Engu bætt við. Þetta var súrt.

Brynjólfur skorar en markið er dæmt af vegna rangstöðu. Hárréttur dómur.

Ruben Providence með fast skot sem Hákon Rafn á ekki í vandræðum með.

Sókn Haítí aðeins að aukast. Þeim hefur þó ekki tekist að skapa sér nein álitleg færi síðustu mínútur.

Leikmenn Haítí vilja fá vítaspyrnu, hendi, en ekkert dæmt. Boltinn fór í lærið á Jóni Degi.

Logi skallar boltann aftur fyrir og Haítí fær hornspyrnu. Það kemur ekkert úr þessari hornspyrnu.

Ég ætla að stökkva niður og gera mig kláran í viðtöl. Guðmundur Aðalsteinn siglir þessari lýsingu í höfn.

Derrick Etienne Jr. með vandræðalega lélegt skot úr flottri stöðu. Ísland vildi aukaspyrnu í aðdragandanum. Andri Fannar liggur á grasinu og sjúkraþjálfararnir hlaupa inn á völlinn.

Brynjólfur Willumsson flaggaður rangstæður.

Brotið á Arnóri Sigurðssyni á hægri kantinum og Ísland fær aukaspyrnu með fyrirgjafarmöguleika. Gylfi með spyrnuna en Haítí hreinsar frá.

Mikael Anderson þarf aðstoð frá sjúkraþjálfurum þegar hann fer haltrandi af velli.

Mikil ástríða í fréttamönnunum frá Haítí sem hafa tuðað samfleytt í fimm mínútur út af einhverri rangstöðu áðan.

Leikurinn farinn aftur af stað og Aron heldur leik áfram.

Haíti með máttlausan skalla framhjá. Aron Einar liggur eftir í grasinu og þarf aðhlynningu. Fékk högg á öxlina í baráttunni við Wilson Isidor.

Gylfi heldur betur að minna á sig fyrir komandi landsliðsverkefni, hann er kominn með 28 landsliðsmörk í 85 leikjum.

   31.03.2026 18:58

Gylfi núna kominn tveimur mörkum fram úr næstu mönnum

Löng sending fram og Duckens Nazon sleppur, Stefán Teitur á eftir honum, en skotið frá Nazon framhjá.

Allt afskaplega rólegt, þjálfararnir að undirbúa skiptingar.

Það þarf einhver að taka á skarið og ná að brjóta þetta upp, leikurinn heldur áfram í sama takti og í fyrri hálfleik.

Logi Tómasson reynir að koma boltanum á Gylfa sem er í góðri stöðu við vítateigsendann en því miður kemst varnarmaður á milli.

Haíti með sendingu inn í teig sem breytir um stefnu af varnarmanni og endar svo í höndunum á Hákoni Rafni.

Fátt um fína drætti og lítið reynt á Alexandre Pierre og Hákon.

Í lok fyrri hálfleiksins átti Haítí skot úr teignum en í varnarmann, nánar tiltekið Hjört Hermannsson. Annars voru hápunktar þessa fyrri hálfleiks alveg afskaplega fáir.

Gylfi með fyrirgjöf úr aukaspyrnu frá hægri en Haítí nær að koma knettinum frá.

Jean-Ricner Bellegarde, leikmaður Wolves, tekur skot fyrir utan teig en framhjá markinu.

Skot utan teigs frá Don Deedson. Boltinn beint á Hákon sem á ekki í nokkrum vandræðum með að handsama knöttinn.

Ágætis spil hjá íslenska liðinu en menn ekki alveg nægileg vel tengdir í teignum og boltinn hrekkur afturfyrir í markspyrnu. Leikurinn aftur stopp þar sem leikmaður Haíti þarf aðhlynningu, það er Bellegarde. Einn þeirra allra besti maður.

Það verður að segjast eins og er. Ísland þó aðeins betri aðilinn.

Ísland vann boltann af Haítí á hættulegum stað. Stefán Teitur freistar gæfunnar og lætur vaða en hittir boltann ekki sérlega vel og hann fer örugglega yfir markið.

