskot sem er bjargað á línu, Tómas fær svo frákastið en skýtur hátt yfir markið.

Helgi Elinór kemur inná með látum. Fer framhjá þremur mönnum úti hægra megin og á svo fína fyrirgjöf en gestirnar ná að hreinsa.

Steinþór á stórfurðulega sendingu til baka sem að Moussa nýtir sér og rennir boltanum inn fyrir á Fabian Straudi sem skýtur að marki en Baltus ver vel.

Moussa Isamel kemur boltanum inn fyrir vörn Völsung eftir mikla baráttu en Fabian Straudi nær ekki að nýta góða stöðu.

Mikill darraðadans í vítateig heimamanna sem endar með að gestirnir fá hornspyrnu sem ekkert kemur úr.

Það er hart barist þessa stundina og sótt á báða bóga en lítið um færi.

Elmar Örn nálægt því að komast í færi með miklu harðfylgi en gestirnir bægja hættunni frá.

Gestirnir koma boltanum í netið en Moussa Ismael var vel rangstæður.

Seinni hálfleikur er hafinn. Patrick De Wilde gerir tvöfalda skiptingu í hálfleik.

Gestirnir leiða sanngjarnt í hálfleik. Hafa heilt yfir verið sterkari aðilinn.

Gestirnir nálægt því að bæta við. Fabian Straudi á fínasta skot sem Baltus ver vel.

Völsungar fá dauðafæri. Andri Valur vinnur boltann úti hægra megin og sendir á frænda sinn Elmar sem er í dauðafæri inni í teig en afgreiðslan með vinstri var ekki nógu góð og Uros ver vel.

Gestirnir koma boltanum í netið eftir hornspyrnu en það var brotið á Baltus markmanni og réttilega dæmd aukaspyrna.

Danijel Djuric leikmaður KA er mættur í stúkuna að styðja gestina. Danijel er frá Blönduósi og eigum við ekki að giska á að Uros Djuric markmaður gestanna sé frændi hans.

Gestirnir eru með yfirhöndina þessa stundina en hafa ekki náð að skapa sér alvöru færi.

Heimamenn ógna. Arnar Pálmi vinnur boltann hátt á vellinum og finnur Tómas inni í teig sem er í fínu færi en hann hittir boltann afar illa.

Gestirnir fá aukaspyrnu á hættulegum stað eftir að boltinn fór í hönd Mbye. Guzman ákveður að gefa fyrir og fyrirgjöfin var arfaslök og Völsungar fá markspyrnu.

Nú reynir Guzman Diaz fyrir sér með skoti af löngu færi en Baltus í marki Völsungs á í engum vandræðum með það.

Fabian Straudi fær fína sendingu inn fyrir vörn Völsungs og er kominn í ágætis færi en aftur er skot hans máttlítið og Baltus ver vel.

Leikurinn fer frekar rólega af stað og lítið gerst á upphafsmínútunum. Jafnræði með liðunum.

Gestirnir eiga fyrstu marktilraun leiksins. Hinn nautsterki Moussa Ismael leggur boltann á Fabian Straudi sem á máttlaust skot beint á Baltus í marki Völsungs.

Það er búið að hreinsa völlinn og Sigurður Hjörtur Þrastarson dómari hefur flautað leikinn á.

Annars eru byrjunarliðin klár. Það helsta markverða er að það eru tvær alvöru kanónur á bekknum hjá heimamönnum, þeir Elfar Árni Aðalsteinsson og Steinþór Freyr Þorsteinsson.

Leiknum hefur verið seinkað til 13:30 vegna vallaraðstæðna. Sjálfboðaliðar eru í óða önn að hreinsa snjó af vellinum en það náðist ekki í tæka tíð og hefur því leiknum verið seinkað um hálftíma.

Þetta er fyrsti alvöru leikur Völsungs undir stjórn Patrick De Wilde. Belginn tók við liðinu í vetur og eftir vægast sagt áhugavert undirbúningstímabil er komið að alvörunni. Völsungur hefur misst nokkra leikmenn en einnig bætt við sig nokkrum. Þetta verður mjög áhugavert allt saman. Því miður verð ég að viðurkenna að ég veit lítið um lið Kormáks/Hvatar en ég mun gera mitt allra besta hér í dag. Það er auðveldara að fá gefins pening frá flateying en að finna nytsamlegar upplýsingar á nýju heimasíðu KSÍ.

Þó að veðrið á landinu sé búið að vera erfitt undanfarið þá er þriggja flösku veður á Húsavík í dag. Svo til logn, glampandi sól og hitastig aðeins undir frostmarki. Við förum ekki fram á meira.

Heimamenn í Völsungi spila í Lengjudeildinni í sumar eftir að hafa átt prýðisgott tímabil í fyrra og haldið sér nokkuð sannfærandi uppi. Kormákur/Hvöt spila í 2.deild, að ég held þriðja sumarið í röð.

Góðan dag og velkomin í beina textalýsingu frá GPG vellinum á Húsavík. Hér í dag mætast Völsungur og Kormákur/Hvöt í 2.umferð Mjólkurbikarsins. Það er mikið í húfi í dag þar sem að sigurvegarinn fær heimaleik gegn Breiðabliki í næstu umferð.