Verðskuldaður sigur. Viðtöl og skýrsla seinna í dag.

Adolf Daði með skot í slána! Rétt missir af þrennunni.

Adolf Daði ber upp boltann í skyndisókn FH, leggur boltann á Kára Kristjánsson sem fer á vinstri og á skot í varnarmann sem fer svo aftur fyrir.

Skotið frá Baldri Kára beint í vegginn.

Ragnar Óli brotlegur og FH á aukaspyrnu við vítatieg Þorsara.

Ísak Óli spyr hvort hann eigi að taka spyrnuna, Jói Kalli þokkalega léttur með það. Baldur Kári og Tómas Orri standa yfir boltanum. Jökull vill fá mark frá sínum mönnum.

FH með aukaspyrnu, boltinn inn á teig Þórs en Affi fellur við og aukaspyrna dæmd á FH.

Jökull gerir vel að slá hornspyrnu Einars Freys til hliðar. Kjartan Kári hreinsar svo.

Ingimar Arnar dæmdur brotlegur gegn Tobias Carlsson, er í álitlegri stöðu en fær ekki tækifæri til að minnka muninn þarna.

Adolf Daði vinnur aukaspyrnu úti á vinstri kanti FH.

Fastur bolti frá Kjartani Kára sem Fannar Daði skallar aftur fyrir. Hornspyrna fyrir FH.

Ísak Óli fær boltann í sig eftir hornspyrnuna og Þór á markspyrnu.

Kjartan Kári í fínu færi en Ragnar Óli gerir vel og stígur fyrir skotið. Vel spilað hjá FH þarna.

Ágúst Eðvald með fastan bolta inn á vítateig FH og Ísak Óli setur boltann í horn. Þórsarar að undirbua skiptingu.

Arnór Borg skallar boltann út úr vítateig FH eftir hornið.

FH á aukaspyrnu alveg við hornfána. Kjartan Kári með spyrnuna en boltinn fer yfir allan pakkann.

Gils í mjög fínu færi hægra megin í vítateig Þórs eftir sendingu frá Arnóri, fer á vinstri fótinn og skýtur en Aron Birkir sér við honum. Ásbjörn stígur svo Gils út í frákastinu og Þórsarar ná að koma boltanum í burtu.

FH í hraðri sókn, Kjartan Kári reynir að finna samherja inni á vítateig Þórsara en heimamenn ná að hreinsa í innkast.

Nokkuð rólegt síðustu mínútur, Þór með boltann en FH pressar.

Atli með flotta spyrnu inn að marki sem Jökull þarf að slá í burtu. Ágúst Eðvald vinnur svo aðra hornspyrnu.

Ísak Óli skallar svo í burtu og FH keyrir upp. Gils reynir að finna Kjartan Kára, gerir það en sendingin er ekki frábær og sókn FH rennur út í sandinn þegar flaggið fer á loft.

Kristófer vinnur hornspyrnu fyrir Þór.

Engar mannabreytingar.

Ekkert kom upp úr aukaspyrnunni.

FH leiðir með einu marki eftir að hafa svarað marki Þórsara mjög vel.

Ágúst Eðvald með skot í stöng úr markteignum.

Flott spil hjá Þór, Kristófer með sendinguna á Atla sem finnur svo Ágúst en skot hans fer í stöngina!

Tómas Orri reynir skot frá miðju, Aron Birkir framarlega í markinu eftir hreinsun, en skotið ekki nægilega gott. Fín hugmynd.

Þórsarar á leið upp völlinn en Sigurður dómari sér það ekki, sá brot inn á vítateig Þórsara og stöðvaði leikinn. Heimamenn ósáttir við þessa ákvörðun.

Þórsarar nálægt því að skapa dauðafæri, Greko finnur Atla Sigurjónsson úti hægra megin og hann reynir að skera boltann út í teiginn en Tobias er réttur maður á réttum stað og þessi hætta rennur út í sandinn.

Haugland með fyrirgjöf af hægri kantinum sem Birkir Valur sendir til baka á Jökul með bringunni.

Atli með fyrirgjöf sem Tobias Carlsson skallar út fyrir teiginn, Kristófer á þá tilraun á lofti en er langt frá því að hitta markið.

Sigfús Fannar vinnur aukaspyrnu á miðjum vallarhelmingi FH. Jökull í markinu vill fá allavega tvo í vegginn. Bjarni Guðjón og Atli standa yfir boltanum.

Sebastian er í treyju númer 9 en númer 19 á stuttbuxunum.

Áhugamennskan í fyrirrúmi hjá Þórsurum. Tveir leikmenn í stuttbuxum nr. 19. Flott mark samt.

— Kristján Óli Sigurðsson (@kristjanoli) April 4, 2026

Atli tekur annað horn Þórsara.

Boltinn berst út á Ásbjörn sem þrumar í boltann með hægri en hittir ekki mark FH-inga.

Aron Birkir fer út í boltann en nær ekki í hann. Sigurður Hjörtur flautar þegar boltinn er kominn inn í markið.

Tómas Orri fær tiltal.