Shaw-MacLaren dómari mikið að nota flautuna núna. Leikmaður Haítí þarf aðhlynningu og leikurinn stopp.

Mikael Anderson dæmdur brotlegur og Haítí fær aukaspyrnu á ljómandi fínum stað, þó aðeins of langt frá til að vera augljóst skotfæri. Jean-Ricner Bellegarde er þó bjartsýnn og lætur vaða en engin hætta. Vel yfir.

Ísland betra liðið en við höfum enn ekki náð tilraun á rammann. Alexandre Pierre ekki þurft að gera neitt.

Arnór með lipur tilþrif og leikur á tvo leikmenn Haítí, lendir svo í árekstri og fer niður en ekki dæmt. Arnór vildi aukaspyrnu þarna.

Dagur Dan með fyrirgjöf á fjærsvæðið en þar er engin blá treyja.

Gylfi með fyrirgjöf og Kristall kastar sér í boltann í teignum en skallar yfir!

Stefán Teitur með sendingu á Mikael Anderson sem er að sleppa... en flaggaður rangstæður. Þetta var mjög tæpt. Miðað við viðbrögð Mikaels þá fannst honum þetta ekki vera réttur dómur. Ekkert VAR í dag.

   31.03.2026 17:22

Bjarni Guðjóns: Að hann yrði atvinnu- og landsliðsmaður kom ekki upp í hugann

   31.03.2026 17:44

„Þetta er bara mjög góð spurning"

Wilson Isidor með fyrstu marktilraun Haítí. Tekur skot úr erfiðri stöðu í fyrsta eftir fyrirgjöf frá hægri. Skotið framhjá.

Ísland mun meira með boltann hér í upphafi og Gylfi er áberandi. Hann reynir sendingu inn í teiginn ætlaða Mikael Anderson en aðeins of föst og þetta endar í markspyrnu.

Arnór Sigurðsson rennir boltanum á Gylfa sem lætur vaða rétt fyrir utan teiginn. Skotið meðfram grasinu og framhjá. Stuttu seinna er Kristian Hlyns flaggaður rangstæður eftir að hafa komist í hættulega stöðu.

Við erum með bakverði sem elska að taka þátt í sóknarleiknum svo Stefán Teitur dettur á tíðum niður eins og þriðji miðvörðurinn. Það má búast við miklu flæði hjá fremstu mönnum Íslands miðað við uppstillinguna.

Ísland byrjar á fínu spili og Mikael Anderson á fyrirgjöf meðfram jörðinni sem Ricardo Adé varnarmaður Haítí hreinsar frá.

Mikael Anderson sparkar þessu í gang. Ísland í bláu, Haítí í hvítu. Vonandi verða veðurguðirnir okkur hliðhollir næstu tvo tímana eða svo!

Liðin fara úr upphitunargallanum og leikmenn Íslands stilla sér upp í liðsmyndatöku fyrir Mumma Lú og Arnar Laufdal.

Seven Nation Army með The White Stripes í spilaranum. Gott val.

Leikmenn eru komnir út á völl í 5 mínútna upphitun.

Fjölmiðlafulltrúi að tilkynna hér að þegar leikmenn snúi út á völlinn verði fimm mínútna upphitun og svo beint í leikinn sjálfan. Þjóðsöngvunum verður sleppt.

Aðili úr þjálfarateymi Haítí er að raða upp keilum á vellinum. Stutt upphitun leikmanna á að hefjast eftir 3 mínútur.

Samkvæmt niðurtalningu á vellinum ættu leikmenn að snúa aftur út á völl í stutta upphitun eftir 8 mínútur. Á meðan ég bíð held ég áfram að glensa í kollegum mínum frá Haítí og jafnvel drekk enn einn kaffibollann.

Ef það kemur þriðja eldingaviðvörunin þá verður leiknum aflýst samkvæmt upplýsingum sem við vorum að fá frá KSÍ.

