Fótbolti.net

Í BEINNI

Besta karla

Lengjudeild karla

Besta karla

Keflavík

Stjarnan

Guðmundur Aðalsteinn Ásgeirsson @gummi_aa

Muhamed Alghoul '41 1-0

17.05.2026 - 17:30
HS Orku völlurinn
Besta karla
Aðstæður: Sól og talsverður vindur
Dómari: Gunnar Freyr Róbertsson

Byrjunarlið:

- Meðalaldur 25 ár

Varamenn:

- Meðalaldur 25 ár

Liðsstjórn:

Gul spjöld:

Axel Ingi Jóhannesson ('28)

Rauð spjöld:

Endurhlaða

46. mín

Seinni hálfleikur er hafinn Núna sækir Stjarnan í átt að rennibrautinni í Vatnaveröld.

Eyða Breyta

45. mín

Inn:Bjarki Hauksson (Stjarnan) Út:Örvar Eggertsson (Stjarnan)

Tvöföld breyting hjá Stjörnunni í hálfleik.

Eyða Breyta

45. mín

Inn:Haukur Örn Brink (Stjarnan) Út:Emil Atlason (Stjarnan)

Tvöföld breyting hjá Stjörnunni í hálfleik.

Eyða Breyta

45. mín

Tölfræðin úr fyrri hálfleiknum xG: Keflavík 0,77 - 1,29 Stjarnan
Skot: Keflavík 7 - 7 Stjarnan
Skot á markið: Keflavík 5 - 1 Stjarnan
Snertingar í teig andstæðings: Keflavík 17 - 13 Stjarnan
Með bolta: Keflavík 45,2% - 54,8% Stjarnan

Mjög athyglisverð tölfræði þar sem mér finnst Keflavík hafa verið sterkari aðilinn og hættulegri.

Eyða Breyta

45. mín

Hálfleikur

Búið að flauta til hálfleiks. Að mínu mati sanngjörn staða. Keflavík byrjaði mun betur og fékk fullt af færum, svo átti Stjarnan fínan kafla en Keflavík endaði hálfleikinn betur og leiðir að honum loknum.

Mynd: Fótbolti.net - Hafliði Breiðfjörð

Eyða Breyta

45. mín

Jæja, hann er kominn í vesti aftur. Sýnist þetta vera Haukur Brink.

Eyða Breyta

44. mín

Stjarnan er að undirbúa skiptingu rétt fyrir leikhlé. Mjög spes að eyða stoppi þegar svona stutt er í hálfleik.

Eyða Breyta

41. mín

MARK!

Muhamed Alghoul (Keflavík)

FYRSTA MARKIÐ ER KOMIÐ!!! Slakt skot sem Árni Snær átti að verja.

Keflavík hefur verið að hóta þessu síðustu mínútur og loksins er ísinn brotinn.

Löng sókn Keflavíkur. Þorlákur Breki fær boltann út hægra megin og leggur hann bara þægilega út í teiginn á Alghoul sem á slakt skot, en það endar í markinu. Árni Snær leit skelfilega út þarna sem og varnarmenn Stjörnunnar.

Mynd: Fótbolti.net - Hafliði Breiðfjörð

Eyða Breyta

41. mín

Breki Baxter með hættulega fyrirgjöf en Gummi Kristjáns er fyrstur á boltann.

Eyða Breyta

40. mín

Aftur er það Alghoul sem reynir, núna með þrumuskot fyrir utan teig sem fer þó vel fram hjá markinu.

Eyða Breyta

36. mín

Alghoul með skot að marki sem Árni Snær ver frekar auðveldlega.

Eyða Breyta

35. mín

Örvar og Birnir búnir að skipta um kant, Örvar kominn út hægra megin og Birnir vinstra megin.

Eyða Breyta

Er kominn tími á pizzu? Nú er stutt í hálfleik og fullkominn tími til að panta pizzu til að njóta með seinni hálfleiknum! Kíktu á Dominos.is

Eyða

30. mín

Bjargað á línu! Stjörnumenn eru að sækja í sig veðrið! Guðmundur Baldvin tekur aukaspyrnu inn á teiginn og boltinn fer af Andra Rúnari og stefnir í markið, en Nacho Heras er mættur til að bjarga á línu!

Mynd: Fótbolti.net - Hafliði Breiðfjörð

Eyða Breyta

28. mín

Gult spjald: Axel Ingi Jóhannesson (Keflavík)

Fyrsta gula spjald leiksins.

Eyða Breyta

25. mín

Þessi endaði bara í sjónum Örvar Eggerts reynir skot fyrir utan teig en það fer langt yfir markið, aldrei séns.

Eyða Breyta

24. mín

Örvar Logi með boltann fyrir markið en Axel Ingi er réttur maður á réttum stað og kemur honum frá.

Eyða Breyta

19. mín

Birnir! Stjarnan vinnur boltann hátt á vellinum og í kjölfarið fær Birnir Snær helvíti fínt færi, en setur boltann fram hjá. Skotvinkillinn kannski smá þröngur þarna.

