Víkingar komast áfram en þetta var torsóttur sigur. Keflvíkingar eiga mikið hrós skilið fyrir frammistöðu sína lengst af í leiknum. Viðtöl og skýrsla koma síðar í kvöld.

Boltinn fer í gegnum teiginn hjá Víkingum og svo kemur Brynja Arnarsdóttir á ferðinni og á þvílíkt skot sem endar í slánni! Boltinn fer svo í Arielu og fram hjá. Þarna skall hurð nærri hælum hjá Víkingum.

Helena Ósk sendir Bergþóru Sól í gegn og hún á sendingu út í teiginn á Helenu sem kemur á ferðinni og á skot rétt fram hjá markinu.

Seinni hálfleikur framlengingar er farinn af stað.

Fyrri hálfleik framlengingar er lokið. Það er ekki mikil orka í Keflvíkingum þessa stundina. Eiga leikmenn á bekknum og munu gera skiptingar núna.

Freyja aftur komin í frábært færi en aftur sér Anna við henni. Vel gert hjá þessum efnilega markverði.

Freyja Stefánsdóttir er að sleppa í gegn og er komin í dauðafæri til að koma Víkingum yfir, en Anna kemur út á móti og ver frábærlega.

Ariela vinnur boltann hátt á vellinum og á skot sem fer fram hjá markinu. Saga hennar í dag.

Jasmín með tilraun á markið en Anna ekki í miklum vandræðum með þetta.

Ariela Lewis í algjöru dauðafæri til að koma Keflavík yfir. Fær boltann alein á fjærstönginni, tekur við honum en setur hann langt fram hjá. Hún hefur verið langhættulegasti leikmaður Keflavíkur en hefur gengið herfilega að klára færin sín.

Framlengingin er hafin.

Víkingar verið meira með boltann en ekki skapað nein færi þannig séð. Anna í marki Keflavíkur hefur ekki haft mikið að gera. Keflavík hefur sótt í sig veðrið sóknarlega í seinni hálfleiknum en þær eru búnar að vera skipulagðar og flottar varnarlega allan leikinn.

Keflavík skallar hornspyrnuna frá og það er heldur betur skyndisóknarfæri fyrir þær, en ekki nógu mikill kraftur.

Víkingar með hættulegan bolta inn á teiginn sem Mia setur aftur fyrir í hornspyrnu.

Ariela Lewis að skapa usla enn eina ferðina! Á fastan bolta sem Grace slær beint út í teiginn en Víkingar ná svo að koma sér fyrir skotið sem kemur á markið.

Elísa Birta reynir skot en það fer yfir markið. Ekki sátt með sjálfa sig þarna.

Þarna hélt ég að Bergdís væri að skora! Kemur skoppandi bolti inn á teiginn og hún rekur hausinn í hann, en hann fer rétt fram hjá markinu.

Fimm mínútur eftir af venjulegum leiktíma. Fáum við mark í þetta?

Það kemur ekkert út úr hornspyrnunni.

Helena Ósk með skot sem fer af Anítu Lind og aftur fyrir. Hornspyrna sem gestirnir eiga.

Keflvíkingar hafa ekki enn gert skiptingu. Spurning hvort það sé ekki komin alveg ágætlega mikil þreyta í þeirra lið.

Hættuleg sókn hjá Víkingum, finna Jasmín í gegn og hún reynir sendingu fyrir markið en Anna í marki Keflavíkur gerir mjög vel og handsamar boltann.

Keflvíkingar fá horn! Gestirnir koma boltanum frá.

Grace með slaka sendingu beint á Anitu Bergrán. Hún kemur boltanum á Arielu sem finnur Evu Dís og hún á gott skot sem Grace á í miklu basli með en nær að blaka yfir markið. Þetta var fín tilraun þar sem Grace er svo sannarlega ekki sú hávaxnasta.

Á hinum enda vallarins eru Víkingar komnar í gott færi en flaggið fer á loft.

Ariela með geggjaða hreyfingu og stórgóða sendingu inn á teiginn, en heimakonur ekki nógu agressívar í teignum og Víkingar ná að koma boltanum frá.

Anita Bergrán með skot sem fer beint í magann á Áslaugu Dóru. Hún fann alveg vel fyrir þessu.

Ariela með bolta inn á teiginn sem Grace á í vandræðum með, hún missir hann frá sér en Víkingar ná að bjarga sér fyrir horn.

Áslaug Dóra með huggulegan bolta inn á teiginn en Jasmín nær ekki alveg að taka á móti honum.

Á hinum enda vallarins er Ariela á harðaspretti og er bara komin í ágætt færi, en skot hennar hittir ekki á markið. Það er mikill kraftur í Arielu og hún er langhættulegasti leikmaður Keflavíkur, en það vantar aðeins upp á að klára færin hjá henni.

Víkingar skora en markið er dæmt af vegna rangstöðu. Sá ekki alveg nægilega vel hvort að um réttan dóm hafi verið að ræða. Jasmín Erla fljót að koma sér í mixið.