Ég skoðaði þetta aftur í hálfleiknum, þetta er ansi lítið! Aron Birkir heppinn.

Kjartan Kári vinnur boltann af Bjarna Guðjóni og fær hornspyrnu.

Þórsarar keyra upp, vel spilað og Haugland leggur boltann fyrir Kristófer sem er á sprettinum upp hægra megin. Kristófer reynir að finna Sigfús á fjær en Birkir Valur er á undan og sendir boltann í horn.

Arnór Borg með fyrstu tilraun leiksins, skot eftir sendingu frá Gils sem fer í varnarmann. Fín sókn hjá FH, þarna var hætta.

Sending inn fyrir sem Adolf Daði eltir en Aron Birkir handsamar, var kominn mjög utarlega í teignum, en hefur ekki farið yfir línuna.

Kjartan Kári vinnur fyrstu hornspyrnu leiksins.

Spyrnan tekin stutt, Kjartan Kári svo með fyrirgjöf sem Þórsarar hreinsa upp völlinn.

FH-ingar pressa stíft og það er mikil stöðubarátta á vellinum.

Ágúst Eðvald með lausa sendingu sem Kjartan Kári kemst í og keyrir upp völlinn, hann finnur Arnór Borg fyrir utan vítateig Þórs en Arnór með slæma snertingu og sóknin rennur út í sandinn.

Núna brýtur Kjartan Kári af sér og fær tiltal, braut á Kristófer inn á vítateig Þórsara.

Ásbjörn grípur í Gils og fær tiltal frá Sigurði dómara, síðasti séns, næst er það spjald. FH á aukaspyrnu.

Aron Birkir með langa sendingu upp á Atla Sigurjónsson á hægri kantinum, hann og Ágúst Eðvald spila sín á milli og Atli reynir svo fyrirgjöf sem Sigfús Fannar kemst ekki í á fjærstönginni.

Auðvelt fyrir Þórsarana að komast hratt upp völlinn.

Gils Gíslason við það að komast í dauðafæri en Aron Birkir mætir aðeins út á móti og Gils nær ekki skottilraun. Gríðarlegur hraði í Gils.

Frábær fastur bolti frá Ásbirni úr bakverðinum á Atla Sigurjónsson. Atli labbar hjá einum varnarmanni en er svo stiginn út. Ætlaði sér um of.

Aron Birkir
Kristófer - Ragnar - Affi - Ásbjörn
Bjarni - Greko
Atli - Ágúst - Sigfús
Haugland

Jökull
Birkir - Ísak - Tobias - Baldur
Grétar - Tómas
Gils - Arnór - Kjartan
Adolf

Tómas Orri sparkar þessu af stað fyrir FH.

FH-ingar eru í svörtu og Þórsarar eru í hvítum treyjum og rauðum stuttbuxum.

“1x2 og bæði lið skora” er mjög skemmtilegur fídus á Epic, “Þór og já” er á stuðlinum 4.3 og er svakalega skemmtilegt veðmál

Hjá Þór voru þeir Ásbjörn Líndal, Einar Freyr og Sverrir Páll með U19 landsliðinu í Portúgal.

Þeir Tómas Orri og Baldur Kári hjá FH voru með U21 landsliðinu sem spilaði gegn Eistlandi og Frakklandi í undankeppni EM.

Baldur Kári með U21

Það eru einungis erlendur leikmennirnir; Yann Affi, Sebastian Haugland og Greko sem ekki eru uppaldir hjá Þórsurum. Sex uppaldir Þórsarar eru svo á bekknum.

Gils, Baldur Kári og Grétar Snær eru uppaldir hjá FH.

Sigfús Fannar, besti maður Lengjudeildarinnar í fyrra, er uppalinn Þórsari eins og sjö aðrir í byrjunarliðinu

Kjartan Kári Halldórsson átti mjög gott tímabil með FH í fyrra og eftir brotthvarf Björns Daníels Sverrissonar og Sigurðar Bjarts Hallssonar hefur ábyrgðin á herðum Kjartans ekki minnkað. Kantmaðurinn er algjör lykilmaður í liðinu og skoraði bæði mörkin í síðasta æfingaleik liðsins fyrir mót.

Viktor Nói Viðarsson er á bekknum hjá FH. Hann er fæddur árið 2007 og er miðjumaður sem kom frá Belgíu á dögunum. Hann er sonur fyrrum landsliðsþjálfarans Arnars Þórs Viðarssonar.

,,Bara geggjað. Við erum búnir að kvarta yfir því að fá ekki nógu góða leiki hérna og að fá efstu deildar lið hingað er bara frábært og geðveikt test fyrir mót.“

„Ég hefði viljað fá aðeins betri frammistöðu í dag (föstudag), en einu sinni enn þá bættum við það sem við ætluðum að bæta og ég held að við náum hrikalega góðri frammistöðu næstu helgi," sagði Sigurður Heiðar Höskuldsson, þjálfari Þórs, við Fótbolta.net fyrir rúmri viku síðan.