Eyða Breyta

18. mín

Keflavík líklegri Keflavík hefur sankað að sér 0,38 í xG á þessum fyrstu mínútum leiksins á meðan Stjarnan er með 0,01.

Miðað við færin finnst mér xG-ið hæglega getað verið meira hjá heimamönnum.

Mynd: Fótbolti.net - Hafliði Breiðfjörð

Eyða Breyta

14. mín

Hvernig er Ljubicic ekki búinn að skora? Fær hér annað skotfæri við teiginn, nær góðum krafti í skotið en það er beint á Árna Snæ sem ver boltann út í teiginn. Keflvíkingar þó ekki alveg nógu grimmir.

Ljubicic á að vera búinn að skora tvö, ef ekki þrjú mörk hérna.

Mynd: Fótbolti.net - Hafliði Breiðfjörð

Eyða Breyta

12. mín

Ljubicic! Keflvíkingar með boltann inn á teiginn og hann fellur í teignum fyrir Stefan Ljubicic sem er í mjög fínu færi en skot hans fer í varnarmann!

Eyða Breyta

10. mín

Daníel Finns með háloftabolta inn á teiginn sem Ásgeir Orri grípur þægilega.

Eyða Breyta

8. mín

Bekkurinn hjá Stjörnunni er mjög ungur í dag, meðalaldurinn 19 ár. Þar er meðal annars einn 15 ára og einn 14 ára gamall leikmaður. Á meðan er varamannabekkurinn hjá Keflavík talsvert eldri.

Eyða Breyta

6. mín

Athyglisvert að Birnir Snær er með nýtt númer á bakinu í dag, er númer 14 en er búinn að vera númer 11 hingað til í sumar.

Mynd: Fótbolti.net - Hafliði Breiðfjörð

Eyða Breyta

5. mín

Stjörnumenn mega prísa sig sæla að vera ekki búnir að fá á sig mark hérna.

Eyða Breyta

5. mín

Aftur er Keflavík að komast í gott færi. Dagur Ingi fær boltann við vítateiginn eftir klaufagang hjá Stjörnumönnum en nær ekki að koma skoti á markið.

Eyða Breyta

3. mín

DAUÐAFÆRI! Hérna fá heimamenn dauðafæri! Vel spilað hjá Keflvíkingum, finna Dag Inga á bak við vörnina og hann leggur hann út í teiginn á Stefan Ljubicic sem er í stórkostlegu færi en skotið hans er skelfilegt og beint á Árna Snæ.

Keflvíkingar eru að byrja þetta mjög vel og þarna áttu þeir að komast yfir.

Mynd: Fótbolti.net - Hafliði Breiðfjörð

Eyða Breyta

3. mín

Mynd: Guðmundur Aðalsteinn Ásgeirsson

Eyða Breyta

2. mín

Svona er Keflavík að stilla upp

Mynd: Guðmundur Aðalsteinn Ásgeirsson

Eyða Breyta

1. mín

Keflvíkingar byrja þetta strax af krafti og Eiður Orri er næstum því kominn í gott skotfæri en leikmaður Stjörnunnar er á undan honum í boltann.

Eyða Breyta

1. mín

Leikur hafinn

Eyða Breyta

Fyrir leik

Liðin eru að ganga hér til leiks.

Eyða Breyta

Fyrir leik

Það er alveg ágætis stemning hér í Keflavík. Hamborgarakeimurinn umlykur svæðið þegar stutt er í upphafsflaut.

Eyða Breyta

Fyrir leik

Sunny Kef Sunny Kef á vel við hér í dag, það er sól en það er líka talsverður vindur sem gæti gert liðunum erfitt fyrir. Grasið lítur bara nokkuð vel út, allavega miðað við hvernig það var um daginn.

Mynd: Fótbolti.net - Hafliði Breiðfjörð

Eyða Breyta

Keflvíkingar á grasi eru gjörsamlega eitraðir, Keflavík yfir 1,5 mark á stuðlinum 2,04 á Epic gegn slakri vörn Stjörnunnar að mínu mati er gott veðmál.
— Kristalkúlan (@kristalkulan) May 17, 2026

Eyða Breyta

Fyrir leik

Gunnar Freyr með flautuna Gunnar Freyr Róbertsson er með flautuna hér í dag. Honum til aðstoðar eru Eðvarð Þór Eðvarsson og Jovan Subic. Fjórði dómari er Guðmundur Páll Friðbertsson og eftirlitsmaður er Oddur Helgi Guðmundsson.

Mynd: Fótbolti.net - Hafliði Breiðfjörð

Eyða Breyta

Fyrir leik

Baxter mætir gömlu félögunum Þorlákur Breki Baxter hefur komið mjög sterkur inn í lið Keflavíkur í upphafi tímabilsins en hann gekk í raðir félagsins frá Stjörnunni fyrir tímabilið. Hann fékk ekki mörg tækifæri í Garðabænum og ætlar væntanlega að sýna sig og sanna hér í kvöld.

Mynd: Fótbolti.net - Hafliði Breiðfjörð

Eyða Breyta

Fyrir leik

Samkomulag? Það er spurning hvort Keflavík og Stjarnan hafi gert eitthvða samkomulag þegar Alpha Conteh fór yfir til Keflavíkur um að Keflvíkingar mættu nota hann fyrir einhverja upphæð. Keflvíkingar gerðu það til að mynda með Davíð Helga Aronsson sem kom á láni frá Víkingum.