Meðan við bíðum eftir að leikur geti hafist þá er hér pistill sem blaðamaðurinn þaulreyndi Víðir Sigurðsson var að birta á Facebook síðu sinni: Miðað við styrkleikalista FIFA á að vera lítill munur á landsliðum Íslands og Haití sem eru í þann veginn að hefja vináttulandsleik karla í fótbolta í Toronto í Kanada. Á heimslistanum situr Ísland í 75. sæti en Haití er átta sætum neðar, í 83. sætinu. Haití er hins vegar á leiðinni á HM 2026 í sumar, í annað sinn í sögu þjóðarinnar. Samkvæmt áðurnefndum styrkleikalista á Haití að vera þriðja besta landslið Karíbahafsins, á eftir Jamaíku (69. sæti) og Curacao (82. sæti). Curacao mun einnig leika á HM í sumar og Jamaíka spilar einmitt í kvöld úrslitaleik í umspili um HM-sæti gegn Lýðveldinu Kongó þar sem fyrrverandi lærisveinar Heimis Hallgrímssonar eiga möguleika á að tryggja sér HM-farseðlana. Sérfræðingar Sýnar töluðu Haití full mikið niður fyrir leikinn í dag og tíndu þar til smáþjóðir sem Haití hafði sigrað í undankeppninni. Þeim láðist hins vegar að geta þess að í úrslitariðli Norður- og Mið-Ameríku hirti Haití HM-sætið á kostnað Kosta Ríka og Hondúras sem hafa verið í hópi sterkustu liða svæðisins. Haití teflir m.a. fram tveimur leikmönnum úr ensku úrvalsdeildinni og mörgum fleirum úr sterkum deildum og Ísland mætir því hörkuliði í Toronto, liði þar sem allir eru að slást um sæti í hópnum sem fer á heimsmeistaramótið í sumar. Haiti er aðeins þriðja þjóðin úr Karíbahafinu sem Ísland mætir í landsleik karla í fótbolta. Sem er dálítið merkilegt því alls er 31 þjóð úr þessum heimshluta innan vébanda Alþjóða knattspyrnusambandsins, FIFA, og af þessu svæði koma flestar þjóðirnar í Concacaf, Knattspyrnusambandi Norður- og Mið-Ameríku. Áður hefur Ísland fjórum sinnum mætt liði Bermúda í vináttulandsleikjum og einu sinni liði Trínidad og Tóbagó. Þar með er það upptalið en lítum aðeins betur á þessi samskipti Íslendinga við eyþjóðirnar sólríku. Ísland átti góð samskipti við Bermúda á sjöunda áratug síðustu aldar og þjóðirnar mættust þrisvar, fyrst árið 1964 og svo tvisvar árið 1969. Ísland vann fyrsta leikinn, 4-3, á Laugardalsvellinum sumarið 1964 þar sem KR-ingarnir Ellert B. Schram og Þórólfur Beck skoruðu tvö mörk hvor. Bermúdamenn mættu aftur í Laugardalinn fimm árum síðar, 1969, og Ísland vann aftur, nú 2-1. Ellert var aftur á skotskónum, sem og Skagamaðurinn Matthías Hallgrímsson. Íslendingar endurguldu Bermúdamönnum heimsóknina og mættu þeim í Hamilton, höfuðstað eyjarinnar, sama haust. Þá hafði Bermúda betur, 3-2, en Matthías skoraði aftur, sem og Björn Lárusson, félagi hans frá Akranesi. Síðan leið 21 ár en árið 1990 mætti íslenska landsliðið aftur til Hamilton og vann þá öruggan sigur, 4-0. Pétur Pétursson úr KR skoraði tvö mörk, Pétur Ormslev úr Fram eitt og Kjartan Einarsson úr KA eitt. Frá þeim leik og þar til Ísland og Haití mættust í Kanada í dag hafði Ísland aðeins einu sinni leikið gegn liði úr Karíbahafinu. Það var snemma árs 2006 þegar íslenska liðið fór til London og lék þar gegn Trínidad og Tóbagó á Loftus Road, heimavelli Queen’s Park Rangers. Lið TT var þá á leið í lokakeppni HM í fyrsta sinn og stemningin var gríðarleg með liðinu, eyjaskeggjar búsettir í London troðfylltu völlinn og fögnuðu vel 2-0 sigri sinna manna. Dwight Yorke, sem margir muna eftir sem leikmanni Manchester United, skoraði bæði mörkin. Þegar sá sem þetta skrifar mætti á Loftus Road til að fjalla um leikinn á sínum tíma gekk hann inn í hreinræktaða þjóðhátíðarstemmningu fólksins frá Trínidad og Tóbagó fyrir utan leikvanginn þar sem dans og söngur settu skemmtilegan svip á aðdraganda leiksins.

