Stjarnan vinnur þriggja marka sigur og fer áfram í 8-liða úrslitin!

Ingibjörg með flotta sendingu inn á Hrefnu sem reynir skot/fyrirgjöf sem fer yfir mark heimakvenna.

Birgitta Rún kemur sér í mjög gott færi en nær ekki að hitta markið. Þór/KA að leita.

Atgangur inn á teig Stjörnunnar en heimakonur ná ekki að koma almennilegri tilraun að marki gestanna.

Bridgette þarf aðhlynningu og leikurinn er stopp á meðan hún fær hana. Stjörnukonur nýta stoppið til að fá sér vatnssopa. Gæti reyndar verið Hleðsla í brúsunum.

Ingibjörg reynir að finna Snædísi í gegn en Harpa í markinu er á tánum og er fyrst á boltann.

Birgitta Rún í boltanum og hún á tilraun hægra megin úr teig Stjörnunnar sem endar í höndum Bridgette.

Bríet Jóhannsdóttir fær boltann vinstra megin inn á teig Stjörnunnar, reynir skot með vinstri en það fer framhjá nærstönginni. Mjög fínt færi.

Stjarnan á aukaspyrnu á vallarhelmingi heimakvenna, Andrea Mist tekur spyrnuna og boltinn er fínn en Telma rétt missir af honum.

Hörkuskot að marki Þórs/KA frá Andreu sýnist mér, skot fyrir utan teig. Harpa skutlar sér og ver boltann vel til hliðar.

Birgitta Rún gerir frábærlega úti hægra megin, kemst inn á teiginn, sendir boltann út í teiginn þar sem Bríet Fjóla er í dauðafæri. Hún á skot sem Bridgette gerir mjög vel í að verja. Skotið hefði mátt vera betra en varslan er mjög góð.

Fanney Lísa á sprettinum og kemst í fyrirgjöf en boltinn fer í síðuna á Snædísi inn á teig Þórs/KA og flaggið fer svo á loft.

Þór/KA fær horn. Stjarnan hreinsar í burtu.

Karen Hulda með flottan varnarleik eftir gott spil Stjörnunnar úti hægra megin.

Margrét með fasta fyrirgjöf sem Erika gerir vel að komast fyrir. Hildur Anna á svo þrumuskot en það fer í Telmu.

Karen María reynir skot fyrir utan teig en það fer vel yfir mark Stjörnunnar.

Engar sjáanlegar breytingar á liðunum.

Mark á frábærum tíma fyrir heimakonur. Þetta var fyrsta alvöru færið hjá Þór/KA sem hefur þó átt nokkuð margar tilraunir.

Léleg sending til baka og Stjarnan fær gefins horn, Harpa reynir að bjarga þessu en nær því ekki. Agnes skallar fyrirgjöf Andreu í burtu.

Þokkaleg mæting.

Fínasta spil hjá Stjörnunni, ná að tengja nokkrar sendingar, flott samspil milli Snædísar og Andreu en ekkert varð svo sem úr sókninni.

Karen Hulda með fína hreinsun úr vítateig Þórs/KA. Stjarnan heldur áfram að sækja en Bríet Fjóla nær svo boltanum og drepur sókn gestanna.

Bríet Fjóla með skottilraun fyrir utan teig sem Bridgette ver þægilega.

Aðeins of margar sendingar hjá Þór/KA sem eru of fastar eða er miðað of langt fyrir framan samherja.

Bridgette þarf að slá boltann úr markteignum eftir hornið en í kjölfarið er svo Birgitta dæmd rangstæð.

Andrea Mist með flottan bolta á nærsvæðið sem Eva Marie Wirtz kemst í en hún skallar yfir. Þór/KA sækir svo hinu megin og fær horn.

Smá bras aftast hjá Stjörnunni en Bridgette nær að leysa úr þessu og Stjarnan vinnur svo horn hinu megin.

Þór/KA fær horn. Boltinn á nærsvæðið og hreinsað aftur fyrir, annað horn. Fínar spyrnur frá Hildi en Stjarnan nær að hreinsa.