Jájá, Einar hristir upp í þessu. Þrír mjög fínir leikmenn komnir inn á.

Einar Guðna hlýtur að fara að hrista upp í þessu. Hann er með öfluga leikmenn á bekknum.

Margrét Viktoría með bolta fyrir markið, en Grace nær að grípa hann og er fljót að koma honum aftur í leik.

Ariela með skot rétt fyrir utan teig sem fer yfir markið. Keflvíkingar eru bara líklegri þessa stundina, meiri kraftur í þeim.

Það kemur góður bolti inn á teiginn, en Víkingar ná að hreinsa frá.

Nú fær Keflavík sitt fyrsta horn. Ná þær að gera eitthvað úr þessu?

Það er að færast meira líf í þetta. Elísa Birta reynir að hlaupa Salóme Kristínu af sér, en það gengur ekkert. Salóme og Aníta Lind búnar að vera með sóknarmenn Víkinga í vasanum.

Emma Steinsen að komast í fínt færi en Anna gerir vel í að koma út á móti og loka. Sókn Víkinga heldur áfram og boltinn kemur inn á teiginn þar sem Emma er aftur mætt, en hún setur boltann í hliðarnetið.

Ariela Lewis vinnur boltann af sofandi varnarmönnum Víkings og er komin í dauðafæri til að koma Keflvíkingum yfir en skot hennar fer vel fram hjá markinu. Þarna vantaði heldur betur upp á afgreiðsluna!

Seinni hálfleikur er farinn af stað. Núna sækir Keflavík í átt að rennibrautinni í Vatnaveröld.

Mjög tíðindalítið hér í Keflavík og staðan enn markalaus. Vonandi fáum við betri seinni hálfleik og einhver mörk.

Ariela með góðan bolta út til vinstri á Anitu en hún er rangstæð. Víkingsliðið heppið.

Víkingar með hættulegan bolta inn á teiginn sem Anna á í smá basli með, en hún grípur hann í annarri tilraun.

Heimakonur reyna að þræða Arielu í gegn en Anika vel á tánum og er á undan í boltann.

Elísa Birta fær boltann í kringum teiginn en kemst ekki fram hjá Keflavíkurmúrnum sem er búinn að myndast.

Það eru komin mörk á öllum völlum í Mjólkurbikar kvenna í kvöld, nema hér...

Víkingar eiga enn eina hornspyrnuna og þessi er sú besta til þessa. Áslaug Dóra kemst í boltann í teignum en nær ekki nægilega góðu skoti.

Ariela Lewis gerir frábærlega. Fær boltann vinstra megin og sendir hann fyrir á Hildu Rún sem kemur á ferðinni, en hún hittir boltann ekki nægilega vel. Líklega bara besta færi leiksins til þessa og það eru heimakonur sem eiga það!

Aníta Lind kemur boltanum í burtu eftir hornið.

Elísa Birta allt í einu komin í ágætis stöðu en Salóme Kristín verst mjög vel. Svo er einhver misskilningur á milli Önnu og Miu, og Víkingur fær hornspyrnu.

Heimakonur væntanlega bara mjög sáttar með fyrri hálfleikinn til þessa þó þær séu ekki búnar að skapa neitt. Eru búnar að vera mjög vel skipulagðar og Víkingum gengur illa að búa til marktækifæri.

Hættulegasta tækifæri Víkinga til þessa en það var samt sem áður ekki mjög gott tækifæri. Birta Birgis fær sendingu út í teiginn og reynir skot en það fer beint í varnarmann Keflavíkur.

Keflavíkurliðið aðeins komið framar á völlinn og Víkingur vinnur boltann. Þær reyna að sækja hratt en sóknin ber engan árangur.

Víkingar með aðra hornspyrnu og nú skapast smá darraðadans inn á teignum en Keflvíkingar ná að verjast vel. Svo er leikurinn stoppaður þar sem leikmaður Keflavíkur liggur í teignum.

Birta Birgisdóttir með sendinguna inn á teiginn úr aukaspyrnunni en hún fer yfir allan pakkann og aftur fyrir markið.

Víkingar taka hornspyrnuna stutt og svo kemur bolti fyrir sem Salóme Kristín skallar í burtu. Gestirnir fá svo stuttu síðar aukaspyrnu vinstra megin við vítateiginn. Núna kemur sending inn á teiginn...

Fyrsta hornspyrna leiksins. Víkingur fær hana.

Jóhanna Elín reynir sendingu í gegn frá vinstri en Anna í marki Keflavíkur er vel á verði og kemur út á móti boltanum.

Jóhanna Elín með fyrirgjöf sem endar í hliðarnetinu. Vindurinn ekki að gera leikmönnum auðvelt fyrir.

Víkingar eru að stjórna ferðinni en þetta er býsna rólegt enn sem komið er. Keflavík er að verjast þétt og ætla að halda skipulagi.

