SKÝRSLAN: Loksins nær Fram að skora
Hvað réði úrslitum?
Fram var betri en þær voru samt í erfiðleikum að nýta færin sín. ÍA fékk ekki mikið af almennilegum færum. Þær fengu eitt dauðafæri í stöðunni 0-0 og rétt fyrir fyrsta mark Framara. Spurning hvernig leikurinn hefði farið ef ÍA hefði skorað þarna.
Bestu leikmenn
1. Katrín S. Vilhjálmsdóttir
Mikill kraftur og orka, hún var líka alltaf hættuleg í dag. ÍA átti erfitt með hana þegar hún keyrði á vörn ÍA.
2. Una Rós Unnarsdóttir
Mjög góð innkoma af bekknum með mark og stoðsendingu.
Atvikið
Erfitt að velja eitt atvik en kannski er atvikið þegar Una Rós kemur af bekknum og kemur með mark og stoðsendingu.
Hvað þýða úrslitin?
Fram er komið í 8-liða úrslit Mjólkurbikarsins en ÍA fer heim og dottin úr keppni.
Vondur dagur
Michaela Easter átti ekki góðan dag. Þegar þú færð mark beint úr hornspyrnu þá áttu automatic vondan dag. Hefði átt að gera betur líka í seinna markinu en gat lítið gert í fyrsta markinu.
Dómarinn - 5
Hefði viljað sjá fleir spjöld í dag, þetta var skrýtin lína. Var spjaldaglaður eftir 70 min en ekki fyrir það.