Shkelzen Veseli á síðasta skot leiksins og í takt við leikinn fer það hátt yfir og Elías Ingi flautar leikinn svo af.

Tíðindarlítill leikur og liðin skipta stigunum á milli sín.

Leiknismenn fá hornspyrnu.

Leiknismenn eru að reyna finna sigurmarkið en Grindvíkingar virðast vera að halda þetta út.

Get ekki sagt að það sé mikið sem bendir til þess að við fáum sigurmark í þennan leik en það fer hver að verða síðastur að skella á sig skikkjunni og vera hetjan í kvöld.

Dagur Ingi með hörkuskot sem Blakala ver.

Rafael Victor reynir að gera þetta sjálfur í stað þess að nota hlaupin hjá liðsfélögunum og á skot sem er arfaslakt og beint í hendurnar á Ólafi Íshólm.

Daði Bærings með tilraun sem fer rétt framhjá markinu!

Boltinn dettur fyrir fætur Rafael Victor eftir fyrirgjöf frá hægri en Leiknismenn ná að koma boltanum burt áður en Rafael Victor áttaði sig á því að boltinn væri dottinn fyrir framan sig.

Shkelzen Veseli fær boltann í D-boganum og reynir skot sem fer hátt yfir markið.

Rúnar Ingi snýr á Arnór Val og er í þröngu færi inni á teig út við endalínu og reynir skot sem Ólafur Íshóm ver vel.

Grindvíkingar með fyrirgjöf sem fer afturfyrir.

Shkelzen Veseli tekur aukaspyrnu beint í vegginn.

Leiknismenn búnir að þrýsta Grindvíkingum vel niður þessa stundina.

Leiknismenn að þyngja pressuna en vörn Grindavíkur heldur. Kári Steinn með tilraun í varnarmann og gestirnir halda.

Leiknismenn sækja og Arnór Valur sýndist mer það vera er í kjöraðstæðum til að koma fyrsta marki leiksins á blað en skotið er bara alls ekki gott og beint á Blakala.

Grindvíkingar mun líflegri í seinni hálfleiknum en þeir voru í fyrri.

Christian Bjarni í dauðafæri en boltinn framhjá markinu! Hvort boltinn hafi verið farin útaf fyrir sendinguna fyrir markið skal ósagt látið en þessi hefði alveg mátt fara allavega á markið.

Anton Fannar brýtur klaufalega á Inga Þór virðist vera en sleppur með það.

Leiknismenn sparka okkur af stað aftur en smá tafir urðu á byrjun seinni þar sem það þurfti að laga netið í markinu öðru meginn.

Vonandi fáum við meiri skemmtun, færi og mörk í þennan seinni hálfleik.

Frekar tíðindarlítill fyrri hálfleikur að baki.

Fáum vonandi meiri skemmtun í seinni hálfleik.

Tökum okkur stutta pásu og snúum svo aftur í vonandi alvöru samba.

+1

Grindvíkingar sækja hratt eftir horn hjá Leiknismönnum og Gunnleifur Orri á tilraun sem lekur framhjá markinu.

Shkelzen Veseli reynir að komast í skotfæri en skotið er hátt yfir.

Lítið að frétta hérna í Breiðholti þessa stundina.

Leiknismenn eru að komast í fullt af flottum stöðum en vantar bara að breyta þessu í færi eða klára með skoti.

Arnór Valur reynir skot en það er framhjá.

Djorde Vladisavljevic hendir sér í tæklingu á Rafael Victor og er í raun heppinn að fá ekki spjald.

Grindvíkingar með tækifæri á að sækja hratt en missa boltann útaf.

Leiknismenn með fyrirgjöf fyrir markið en hún fer í gegnum allan pakkann.

Axel Freyr með tilraun framhjá markinu.

Birnir Breki fær fyrsta færi leiksins en Robert Blakala sér vel við honum.

Leiknismenn eru að halda vel í boltann en eiga þó enn eftir að skapa sér færi.