Liðin voru búin að stilla sér upp að búa sig undir þjóðsöngvana en halda nú skyndilega aftur til búningsklefa. Hvenær leikurinn mun hefjast veit ég ekki....

Þá er komið að því að þjóðsöngvarnir verði leiknir fyrir framan tóman völl. Minnir óneitanlega á Covid tímabilið þegar veiran sú skæða ógnaði heimsbyggðinni. Haítí er með skemmtilegan þjóðsöng sem myndi sóma sér vel á Þjóðlagahátíðinni í Fjallaborg. „La Dessalinienne“ heitir söngurinn og er til heiðurs byltingarleiðtoganum og fyrsta stjórnanda Haítí, Jean-Jacques Dessalines. Upphafstextinn í lauslegri íslenskri þýðingu: „Fyrir landið, fyrir forfeðurna - Göngum saman, göngum saman - Hleypum engum svikurum í okkar raðir!“

Ég er eini íslenski fjölmiðlamaðurinn hér í fréttamannastúkunni á meðan fjölmiðlamennirnir frá Haítí eru um 20. Þeir eru í miklum gír og læti í þeim, margir hverjir með húfur og trefla merkta Haítí og greinilega mikill HM fílíngur í þeim. Bara gaman. Liðin eru að halda inn úr upphitun, styttist í að leikurinn geti loks hafist.

Eldingaviðvöruninni hefur verið aflétt. Stefnir í að leikurinn geti hafist klukkan 17. Hákon Rafn Valdimarsson byrjar í markinu.

Miklar breytingar hjá Íslandi og ólíkt Kanadaleiknum munu þeir keyra á þá, þetta verður opinn leikur að ég held, yfir 3 mörk er á frábærum stuðli á Epic, 2,49 takk fyrir.

Samkvæmt upplýsingum frá Ómari Smárasyni þá munu leikmenn fá 15 mínútur til að hita upp, svo 3 mínútur í klefanum áður en kemur að þjóðsöngvum. Áætlað er að hefja leik 17:00.

Í miðri upphitun fyrir leikinn kemur skyndilega eldingaviðvörun og leikmönnum er skipað að fara inn í klefa af öryggisráðstöfunum! Upphitun hefst aftur 16:34 (12:34 að staðartíma). Það er því ljóst að það verða tafir á því að leikurinn fer af stað. Ekki er vitað hvenær hann mun hefjast.

Arnór Sigurðsson hefur ekki spilað í íslenska búningnum síðan í september 2024 en hann hefur gengið í gegnum erfið meiðsli. Hann hefur verið flottur með Malmö í vor og spennandi að sjá hann í sviðsljósinu í dag. Ég spjallaði við Arnór hér í Toronto á dögunum og má sjá hlekk á það viðtal hér að neðan.

   27.03.2026 11:40

Þakklátur Arnór loks mættur aftur - „Maður lærir að meta alla litlu hlutina“

Wilson Isidor, sóknarmaður enska úrvalsdeildarliðsins Sunderland, spilar sinn fyrsta byrjunarliðsleik fyrir Haítí. Isidor er 25 ára og fæddist í Frakklandi en fékk nýlega grænt ljós á að spila fyrir Haítí en afi hans er frá eyríkinu. Isidor lék fyrir yngri landslið Frakkland upp í U20 en sá ekki fram á að geta brotið sér leið inn í ógnarsterkt A-landslið þjóðarinnar. Isidor lék sinn fyrsta landsleik fyrir Haítí þegar hann kom af bekknum í 1-0 tapi gegn Túnis á laugardaginn en Haítí verður með á HM í sumar. Hann fór feikilega vel af stað með Sunderland á þessu tímabili og var kominn með fjögur mörk eftir níu umferðir. Hann hefur hinsvegar ekki skorað síðan og mínútunum farið fækkandi. Tveir leikmenn úr ensku úrvalsdeildinni spila fyrir Haítí, á síðasta ári fékk Jean-Ricner Bellegarde, miðjumaður Wolves, keppnisleyfi með þjóðinni en hann fæddist einnig í Frakklandi.

