SKÝRSLAN: Breki Þór sjóðheitur í sigri Vestra
Hvað réði úrslitum?
Seinni hálfleikurinn sem Vestri spiluðu var það sem réði úrslitum í dag. Fyrri hálfleikurinn var jafn og staðan var 1-1 í hálfleik. Í seinni hálfleik tóku Vestramenn alveg yfir leikinn og skorðuðu fjögur mörk og gengu frá Húsvíkingum.
Bestu leikmenn
1. Breki Þór Hermannsson
Auðvelt val, Breki átti stórkostlegan leik hér í dag, skoraði eitt mark og lagði upp þrjú og var allt í öllu í sóknarleik Vestra.
2. Gunnar Jónas Hauksson
Gunnar skorar tvö mörk og átti þátt í fimmta marki Vestra þar sem hann átti skotið sem Þórður Gunnar fylgdi eftir.
Atvikið
Mörkin sem Gunnar Jónas skorar á 65 og 67 mínútu kláruðu í raun leikinn og eftir það var auðvelt fyrir Vestra að sigla sigrinum heim.
Hvað þýða úrslitin?
Úrslitin þýða það að Vestri situr í 5. sæti eftir 8 .umferðir með 13 stig. Völsungur halda slæmu gengi sínu áfram og eru í 12 og síðasta sæti með tvö stig.
Vondur dagur
Indriði Ketilsson átti ekki sinn besta dag í dag, hann gaf fyrsta mark Vestra eftir mikinn klaufagang og var í vörn Völsungs í dag sem fékk á sig fimm mörk.
Dómarinn - 8
Ekkert út á Róbert og hans menn að setja, Róbert var með góð tök á leiknum og leysti þau mál sem komu upp virkilega vel. Spurning hvort að boltinn hafi verið inni þegar Arnar Pálmi bjargaði á línu en það var mjög erfitt að sjá.