Búið er að opinbera byrjunarliðin og vekur athygli að Bjarni Guðjón Brynjólfsson er í liði Þórsara en hann er lánsmaður frá FH. Atli Sigurjónsson er þá orðinn klár en hann hefur misst af síðustu tveimur leikjum Þórsara. Norski framherjinn Sebastian Haugland spilar sinn fyrsta leik og ganverski kantmaðurinn Isaac Atanga er á bekknum.

Hjá FH er Ísak Óli Ólafsson með fyrirliðabandið og spilar við hlið Svíans Tobias Carlsson í hjarta varnarinnar. Hinn gríðarlega fljóti Gils Gíslason er í liði FH og með honum framarlega á vellinum eru þeir Kjartan Kári Halldórsson, Arnór Borg Guðjohnsen og Adolf Daði Birgisson.

Ásbjörn Líndal Arnarsson sem fæddur er 2008 er í vinstri bakverðinum hjá Þór og Róbert Hugi Sævarsson sem fæddur er 2010 er á bekknum hjá FH.


Bjarni Guðjón byrjar gegn FH

Komnir
Ágúst Eðvald Hlynsson frá Vestra
Atli Sigurjónsson frá KR
Isaac Antanga frá Svíþjóð
Sebastian Haugland frá Noregi
Bjarni Guðjón Brynjólfsson frá FH á láni
Kristófer Máni Sigurðsson frá Hetti (lánaður til baka)
Elvar Baldvinsson frá Völsungi
Birgir Ómar Hlynsson frá ÍBV (var á láni)

Farnir
Ibrahima Balde í Vestra
Orri Sigurjónsson hættur
Clement Bayiha til Kanada
Rafael Victor í Grindavík
Juan Guardia í Völsung
Dagbjartur Búi Davíðsson í KA (var á láni)

Atli Sigurjónsson er kominn heim

Komnir
Jökull Andrésson frá Aftureldingu
Kári Kristjánsson frá Þrótti R.
Adolf Daði Birgisson frá Stjörnunni
Sverrir Páll Hjaltested frá ÍBV
Tobias Carlsson frá Svíþjóð
Viktor Nói Viðarsson frá Belgíu
Aron Jónsson frá Aftureldingu
Kristján Snær Frostason frá HK
Arnór Borg Guðjohnsen frá Vestra (var á láni)
Gils Gíslason frá ÍR (var á láni)
Axel Marcel Czernik frá Breiðabliki

Farnir
Sigurður Bjartur Hallsson til Spánar
Björn Daníel Sverrisson hættur og tekinn við Sindra
Böðvar Böðvarsson í ÍA
Ahmad Faqa til AIK (var á láni)
Bjarni Guðjón Brynjólfsson í Þór á láni
Bragi Karl Bjarkason í Njarðvík
Einar Karl Ingvarsson í Hauka
Jóhann Ægir Arnarsson í Njarðvík á láni
Dagur Traustason í Fylki
Mathias Rosenörn
Dagur Örn Fjeldsted í Breiðablik (var á láni)

Jóhannes Karl Guðjónsson og Árni Freyr Guðnason tóku við FH í vetur.

Sigurður Hjörtur Þrastarson er með flautuna í dag. Jovan Subic er AD1, Tomasz Piotr Zietal er AD2 og Bergvin Fannar Gunnarsson er fjórði dómari.

Bragi Bergmann er eftirlitsmaður KSÍ.

Skírdagur:
14:00 Fylkir 2 - 0 KFA (tekkVöllurinn)

Föstudagurinn langi:
13:00 Afturelding 6 - 1 Ýmir (Malbikstöðin að Varmá)
14:00 Tindastóll 0 - 1 Njarðvík (Sauðárkróksvöllur)

Laugardagur:
12:00 ÍBV - Þróttur R. (Hásteinsvöllur)
14:00 Þór - FH (Boginn)
15:00 Höttur - KA (Rafey-völlurinn)
16:00 Kormákur/Hvöt - Breiðablik (Sauðárkróksvöllur)
17:00 Fram - Víkingur R. (Lambhagavöllurinn)

Páskadagur (Sunnudagur):
15:00 Árbær - Ægir (Domusnovavöllurinn)
15:00 Stjarnan - Selfoss (Miðgarður)

Annar í páskum (Mánudagur):
13:00 Grindavík - Keflavík (BIRTU-völlurinn)
13:00 Fjölnir - HK
13:00 ÍA - Haukar (Akraneshöllin)
14:00 Grótta - Álftanes (Vivaldivöllurinn)
16:00 KR - Valur (Meistaravellir)

Laugardagurinn 11. apríl:
16:00 Vestri - Leiknir R. (Kerecis-völlurinn)

Góðan daginn lesendur góðir og verið þið velkomnir í beina textalýsingu úr Boganum á Akureyri frá leik Þórs og FH í 32-liða úrslitum Mjólkurbikarsins. Leikurinn hefst klukkan 14:00 og verður einnig í beinni sjónvarpsútsendingu á RÚV.

Þór vann Lengjudeildina í fyrra og FH hefur verið í efstu deild í rúma tvo áratugi. Það er því um Bestu deildar slag að ræða í Boganum. Þetta er fyrsta umferðin í bikarnum sem liðin í Bestu deildinni taka þátt í.