Mynd: Fótbolti.net - Hafliði Breiðfjörð

Eyða Breyta

Fyrir leik

Byrjunarlið Stjörnunnar 12. Árni Snær Ólafsson (m)
5. Guðmundur Kristjánsson (f)
6. Sindri Þór Ingimarsson
7. Örvar Eggertsson
8. Jóhann Árni Gunnarsson
14. Birnir Snær Ingason
18. Guðmundur Baldvin Nökkvason
19. Daníel Finns Matthíasson
22. Emil Atlason
32. Örvar Logi Örvarsson
99. Andri Rúnar Bjarnason

Hjá Stjörnunni byrja bæði Emil Atlason og Andri Rúnar Bjarnason og munu varnarmenn Keflavíkur hafa nóg að gera með þá tvo.

Mynd: Fótbolti.net - Hafliði Breiðfjörð

Eyða Breyta

Fyrir leik

Byrjunarlið Keflavíkur 1. Ásgeir Orri Magnússon (m)
3. Axel Ingi Jóhannesson
4. Nacho Heras (f)
5. Davíð Helgi Aronsson
7. Dagur Ingi Valsson
8. Þorlákur Breki Þ. Baxter
10. Stefan Ljubicic
11. Muhamed Alghoul
20. Marin Brigic
22. Ásgeir Páll Magnússon
23. Eiður Orri Ragnarsson

Það er ein breyting á milli leikja hjá Keflavík. Alpha Conteh er á láni hjá Keflavík frá Stjörnunni og má ekki spila þennan leik. Dagur Ingi Valsson kemur inn í hans stað.

Mynd: Fótbolti.net - Hafliði Breiðfjörð

Eyða Breyta

Fyrir leik

Kári Sigfússon spáir í spilin Kári Sigfússon, leikmaður Fylkis, er spámaður umferðarinnar á Fótbolta.net. Hann er kannski ekki hlutlaus þegar kemur að þessum leik þar sem hann er fyrrum leikmaður Keflavíkur og átti stóran þátt í því að liðið komst upp á síðasta tímabili.

Keflavík 1 - 0 Stjarnan
Iðnaðarsigur á grasinu hjá mínum mönnum, ég er ekki frá því að Halli Gumm fái sér einn bauk eftir leik.

Mynd: Fótbolti.net - Hafliði Breiðfjörð

Eyða Breyta

Fyrir leik

Gefur það Stjörnunni byr undir báða vængi? Stjarnan vann sterkan sigur gegn KR í Mjólkurbikarnum á dögunum, 2-1, þar sem Jökull Elísabetarson, þjálfari liðsins, keypti sér smá andrúm. Það er spurning hvort sá sigur gefi Stjörnumönnum byr undir báða vængi.

Mynd: Fótbolti.net - Haukur Gunnarsson

Eyða Breyta

Fyrir leik

Pressa á Stjörnunni Stjarnan er sæti neðar en Keflavík, í áttunda sæti með sex stig. Stjarnan byrjaði á tveimur sigrum en hafa svo tapað fjórum deildarleikjum í röð sem er í raun óásættanlegt fyrir Garðbæinga. Það er búið að leggja mikið í lið Stjörnunnar og var krafa gerð fyrir mót að þetta lið færi í titilbaráttu. Þeir eru núna hins vegar 13 stigum frá toppnum þegar mótið er rétt byrjað.

Mynd: Fótbolti.net - Haukur Gunnarsson

Eyða Breyta

Fyrir leik

Keflavík komið skemmtilega á óvart Keflavík hefur komið skemmtilega á óvart í upphafi tímabilsins og er með sjö stig eftir sex leiki. Það voru allir að spá þeim falli fyrir tímabilið en miðað við þessa byrjun eru önnur lið líklegri. Frammistaðan hefur verið flott hjá Keflvíkingum og unnu þeir til að mynda mjög svo sanngjarnan 1-3 sigur gegn ÍA í síðustu umferð.

Mynd: Fótbolti.net - Hafliði Breiðfjörð

Eyða Breyta

Fyrir leik

Heil umferð í dag Það er heil umferð í Bestu deildinni í dag. Við byrjuðum í Vestmannaeyjum þar sem Víkingar sóttu sigur. Svo eru þetta hinir leikirnir:

sunnudagur 17. maí
16:00 Þór-ÍA (VÍS völlurinn)
17:00 FH-KA (Kaplakrikavöllur)
17:30 Keflavík-Stjarnan (HS Orku völlurinn)
18:15 Valur-Breiðablik (N1-völlurinn Hlíðarenda)
18:15 KR-Fram (Meistaravellir)

Eyða Breyta

Fyrir leik

Góðan daginn! Og verið velkomnir kæru lesendur í beina textalýsingu frá leik Keflavíkur og Stjörnunnar í Bestu deild karla. Hér munum við fylgjast með gangi mála á HS Orku vellinum en flautað verður til leiks klukkan 17:30.