Elizabeth (m) Emma - Áslaug Dóra - Anika Jóna - Kristín Erla Birta - Arna Ísold Camilly - Dagný Rún - Elísa Birta - Jóhanna Elín

Anna (m) Alyssa - Mia - Salóme Kristín - Aníta Lind - Margrét Viktoría Hilda Rún - Aldís Tinna - Anita Bergrán Ariela - Eva Dís

Þá förum við af stað! Víkingur byrjar með boltann og byrjar að sækja í átt að glæsilegu rennibrautinni í Vatnaveröld.

Hreinn Magnússon er með flautuna í kvöld. Honum til aðstoðar eru Kristófer Bergmann og Daníel Örn Arnarson.

Keflavíkurnætur með Rúna Júll í fullum gangi þegar stutt er í leik. Klikkar ekki.

Það er grátt yfir í Keflavík og búið að vera mikill vindur hér í Reykjanesbæ í allan dag. Það er svo sem ekkert nýtt. Völlurinn lítur bara þokkalega út hér frá fjölmiðlastúkunni.

Bæði lið tefla fram byrjunarliðum með meðalaldur upp á 21 ár.

41. Elizabeth Grace McClellan (m) 3. Áslaug Dóra Sigurbjörnsdóttir (f) 5. Emma Steinsen Jónsdóttir 7. Dagný Rún Pétursdóttir 8. Birta Birgisdóttir 13. Camilly Kristal Silva Da Rocha 16. Jóhanna Elín Halldórsdóttir 18. Kristín Erla Ó Johnson 23. Elísa Birta Káradóttir 34. Anika Jóna Jónsdóttir 35. Arna Ísold Stefánsdóttir Nokkrar breytingar hjá Víkingum frá síðasta deildarleik. Þar á meðal kemur Elísa Birta Káradóttir inn í byrjunarliðið en hún kom frá HK í vetur. Spennandi leikmaður þar á ferðinni.

1. Anna Arnarsdóttir (m) 8. Anita Bergrán Eyjólfsdóttir 10. Mia Angelique Ramirez 11. Alyssa Yana Daily 14. Eva Dís Sighvatsdóttir 17. Margrét Viktoría Harðardóttir 18. Hilda Rún Hafsteinsdóttir 22. Salóme Kristín Róbertsdóttir 24. Anita Lind Daníelsdóttir (f) 27. Aldís Tinna Traustadóttir 34. Ariela Lewis Margir efnilegir leikmenn í þessu liði en þar á meðal eru Eva Dís Sighvatsdóttir, 15 ára, og hin 14 ára gamla Margrét Viktoría Harðardóttir.

Keflavík spilar í Lengjudeildinni, næst efstu deild, og hefur farið ágætlega af stað í sumar. Þær byrjuðu á 2-8 sigri gegn Tindastóli en fylgdu því svo eftir með 2-0 tapi gegn Haukum sem hafa unnið báða leiki sína. Auk þess hefur Keflavík unnið tvo leiki í Mjólkurbikarnum, gegn KR og KÞ. Víkingur spilar í Bestu deildinni og eru þar með sex stig eftir tvo leiki. Þær unnu sigur gegn Fram í síðustu umferð og byrjuðu tímabilið á sigri gegn Stjörnunni. Þær hafa tapað gegn ÍBV og Breiðabliki.

Það er erfitt að gleyma því þegar Víkingur varð bikarmeistari fyrir þremur árum síðan eftir 2-1 sigur á Breiðabliki í úrslitaleik á Laugardalsvelli. Víkingur var þá að spila í Lengjudeildinni en fór samt alla leið í bikarnum.

Þetta er fyrsti leikur Víkinga í Mjólkurbikarnum þetta árið en þriðji leikurinn hjá Keflavík sem er á heimavelli í kvöld. Keflavík byrjaði á því að leggja KR að velli, 2-1. Svo unnu þær KÞ mjög þægilega 3-8 í Laugardalnum þar sem Ariela Lewis fór á kostum. Ariela var í kjölfarið valinn leikmaður umferðarinnar í Mjólkurbikar kvenna.

View this post on Instagram

A post shared by Víkingur Fótbolti (@vikingurfc)

View this post on Instagram

A post shared by Knattspyrnudeild Keflavi?kur (@keflavikfc)

Í dag hefjast 16-liða úrslitin í Mjólkurbikar kvenna en þetta eru leikirnir á þessu stigi keppninnar: föstudagur 15. maí 17:00 Valur-Grindavík/Njarðvík (N1-völlurinn Hlíðarenda) 18:00 Þór/KA-Stjarnan (VÍS völlurinn) 18:00 Keflavík-Víkingur R. (HS Orku völlurinn) 18:00 Fram-ÍA (Lambhagavöllurinn) 18:00 Selfoss-FH (JÁVERK-völlurinn) laugardagur 16. maí 13:00 Tindastóll-ÍBV (Sauðárkróksvöllur) 13:00 Fylkir-FHL (tekk VÖLLURINN) 15:00 Þróttur R.-Breiðablik (AVIS völlurinn)

Verið velkomnir kæru lesendur í beina textalýsingu frá leik Keflavíkur og Víkings í 16-liða úrslitum Mjólkurbikars kvenna. Hér munum við fylgjast með gangi mála í leiknum.