Kraftur í Leiknismönnum hér í upphafi.

Mikael Máni tekur aukaspyrnu á miðjum velli og reynir að lyfta boltanum inn á teig en of innarlega og beint í hendurnar á Ólafi Íshólm.

Grindvíkingar sparka þessum leik af stað.

Ég fór að grúska í innbyrðis viðureignir milli þessara liða, en nýja KSÍ síðan segir manni að þessi lið mættust fyrst 2001, en ég er nú ekki alveg viss um það þó ég sé af nýja skólanum. En vonandi fara fleiri sögulegar upplýsingar að birtast á þessari blessaðri síðu.

En allaveganna! Samkvæmt KSÍ hafa þessi lið mæst 18 sinnum, Leiknir aðeins sigrað einn, Grindavík sigrað 11 og 7 sinnum skilið jöfn.

Fyrsti leikur á að hafa verið 13. júní 2001 í gamla Coca-Cola bikarnum, en þar fór Grindavík með sigur af býtum á Leiknisvelli 1-4. Mark Leiknis skoraði Róbert Arnarson en mörk Grindavíkur skoruðu Paul McShane, Sinisa Kekic, Grétar Ólafur Hjartarson og Óli Stefán Flóventsson. Í þeim leik spilaði einmitt núverandi þjálfari Grindavíkur, Ray Anthony Jónsson.

Sigur Leiknis í þessum viðureignum kom á því herrans ári 2014, nánar tiltekið 10. maí, en þar sigraði Leiknir 1-0 með marki frá Sindra Björnssyni.

Stærsti sigrar Grindavíkur hafa verið með fjögurra marka mun, þ.á.m. leikur í fyrra sem fór 2-6 á Leiknisvelli og 4-0 árið 2016 í Grinda´vik

Grindavík situr einu sæti ofar en Leiknir í 6. sæti og eru með 6 stig eftir fjórar umferðir.

Þeir hafa náð einum sigri, gegn Völsungi, en gert þrjú jafntefli, þau hafa verið gegn Vestra, nágrönnunum í Njarðvík og ÍR.

Þeir komust í 16 liða úrslit í Mjólkurbikarnum þetta árið, en þeir sigruðu Elliða í 2. umferð 0-2, sigruðu Keflavík í 32. liða úrslitum í vítaspyrnukeppni, en töpuðu síðan fyrir rétt rúmri viku síðan gegn ÍA einnig í vítaspyrnukeppni.

Í seinustu umferð fengu þeir Völsung í heimsókn, en Grindavík sigraði þann leik 3-1, með mörkum frá Haraldi Björgvin Eysteinssyni, Heiðari Snæ Ragnarssyni og Rafael Victori.

Leiknir situr í 7. sæti Lengjudeildarinnar með 5 stig eftir fjórar umferðir.

Þeir hafa sigrað Gróttu á útivelli, gert 1-1 jafntefli við Völsung og Þrótt og tapað svo gegn Aftureldingu.

Þeir hafa skorað 4 mörk í þessum fjórum leikjum, en Dagur Ingi Hammer er búinn að skora þrjú af þessum fjórum mörkum.

Í seinustu umferð mætti Leiknir Þrótti í Laugardalnum og náðu einu stigi þar.

Komið þið sæl og blessuð og veriði velkomin á beina textalýsingu frá Leiknisvelli þar sem Leiknir tekur á móti Grindavík í 5. umferð Lengjudeildarinnar!


föstudagur 22. maí
19:15 ÍR-HK (Þarfaþingsvöllurinn)
19:15 Leiknir R.-Grindavík (Leiknisvöllur)
19:15 Afturelding-Þróttur R. (Malbikstöðin að Varmá)

laugardagur 23. maí
14:00 Njarðvík-Ægir (JBÓ völlurinn)
14:00 Grótta-Vestri (Vivaldivöllurinn)
14:00 Völsungur-Fylkir (GPG völlurinn)