Eyjakonur vinna sinn þriðja leik í röð og eru með fullt hús stiga eftir þrjár umferðir.

Þetta hefði svo sem getað dottið báðu megin en ÍBV dró lengsta stráið!

Eyrún Vala með skot fyrir utan teig en það er laust og engin hærra.

+3 í uppbótartíma.

Allison Lowrey vinnur aukaspyrnu ofarlega á vellinum.

Olga með frábæran sprett sem endar á því að hún tekur skotið inn á teignum en Tinna Brá ver frá henni.

Arnfríður Auður með frábæra sendingu úr aukaspyrnu nálægt miðlínunni inn á teiginn en það er bara engin úr Val sem ræðst á boltann þannig að boltinn fer bara í gegnum allan pakkann.

Ótrúlegt að engin skildi ná að stýra þessu á markið! og þá sérstaklega Málfríður sem átti hlaupið á nær og virðist sendingin ætluð henni!!

Arnfríður með skotið fyrir utan teig en skelfilegt skot sem endaði í fótunum á vinstri bakverði ÍBV.

Margrét Brynja fær boltann inn á teig ÍBV og tekur skotið en það er í þægilegri fyrir Arden sem grípur boltann.

Sóley með fyrirgjöf frá vinstri og boltinn berst til Arnfríðar se, nær skotinu en Arden sér við henni.

Margrét Brynja kemur boltanum á Sonju sem á slakt skot í ákjósanlegu færi. Boltinn lekur nánast bara til Arden.

Eyjakonur eru sækja í veðrið og fá sína fjórðu hornspynu á stuttum tíma.

Sonja Björg kemur boltanum á Margrét Brynju sem kemur sér inn á teig ÍBV en skotið er beint á Arden.

Vikotija með hornspyrnuna fyrir ÍBV og eftir klafs berst boltinn á Eddu Dögg sem á virkilega fínt skot og Tinna Brá þarf að hafa sig alla við að verja boltann.

Clark með fyrirgjöf en Valskonur setja boltann aftur fyrir.

Arnfríður tók aukaspyrnu svolítið fyrir utan teig og hún reynir skotið en það er engin hætta og Arden grípur boltann.

Olga tók spyrnuna en Valskonur ná að koma boltanum í burtu.

Allison Clark vinnur aukaspyrnu á fínum stað við endalínuna hægra megin.

Lowrey reynir að lauma boltanum inn á Clark en sendingin of löng.

Allison Clark gerir vel úti hægra megin og nær að koma með fyrirgjöf. Allison Lowrey nær ekki til boltans og Valskonur ná að bægja hættunni frá.

Margrét Brynja keyrir inn á teig ÍBV og reynir að koma sér í skotfæri en Eyjakonur loka vel á hana.

Valskonur eru að koma af krafti inn í seinni hálfleikinn.

Ágústa með skot úr þröngu færi en Arden ver frá henni.

Clark með fína tilraun. Fær sendingu inn á teiginn og nær að snúa með boltann og nær skotinu en það er auðvelt fyrir Tinnu.

Allison Lowrey með gott upphlaup upp hægri kantinn. Hún stingur boltanum inn fyrir á nöfnu sínu en Valkonur koma boltanum í innkast.

Þetta er farið í gagn aftur.

Vonandi verður seinni hálfleikur líflegri en sá fyrri!

Mjög hægur leikur beggja liða í fyrri hálfleik. Mikið fram og til baka og lítið um færi og líklega sanngjarnt að það sé 1-1 í hálfleik.

Olga reynir skot fyrir utan teig en það er dapurt og fer beint í hendurnar á Tinnu Brá.

Löng sending fram frá Bryndísi, ætlaða Nadíu en Arden er fyrst á boltann.

Olga með aukaspyrnu fyrir ÍBV, aukaspyrnan er stutt og eftir klafs dettur boltinn fyrir Eddu Dögg sem nær skotinu en það er frekar laust og auðvelt fyrir Tinnu Brá.

Langt innkast hjá Valskonum. Ágústa reynir að flikka boltanum áfram en þar er bara engin rauð treyja inn á teig ÍBV.

Arnfríður Auður tók hornspyrnuna fyrir Val og hún fór alla leið á fjær. Þar kom skalli fyrir en Eyjakonur náðu að koma boltanum í burtu.

Fyrirgjöf frá Sóleyju frá vinstri en Kristín Klara kemur boltanum í horn.

Bryndís með fína sendingu inn á teig ÍBV þar er Nadía sem reynir að setja boltann innan fótar í nær en rétt fram hjá.

Lítið að frétta þessa stundina. Boltinn fer fram og til baka.

ÍBV fær hornspynu. Engin hætta og Valskonur koma boltanum í innkast.

Kom góð fyrirgjöf frá vinstri eftir innkast alla leið á fjær þar sem Arnfríður lúrir en skotið hennar er ekki nægilega gott og Arden handsamar boltann.

Allison Lowrey með tilraun að marki vals með skalla en skallinn laus og engin hætta. Tinna Brá grípur boltann.

Helga kemur með sendingu inn á teig ÍBV ætlaða Ágústu en sendingin aðeins of löng.

Ágústa með fínustu tilraun og reynir að senda Arnfríði í gegn en Arnfriður fattar ekki að taka sénsinn og boltinn aftur fyrir.

Margrét Brynja með flottan sprett og kemst upp að endalínu og reynir fyrirgjöf en Avery kemur sér fyrir boltann og setur aftur fyrir.

Clark með fyrirgjöf en hún er slök og fer aftur fyrir markið.

Bæði lið að reyna að fóta sig en boltinn berst bara fram og til baka.

Valur fær aukaspyrnu. Allison Clark brýtur á Arnfríði.

Þetta er farið af stað.

Ágústa María sparkar okkur í gang!

Ásta Eir Árnadóttir, fyrrum fyrirliði Breiðabliks, er spámaður umferðarinnar.

Valur 0 - 2 ÍBV
Áhugaverðasti leikur umferðarinnar. ÍBV hefur skorar mest í deildinni, og þær halda því áfram. Varnarlína Vals mun ströggla við sterka sóknarmenn ÍBV. Leikurinn endar 0-2 fyrir ÍBV. Olga skorar og leggur svo upp á vinkonu sína Allison Lowrey.

Upphaflega átti leikurinn að hefjast klukkan 18:00 en leiknum var flýtt um 90 mínútur og hefst nú 16:30.

Heilir og sælir lesendur góðir og velkomin í beina textalýsingu frá viðureign Vals og ÍBV í þriðju umferð Bestu deildar kvenna.