Ljóst að Víkingur verður í pottinum þegar dregið verður í 16-liða úrslit. Þau verða svo spiluð 13. og 14. maí samkvæmt plani á ksi.is.

Fjórar mínútur í uppbótartíma. Arnar Þór Stefánsson, skiptastjóri Play, lyftir upp skiltinu.

Og báðir markverðirnir búnir að setja boltann í eigið net!

Erlingur Agnarsson nær skalla á rammann úr þröngu færi en Viktor Freyr ver. Víkingar halda áfram að vera bitmeiri.

Víkingar að einoka boltann. Komið talsvert síðan Fram náði að skapa sér teljandi færi.

Daníel Hafsteins haltrandi og fær aðhlynningu. Smá pirringur í mönnum inná vellinum núna. Daníel heldur leik áfram.

Þung sókn Víkings endar með skoti frá Daníel Hafsteins framhjá. Miðað við leikinn núna eru Víkingar líklegri til að bæta við en Fram að jafna.

Fram ekki langt frá því að skora annað sjálfsmark, boltinn skaust af McLagan og endaði ofan á þaknetinu.

Helgi Guðjóns með skot langt framhjá.

Óskar Borgþórs með fyrirgjöf, Stígur með skallann sem Viktor Freyr slær yfir. Hætta á ferðum.

Gunnar Vatnhamar brotlegur rétt við boðvangana. Tók Freysa niður. Rúnar Kristins vildi sjá Helga Mikael lyfta gulu en varð ekki að ósk sinni.

Framarar að ógna, endar með skoti frá Simon Tibbling sem Ingvar ver af öryggi.

Már Ægisson vinnur hornspyrnu fyrir Fram eftir sendingu frá Kennie Chopart. Ná ekki að búa til neinn mat úr horninu.

Daníel Hafsteins sparkar seinni hálfleiknum af stað.

ÍBV og Þór hafa kvatt bikarkeppnina þetta árið, áður en Besta deildin kemst af stað, og ljóst að þriðja úrvalsdeildarliðið verður fallið úr eftir 45 mínútur, kannski meira.

Framarar þurfa að opna sig og láta vaða á Víkingana, yfir 5 mörk á Epic er á stuðlinum 1.93

Fram á heimaleik gegn ÍA í fyrstu umferð Bestu deildarinnar, leikurinn verður eftir rúma viku. Lárus Orri og Dean Martin, þjálfarar ÍA, eru mættir með skrifblokkina upp í stúku.

Víkingar fara brosandi inn í klefa eftir að hafa lent undir í leiknum.

Vuk kemst í hættulega stöðu en nær ekki að nýta sér hana. Þetta hefur verið mjög góð skemmtun hér í fyrri hálfleik.

Kennie Chopart á svaka skriði, kemur sér inn í teiginn og leikur á varnarmann og kemst í dauðafæri. Tekur skotið en Ingvar gerir vel og lokar. Fram svo nálægt því að ná forystunni aftur.

Israel Garcia reynir að bæta upp fyrir sjálfsmarkið og tekur skot af löngu færi en Ingvar Jóns ver auðveldlega.

Þetta jöfnunarmark Víkings hafði legið í loftinu og nú verður spennandi að sjá þróun leiksins.

Daníel Hafsteins í góðri stöðu í teignum en hittir boltann ekki sérlega vel og hittir ekki á rammann.

Rétt fyrir utan teig, boltinn meðfram gervigrasinu en fer rétt framhjá. Viktor Freyr var búinn að skutla sér og hefði væntanlega tekið þetta ef skotið hefði verið á rammann.

Eftir þunga sókn Víkings stýrir Elías Már boltanum í stöngina af stuttu færi! Munaði litlu að Víkingur jafnaði.

Framarar tilkynntu í gær að Ægir Jarl væri formlega kominn til félagsins. Hann er að glíma við minniháttar meiðsli og fylgist með leiknum í dag úr VIP rýminu.

   03.04.2026 18:49

Ægir Jarl tilkynntur hjá Fram (Staðfest)

Freyr Sigurðsson með fyrirgjöf en fallhlífarbolti sem er bara léttur æfingabolti fyrir Ingvar Jónsson.

Fyrirgjöf inn i teig Fram. Viktor Freyr og Stígur lenda í samstuði í baráttu um boltann. Viktor markvörður Fram þarf aðhlynningu en getur haldið leik áfram.

