Ég þakka kærlega fyrir samfylgdina í dag! Stórsigur FH í dag!

Viðtöl og skýrsla koma á eftir!

Þremur bætt við

Ingibjörg er tekinn niður og enginn vafi um að þetta sé víti! Nia stígur! Ætlar hún að klára þrennuna?

Fram vill fá eitthvað fyrir sinn snúð, sé ekki hver fellur inn í teig en Framarar ekki sáttir við Ronnarong

Taylor fær boltann eftir að Aldís ver gott skot. Taylor skýtur boltann í fyrsta sem Aldís ver, nær frákastinu aftur og reynir aftur í fyrsta! Boltinn fer hins vegar af varnarmanni FH og í horn!

Ída hleypur upp hægri vænginn, leikur á Höllu, reynir síðan við skotið en Ashley fær þennan bolta beint á sig

Þær ná ekki að nýta sér þetta og Fram hreinsar. Aldís er kominn út úr teig FH og Katrín reynir skotið úr sínum eigin helming en boltinn fremur laus og FH vinnur hann til baka

Birna Kristín með lágt skot utan af teig sem fer rétt framhjá! FH-konur búnar að skjóta þremur skotum utan af teig núna á 3 mínútum!

FH búið að vera dominerandi í seinni hálfleik eins og er! Á meðan ég skrifa þetta reynir Deja Jaylyn með svakalegt skot fyrir utan teig sem Ashley ver í horn!

Fram sparkar seinni af stað!

Skemmtilegur fyrri hálfleikur að baki!

Tökum okkur korter!

Una sendir lágan bolta inn, endar á Hörpu en Ronnarong fer fyrir boltann og stoppar sókn Fram

Andrea Rán þrumar boltanum í teig en boltinn fer yfir allan mannskapinn og endar í innkasti

Fín sókn hjá FH! Ingibjörg leikur á Katrínu S., reynir boltann inn, Fram hreinsar en Anna nær frákastinu. Krossar inn en Fram hreinsar aftur. En FH að sýna yfirburði seinustu 3 mínútur

Lítið að gerast eftir hornspyrnuna

Spila þetta stutt, smá einn tveir, renna boltanum yfir á Helenu sem reynir skot utan af teig sem Ashley nær að verja í annað horn!

FH-konur ná hins vegar ekki að nýta sér þetta horn

Fram nr að hreinsa boltanum langt í burtu, FH nær ekki að nýta þetta

Dauðafæri fyrir FH, eru með boltann vinstra megin við teiginn, ná sendingunni inn á Helenu og boltinn rúllar hægt og rólega eftir skot hennar sem endar í markspyrnu

Sýnist það vera Taylor sem á skot, fínn undirbúningur í þessari sókn en skotið aðeins of laust og beint á Aldísi í marki FH

Lítið að gerast fyrstu mínúturnar, Fram hefur verið í vallarhelmingi FH seinustu mínútu eða svo en ekki náð að skapa sér almennilegt færi

Það er FH sem sparkar þessu af stað! Góða skemmtun!

FH-stelpur munu spila í splunkunýjum treyjum, sem eru til styrktar Einstakra Barna! Virkilega vel heppnuð treyja hjá FH!

Inn fyrir FH koma Helena Maree Errington og Berglind Freyja Hlynsdóttir.

Anton Ingi gerir engar breytingar á sínu liði frá leik Fram gegn Þór/KA

Þjálfarinn Arnar Páll setti fram spá fyrir 7. umferð og hafði þetta að segja um leikinn í dag!

FH 4 - 1 Fram (14:00 á morgun)
Ætla að spá jafnari leik út á velli en maður ætti að búast við. Fram mun skapa færi en býst ekki við að þær nái að nýta þau öll til að fá eitthvað útur þessu. FH fylgir eftir frábærum sigri og tekur þetta 4-1, sá sem dekkar Ingibjörgu í þessum vill gleyma þessum leik sem fyrst.

Dómari leiksins er Ronnarong Wongmahadthai, en aðstoðadómarar eru Tomasz Piotr Zietal, Heimir Árni Erlendsson og Óliver Thanh Tung Vú.

Eftirlitsmaður er Þorsteinn Ólafs

Ef maður grúskar í þessi lið og þeirra innbyrðis viðureignir er margt hægt að sjá!

Þessi lið hafa mæst 24 sinnum í gegnum tíðina samkvæmt KSÍ, en FH hefur sigrað 11 leiki, Fram sigrað 9 og liðin skilið jöfn fjórum sinnum.

Fyrsti leikur milli þessa liða fór fram 1972 í 1. deild kvenna, en sá leikur fór 0-0. En það gæti verið villandi þar sem á síðu KSÍ stendur að fyrstu 18 viðureignir þessa liða voru 0-0 jafntefli! Það getur ábyggilega ekki staðist! En einhver sem er fróðari en ég í þessum málum getur kannski upplýst mig um þetta!

Seinasti leikur milli beggja liða fór 3-1 fyrir FH, en fyrir FH skoruðu Maya Lauren Hansen og Thelma Karen Pálmadóttir, en mark Fram skoraði Murielle Tiernan!

Fram situr í 9. sæti með 4 stig eftir 6 umferðir, en Fram sigraði Þór/KA í seinustu umferð 3-2! Alda Ólafsdóttir innsiglaði sigurinn fyrir Fram með marki á 49. mínútu, en hún skoraði tvö mörk í þessum leik og var því valin í sterkasta lið umferðarinnar!

Lestu um leikinn!

Með sigri í dag og ef úrslit fara þeim í hag, geta Framstelpur komist upp í 7. sæti!

FH hefur farið vel af stað en liðið situr í 2. sæti með 13 stig, aðeins tveimur eftir Breiðablik! Ef Blikastelpur tapa gegn Grindavík/Njarðvík og FH sigrar þennan er FH komið í efsta sæti!

Seinasti leikur FH var einmitt gegn Breiðablik en sá leikur var æsispennandi, en þar fóru leikar 2-3 fyrir FH þar sem Ída Marín Hermannsdóttir skoraði úr vítaspyrnu til að innsigla sigurinn!

Lestu um leikinn!

Ingibjörg Magnúsdóttir var valin sterkust í 6. umferð, en hún hefur vakið mikla athygli og spurningin er hvort hún muni spila á Íslandi á næsta tímabili! Einnig voru þjáfarar FH, Guðni og Hlynur Eiríkssynir fyrir valinu sem þjálfarar umferðarinnar!

Góðan og margblessaðan daginn kæru lesendur og verið velkomin á þráðbeina textalýsingu frá Kaplakrikavelli þar sem FH tekur á móti Fram í 7. umferð Bestu Deildar kvenna!