Harpa Angela - Agnes - Karen Hulda - Bríet J Karen María - Hildur Birgitta - Margrét - Bríet Fjóla Amalía

Bridgette Þóra - Telma - Jakobína - Eva Erika Andrea - Hulda Hrund Fanney - Snædís - Úlfa

Hættulegasta sókn heimakvenna til þessa Bríet Fjóla Bjarnadóttir nálægt því að sleppa í gegn en Telma Steindórsdóttir vinnur vel til baka. Amalía á svo skot sem fer í Jakobínu.

Angela með flotta fyrirgjöf inn á teig Stjörnunnar en Telma er fyrst á boltann og skallar í burtu. Næsti bolti endar svo í höndum Bridgette.

Angela með bjartsýnistilraun sem fer yfir mark gestanna.

Hildur Anna með tilraun fyrir utan teig sem Bridgette handsamar.

Núna reyndi Karen María skot fyrir utan teig Stjörnunnar en Bridgette var ekki í vandræðum með að verja það.

Bríet Fjóla með skot í kjölfar hornspyrnu sem Bridgette í marki Stjörnunnar ver.

Sýnist bæði lið vera í nokkuð flæðandi 4-4-2. Stjarnan kannski meira í 4-5-1 með Andreu og Huldu duglegar að vinna í kringum Snædísi. Systurnar Margrét og Amalía fremstar hjá heimakonum.

Jakobína Hjörvarsdóttir með skottilraun en boltinn framhjá nærstönginni. Fínasta tilraun úr aukaspyrnunni.

Stjarnan fær strax aukaspyrnu, brotið á Snædísi nálægt vítateig Þórs/KA.

Snædís María Jörundsdóttir sparkar þessu af stað.

Það er alskýjað á Akureyri en það er 8-9°C sem er fínasta fótboltaveður. Það er smá gola sem hefur vonandi ekki mikil áhrif á leikinn.

Frá leiknum gegn FH í deildinni gerir Óskar Smári Haraldsson, þjálfari Stjörnunnar, tvær breytingar. Ingibjörg Lúcía Ragnarsdóttir tekur sér sæti á bekknum en Birna Jóhannsdóttir er ekki með. Inn í liðið koma þær Hulda Hrund Arnarsdóttir og Erika Ýr Björnsdóttir. Margrét Lea Gísladóttir kemur þá inn á bekkinn.

Það vantar þrjá öfluga pósta í lið heimakvenna í dag. Arna Sif Ásgrímsdóttir er fjarri góð gamni og Erin Fleury er áfram frá. Hulda Björg Hannesdóttir verður þá ekki meira með eftir að hafa slitið liðband í hné. Frá deildarleiknum gegn ÍBV eru fimm breytingar. Harpa Jóhannsdóttir stendur vaktina í markinu og þær Angela Mary Helgadóttir, Karen Hulda Hrafnsdóttir, Hildur Anna Birgisdóttir og Bríet Fjóla Bjarnadóttir koma líka inn. Allesandra Augur, Elísa Bríet, María Dögg og Hulda Ósk taka sér sæti á bekknum. Margrét Árnadóttir ber fyrirliðabandið.

View this post on Instagram

A post shared by Þór/KA (@thorkastelpur)

Sveinn Arnarsson er með flautuna í dag og honum til aðstoðar verða þau Aðalsteinn Tryggvason og Leyla Ósk Jónsdóttir. Björn Benedikt Benediktsson er fjórði dómari og Bragi Bergmann er eftirlitsmaður. Sveinn dæmir

Góðan daginn lesendur góðir og veriði velkomnir í beina textalýsingu frá leik Þórs/KA og Stjörnunnar í 16-liða úrslitum Mjólkurbikars kvenna. Leikurinn hefst klukkan 18:00 og fer fram á VÍS-vellinum í Þorpinu á Akureyri. Bæði lið spila í Bestu-deildinni og er þetta fyrsta umferðin í bikarnum þar sem lið í efstu deild taka þátt.