SKÝRSLAN: Martraðaleikur Ívars Arnar
Hvað réði úrslitum?
Blikar komust í 2-1 frekar seint í leiknum en kasta leiknum mjög klaufalega frá sér. Mér fannst þeir aðeins of opnir í lokin og svolítið soft. Valsmenn keyrðu á þá í restina og náðu að lemja boltann tvisvar í markið.
Bestu leikmenn
1. Lúkas Logi Heimisson (Valur)
Lagði upp fyrstu tvö mörk Vals með frábærum sendingum og sérstaklega í fyrsta marki leiksins þegar hann kemur með fyrirgjöf á Adam Ægi. Frábær leikmaður sem átti stórleik í kvöld.
2. Aron Bjarnason (Breiðablik)
Þetta er coinflip milli hans og Ágústar Orra fyrir mig. Aron leggur upp eitt og skorar eitt, ekkert smá flott mark í lokin og góð stoðsending líka í marki Ágústar.
Atvikið
Klárlega flautumarkið undir restina. Blikar fá horn en Tryggvi Hrafn keyrir upp völlinn og nær í hornspyrnu fyrir Val sem skora úr henni. Það ætlaði allt um koll að keyra eftir það.
Hvað þýða úrslitin?
Fyrsta tap Blika í deildinni er staðreynd en Valsmenn jafna þá á stigum og sitja í 5. sæti á markatölu, Blikar með ívið betri markatölu.
Vondur dagur
Ívar Örn skoraði sjálfsmarkið í blálokin sem réði úrslitum þessa leiks og leit ekki vel út í hinum mörkum Vals fannst mér. Ekki góður dagur hjá Ívari í kvöld.
Dómarinn - 6
Heilt yfir vel dæmdur leikur en það voru nokkur stór atvik í leiknum sem hefði verið hægt að dæma víti eins og þegar Jakob Franz fær augljóslega boltann í hendina í vítateig Vals í seinni hálfleik og fleiri atvik. Fyrir utan það var hann vel dæmdur leikurinn.