Það er nostalgíufílingur frá gyllkynslóðinni í byrjunarliði Íslands...

Það er aðeins Kristian Hlynsson sem byrjar báða leikina.

Menn að skoða aðstæður áður en þeir fara inn í klefa og klæða sig í takkaskóna. Byrjunarliðin ættu að fara að detta í hús á hverri mínútu...

Það er miklu hlýrra en var á laugardaginn, skyndilega er kominn um fjórtán gráðu hiti. Miklar sveiflur í hitastiginu og leikmönnum ætti ekki að verða kalt í dag!

Þjálfari Haítí er franskur og heitir Sebastien Migne. Hann náði því afreki að stýra Haítí á HM án þess að hafa nokkurn tíma komið til landsins.

Haítí lék vináttulandsleik hér í Toronto á laugardag. Liðið tapaði 1-0 gegn Túnis en Sebastian Tounekti, leikmaður Celtic, skoraði sigurmark Túnisa. Leikur Íslands og Haítí í dag verður sögulegur fyrir þær sakir að þjóðirnar hafa aldrei áður og raunar hefur ekkert íslenskt fótboltalandslið áður mætt Haítí. Haítí er eins og Kanada að búa sig undir þátttöku á HM í sumar en liðið er í 82. sæti heimslista FIFA, átta sætum neðar en Ísland. Enginn landsliðsmaður Haítí býr á Haítí en þetta er í annað sinn sem þjóðin kemst á HM, hitt skiptið var 1974.

Það var góð stemning og um 30 þúsund manns á leiknum gegn Kanada á laugardag en umgjörðin verður allt öðruvísi gegn Haítí þó leikið verði á sama velli í Toronto. Leikurinn er klukkan 12:30 að staðartíma á virkum degi og var miðasalan var það dræm að ekki var talið að það stæði undir kostnaði að selja inn á leikinn. Því var ákveðið að þessi leikur í dag verði áhorfendalaus. Orri Steinn segir verkefnið spennandi þó það verði allt öðruvísi andrúmsloft. „Skemmtilegur leikur, ekki jafn mikið af fólki en við þurfum að taka vel á þeim og vera klárir. Það var meiri stemning í þessum leik (gegn Kanada) en þá er þetta líka komið yfir til okkar að skapa stemninguna innávið. Við þurfum að taka því mjög alvarlega, Haítí er með mjög gott lið og það verður spennandi verkefni," segir Orri Steinn.

„Ég geri nú ráð fyrir því að við leyfum einhverjum að fá mínútur. Sumir þurfa kannski að hvíla í næsta leik út af aðstæðum sem ég talaði um í aðdraganda leiksins varðandi meiðsli og mikils leikjaálags. Við munum klárlega gera einhverjar breytingar," sagði Arnar Gunnlaugsson eftir leikinn gegn Kanada. Orri Steinn Óskarsson skoraði bæði mörk Íslands gegn Kanada en hann hefur misst talsvert úr á þessu tímabili vegna meiðsla. „Okkur vantar kannski hreinræktaðar 'níur' í þessum glugga af ástæðum sem eru vel kunnar. Menn eru að spila með U21 landsliðinu og sumir eru meiddir," segir Arnar. Andri Lucas Guðjohnsen er á meiðslalistanum og þá er bróðir hans Daníel Tristan í U21 hópnum og þeir því meðal leikmanna sem ekki eru í A-landsliðshópnum í þessum glugga.

   28.03.2026 20:48

Arnar: Leið eins og við værum að spila á móti liði frá 1980

Góðan og gleðilegan daginn. Velkomin í beina textalýsingu frá vináttulandsleik Haítí og Íslands sem fram fer í Torontoborg í Kanada. Á sama velli mættu strákarnir okkar liði Kanada á laugardag og þá enduðu leikar 2-2. Allt um þann leik hér: