FH nær í sinn fyrsta sigur í deildinni á móti nýliðunum.

Viðtöl og skýrsla væntanleg.

Natasha með skemmtilega takta og gestirnir að komast í hættulega stöðu en Ása Björg nær ekki að koma boltanum fyrir.

Ekki mikið sem bendir til annars en að FH nái sínum fyrsta sigri hér í kvöld.

FH aðeins að banka þessa stundina en vörn gestana heldur.

Mistök hjá FH og Sophia Romine fær flugbraut að marki en Aldís kemur frábærlega út á móti og lokar vel en missir boltann aðeins undir sig en varnarmenn FH fljótar að átta sig og koma boltanum burt!

Þarna hefðu gestirnir átt að jafna leikinn!

Thelma Lóa kemur sér í gott skotfæri en Genevieve ver frá henni en heldur ekki boltanum en FH svo dæmdar brotlegar í baráttunni um frákastið.

Ída Marín keyrir inn á teig og Natasha fær boltann í hendina þegar hún fer í tæklingu.

Lily Farkas tekur aukaspyrnu inn á teig og þar fellur leikmaður gestana í teignum og nú vill Gylfi Tryggva fá vítaspyrnu sem hann fær ekki.

Gestirnir að komast í góða stöðu en Lily Farkas fær litla aðstoð og FH nær að bakka og verjast.

Ída Marín kemur sér í gott skotfæri en aftur er Genevieve að verja frábærlega í marki gestana.

Ída Marín með gott skot fyrir utan teig sem Genevieve slær yfir markið.

Thelma Lóa með fyrirgjöf eða skot sem endar í hliðarnetinu.

Óbreytt hjá báðum liðum og Emma Phillips sparkar okkur af stað aftur.

FH byrjaði leikinn mun kraftmeiri og voru mun sterkari aðilinn í upphafi leiks en eftir því sem liðið hefur á hafa gestirnir náð meiri tökum á leiknum og þetta orðið jafnara.
Allt jafnt þegar gengið er til búningsklefa í hálfleik.

+1
Sophia Romine með tilraun sem fer yfir markið.

Grindavík/Njarðvík einum færri í mínútu eftir að Natasha fékk aðhlynningu og hún þurfti að bíða utan vallar í mínútu áður en hún fékk að fara inn aftur.

Nýju reglurnar sem voru innleiddar fyrir mót.

FH reynir að stinga Niu í gegn en Genevieve kemur út á móti og þrumar boltanum í Natöshu sem steinliggur eftir.
FH ekki langt frá því að ná boltanum áður en hann rúllar útaf og FH fær hornspyrnu í staðinn.

Berglind Freyja í góðu fær en enn og aftur er Genevieve að verja frábærlega í marki Grindavík/Njarðvík.

Helena Errington fer full auðveldlega í gegnum vörn Grindavík/Njarðvík og kemur góðu skoti á markið sem Genevieve ver virkilega vel. FH heldur boltanum og fær horn sem kemur ekki mikið út úr.

Deja með skalla á mark eftir horn en Genevieve er með þetta á lás.

FH bombar boltanum fram eftir horn á fáliðaða vörn Grindavík/Njarðvík og Thelma Lóa keyrir inn á teig og á hörku skot sem Genevieve ver frábærlega!

FH heldur pressunni áfram og vilja hendi þegar skot frá þeim fer í varnarmann Grindavík/Njarðvík.

Grindavík/Njarðvík með flotta pressu og vinna hornspyrnu.

Það er meiri kraftur í FH þessa stundina þó svo að Grindavík/Njarðvík eru hættulegar á breikinu.

FH sækja hratt og Ída Marín fellur í teignum eftir frábæran sprett þegar hún er að koma sér í skotið en Stefán Ragnar dómari gefur strax merki um að halda áfram og ekkert.

Hefði alveg verið hægt að benda á punktinn þarna held ég.

Niu er laumað í gegn og á skot sem Genevieve ver en flaggið fór á loft.

Andrea Ran með flotta hornspyrnu og sýndist það vera Mackenzie sem átti hörku skalla rétt framhjá.

Helena Errington að komast í ákjósanlegt færi en Natasha nær að vera fyrir og kemur þessu í horn.

Berglind Freyja með fyrirgjöf sem verður að hálfgerðu skoti en Genevive grípur það.

Þetta er farið af stað. FH sem eiga upphafssparkið.

Við fengum Ástu Eir Árnadóttur, fyrrum fyrirliða Breiðabliks, til að spá í leikina sem eru framundan. Hennar konur sitja á toppnum með fullt hús stiga ásamt ÍBV þegar tveir leikir eru búnir.



FH 4 - 2 Grindavík/Njarðvík
Ef FH ætlar að vera í toppbaráttu þá verða þær að vinna þennan leik, það er bara þannig. Þetta verður opinn og skemmtilegur leikur. Grindavík/Njarðvík halda áfram að vera the entertainers en örlítið reynsluleysi verður þeim að falli í leiknum og leikurinn endar með 4-2 sigri FH. Systurnar skora sitthvort markið og Berglind Freyja setur tvö fyrir FH. Lily Farkas og Natasha skora fyrir Gri/Nja.

Tímabilið hefur ekki byrjað jafn vel og vonir stóðu til hjá FH á þessu tímabili. Þær eru enn í leit af fyrsta sigrinum eftir að hafa gert jafntefli í fyrsta leik gegn Þór/KA 1-1, tapaði FH í síðustu umferð gegn Þrótti R. 2-1.

FH vonast til að rétta úr kútnum sem allra fyrst og horfa væntanlega í slaginn gegn nýliðunum í kvöld sem kjörið tækifæri á sækja sinn fyrsta sigur í deildinni.

Grindavík/Njarðvík unnu frábæran sigur gegn Þór/KA í síðustu umferð þar sem Emma Fanndal skoraði sigurmark liðsins alveg í blálokin og tryggði þeim fyrsta sigurinn í sumar 2-1. Erin Flurey hafði komið Þór/KA yfir og Natasha Anasi Erlingsson jafnaði leikinn áður en umrætt sigurmark Emmu Fanndal kom á 96.mín leiksins.

Grindavík/Njarðvík vonast til þess að byggja ofan á þann sigur hér í kvöld.

Stefán Ragnar Guðlaugsson fær það verkefni að munda flautuna í kvöld en honum til aðstoðar verða Jón Reynir Reynisson og Heimir Árni Erlendsson.
Breki Sigurðsson er þá fjórði dómari.

Verið hjartanlega velkomin í þessa þráðbeinu textalýsingu frá leik FH og Grindavík/Njarðvík sem fram fer á Kaplakrikavelli í 3. umferð Bestu deild kvenna.