Víkingur tapaði fyrir ÍBV í Vestmannaeyjum á þessu stigi bikarkeppninnar í fyrra. Ekki úr vegi að rifja það upp í ljósi stöðunnar hér í Dal draumanna.

Gylfi með skot úr aukaspyrnu af nokkuð löngu færi, beint á Viktor Frey sem ver af miklu öryggi.

Framarar leika listir sínar, frábær spilamennska skilar horni en ekkert merkilegt verður úr hornspyrnunni.

Fín spilamennska milli Gylfa og Óskars en Viktor í marki Fram á ekki vandræðum með að handsama fyrirgjöf Óskars frá hægri.

Vuk með skot við vítateigsendann en varnarmenn Víkings ná að komast fyrir. Víkingar koma svo upp hinumegin og Valdimar á fyrstu marktilraun þeirra en skot hans framhjá markinu.

Víkingar sækja í átt að sundlauginni i fyrri hálfleik. Dagur B. Eggertsson vígði einmitt rennibrautina í þeirri laug.

Kom fram á RÚV. Er þess vegna ekki með Víkingi í dag. Spurning hvort hann verði klár í opnunarleik Bestu deildarinnar á föstudag, þegar Víkingur tekur á móti Breiðabliki.

Liðin eru að hita upp og þjálfararnir tveir; Rúnar Kristinsson og Sölvi Ottesen, standa á miðlínunni og spjalla saman. Í græjunum er verið að spila lagið Þungur kross með Dimmu. Gott val.

Varnarmaðurinn Sigurjón Rúnarsson, brasilíski töframaðurinn Fred hinn sænski Jakob Byström eru allir að glíma við meiðsli. Byström er þó í hóp og gæti spilað einhverjar mínútur en hinir tveir eru ekki í hóp.

Spennandi verður að sjá hvernig Elías Már Ómarsson stendur sig í fremstu línu hjá Víkingum í dag. Hann hefur ekki farið með himinskautum á undirbúningstímabilinu en nú er alvaran að fara af stað og tilvalinn tímapunktur til að stíga upp.

Byrjunarliðin eru komin inn. Gylfi Þór Sigurðsson og Gunnar Vatnhamar voru í landsliðsverkefni þegar Víkingur vann Vestra 4-0 í Meistarakeppni KSÍ á dögunum en koma báðir inn í byrjunarliðið. Nikolaj Hansen skoraði tvö mörk gegn Vestra en er ekki á skýrslu og Elías Már Ómarsson kemur inn. Sóknarmaðurinn Atli Þór Jónasson er á láni hjá Fram frá Víkingi og er ekki með í dag. Samkvæmt heimildum Fótbolta.net er ákvæði í lánssamningi Atla og Fram þarf að greiða Víkingi væna summu ef hann kemur við sögu í leik á móti þeim í sumar.

Það er bjart og fallegt yfir Dalnum, dal draumanna eins og hann kallast. Ég er búinn að koma mér fyrir í fréttamannastúkunni og hér á sömu hæð er gott fólk að ræða málin og spá í spilin yfir kaffibolla. Ormslev feðgar, Valtýr Björn og Daði Guðmunds svo einhverjir góðir menn séu nefndir. RÚV er að koma sér í startholurnar fyrir útsendingu og byrjunarliðin fara að detta í hús á næstu mínútum!

   25.03.2026 12:00

Spá Fótbolta.net fyrir Bestu deildina: 8. sæti

   25.03.2026 12:30

„Þannig að þetta er framför"

   25.03.2026 12:45

Niðurtalningin - Er verið að vanmeta Framara?

   03.04.2026 18:00

Spá Fótbolta.net fyrir Bestu deildina: 1. sæti

   03.04.2026 18:30

„Það er viðurkenning að fá slíka spá"

   03.04.2026 20:56

Niðurtalningin - Skjöldurinn verður loksins kyrr

Aðstoðardómarar: Egill Guðvarður Guðlaugsson og Þórður Arnar Árnason. Fjórði dómari: Arnar Þór Stefánsson. Eftirlitsmaður: Ingvar Örn Gíslason.

Hér verður bein textalýsing frá áhugaverðum slag milli tveggja öflugra liða í 32-liða úrslitum bikarsins. Það er hreinlega dapurt að annað þessara liða þurfi að kveðja keppnina í kvöld.