HK-ingar komust lítt áleiðis í uppbótartímanum og sterkur sigur ÍR í jöfnum leik staðreynd.

Skýrsla og viðtöl síðar í kvöld

HK-ingar komust upp að endalínu og settu boltann út í teiginn á Radic sem átti skot beint á Vilhelm sem varði vel. Flaggið því næst á loft, boltinn líklega farið útaf.

Pétur ekki sáttur við þrýstinginn í boltanum og fær næsta bolta í leik

Vann boltann á miðjum vallarhelmingi HK, gefur á liðsfélaga og fær hann svo aftur. Á svo skot sem fer framhjá

Kom sér framhjá hverjum HK-ingnum á fætur öðrum og kemur sér í skotfæri sem Ólafur nær að skutla sér í og verja.

Atli Hrafn vinnur boltann nálægt D-boga ÍR-inga, kemur boltanum á Jóhann sem skýtur framhjá. Þarna hefði hann mátt setja boltann á rammann

Sigurður Karl í dauðafæri, vinnur boltann hátt á vellinum, ákvað að fara sjálfur og í skotið en boltinn sveif vel yfir mark HK. Þarna hefði hann hæglega getað tvöfaldað forustuna

Jóhann Þór fær boltann utarlega í vítateignum, missir boltann aðeins frá sér en það er greinilega togað í treyjuna hans og fellur hann við. Pétur dæmir ekkert og eru þeir alveg brjálaðir á bekknum. Pétur biður menn um að róa sig.

ÍR-ingar fá hornspyrnu, boltinn berst út í teiginn þar sem þeir eiga hörkuskot í slánna. Boltinn barst aftur í teiginn og eftir mikinn darraðadans hreinsuðu HK-ingar frá.

Þeir leika nú í átt að ÍR heimilinu, ÍR-ingar í átt að frjálsíþróttasvæðinu

Jafn og skemmtilegur leikur með mörgum færum á báða bóga.

Við tökum okkur korters pásu.

Við fáum að minnsta kosti eina mínútu í viðbót.

ÍR fær horn, sjáum hvort þeir geti nýtt sér það.
Stutta svarið við því er nei.

Boltinn berst lágt inn í teig eftir hornspyrnu á nærsvæðið, en leikmaður ÍR nær til boltans en skýtur rétt yfir.

Þetta var klárlega af æfingasvæðinu.

Þorvaldur Smári með þrumuskot eftir hornspyrnu HK. Boltinn var hreinsaður út en ekki lengra en til Þorvaldar sem hitti boltann vel en rétt framhjá fór hann.

ÍR-ingar þjarma að HK-ingum. Eiga ein þrjú skot í sömu sókninni sem HK-ingar henda sér fyrir. Boltinn endar aftur fyrir endamörk og ÍR fær hornspyrnu. Upp úr henni kemur fín fyrirgjöf sem er skölluð yfir.

ÍR-ingar líklegri þessa stundina

Hafa náð að halda pressu á vörn HK í um mínutu sem endar með skoti Tareq Shihab. Skotið þokkalega beint á Ólaf Örn sem gerði vel og varði boltann til hliðar.

Dominic Radic í þröngu færi, tekur fast skot sem endar í utanverðri nærstönginni.

ÍR-ingar vilja víti! Emil Nói á skot að marki og vilja ÍR-ingar meina að boltinn hafi farið í hönd leikmanns HK. Ómögulegt fyrir mig að segja hvort svo hafi verið.

Vinna boltann hátt á vellinum, eftir slaka sendingu úr vörn HK. Boltinn berst út til vinstri og kemur flottur bolti fyrir á Bergvin Fannar sem skallar boltann framhjá. Líklega besta færi ÍR það sem af er leik.

Fer af varnarmanni HK og Ólafur á ekki í vandræðum með grípa boltann.

Eftir að HK byrjaði betur hafa ÍR-ingar verið að ógna undanfarnar mínútur og vinna aðra hornspyrnu. HK skalla frá og eru skyndilega komnir fjórir á einn hinu megin á vellinum. Vilhelm gerir vel í að loka.

Telja að brotið hafi verið á Jóhanni Þór en Pétur dæmir ekkert. ÍR-ingar bruna í sókn og komast í álitlegt færi í kjölfarið og vinna hornspyrnu. Ekkert kom úr henni.

Aron Kristófer fær boltann úti á vinstri vængnum, reynir að koma honum fyrir en boltinn hreinsaður í horn. Atli Hrafn býr sig undir að taka spyrnuna.

Spyrnan arfaslök, nær ekki yfir fyrsta mann og er hreinsuð í burt.

Hún kom eftir 10 sekúndur eða svo. Fínasta fyrirgjafarstaða fyrir Emil Nóa.

Það eru ÍR-ingar sem hefja leik.

Liðin ganga inn á völlinn með Pétur dómara í broddi fylkingar. Stúkan er ekki beint þétt setin en ég trúi því að það rætist úr mætingunni á næstu mínútum.

Pétur Guðmundsson er með flautuna í dag. Honum til aðstoðar eru Arnþór Helgi Gíslason og Ásgeir Viktorsson. Dómaraeftirlitsmaður er Þórður Ingi Guðjónsson

Jóhann, þjálfari Ír, gerir þrjár breytingar á byrjunarliðinu úr síðasta leik. André Musa Solórzano Abed, Stefán Þór Pálsson, Guðjón Máni Magnússon fá sér sæti á bekknum og í þeirra stað koma Óliver Andri Einarsson, Tareq Shihab og Orri Bjarkason.

Gunnar Heiðar gerir tvær breytingar á liði HK. Þorsteinn Aron Antonsson og Magnús Arnar Pétursson detta út og í þeirra stað koma Haukur Leifur Eiríksson og Þorvaldur Smári Jónsson.

Ívar Orri Gissurason er í leikmannahóp HK í fyrsta sinn í sumar en hann er kominn til landsins frá Bandaríkjunum þar sem hann er í námi.

Baldvin spáir HK sigri í kvöld

ÍR 1 - 2 HK
Gunnars Heiðars army heldur áfram að sanna sig sem eitt öflugasta lið deildarinnar og vinnur í Mjóddinni, sem er alltaf erfitt með Sölva Haralds trylltan ofan á gámnum við varamannabekkina að rífa kjaft við dómarann og andstæðingana.

HK-ingar sitja í 2. sæti Lengjudeildarinnar með 9 stig. Í síðustu umferð sóttu þeir sterkan sigur gegn Njarðvík eftir tap gegn Vestra í hörkuleik í umferðinni á undan.

Fyrir leik eru ÍR-ingar með 4 stig í 8. sæti deildarinnar. Eftir góðan sigur í fyrstu umferð hafa komið tvö töp og eitt jafntefli.

Verið velkomin í þessa textalýsingu frá Þarfaþingsvellinum þar sem ÍR tekur á móti HK í 5. umferð Lengjudeildarinnar.


föstudagur 22. maí
19:15 ÍR-HK (Þarfaþingsvöllurinn)
19:15 Leiknir R.-Grindavík (Leiknisvöllur)
19:15 Afturelding-Þróttur R. (Malbikstöðin að Varmá)

laugardagur 23. maí
14:00 Njarðvík-Ægir (JBÓ völlurinn)
14:00 Grótta-Vestri (Vivaldivöllurinn)
14:00 Völsungur-Fylkir (GPG völlurinn)