SKÝRSLAN: Sterkur útisigur fyrir Selfoss
Hvað réði úrslitum?
Mér fannst fyrri hálfleikur frekar bragðdaufur. Nokkur færi hér og þar og síðan mark frá Frosta. En svo í seinni hálfleik fannst manni að Selfyssingar hefðu gert útaf við Fjölni þegar þeir bættu tveimur við. Síðan þegar Fjölnismenn minnka muninn fannst mér koma miklu meiri ákefð í lið Fjölnis og það blés lífi í þá.
Bestu leikmenn
1. Frosti Brynjólfsson
2 mörk hjá Frosta í dag sem sýndi frábæra takta.
2. Aron Lucas Vokes
Aron stóð sig frábærlega í dag á hægri kantinum fyrir Selfoss
Atvikið
Þessar nokkrar mínútur sem Fjölnismenn minnka muninn. Fyrra markið kom eiginlega úr engu og seinna markið 2 mínútum seinna með skalla. Frábærlega gert hjá Fjölni.
Hvað þýða úrslitin?
Fjölnismenn sitja í 6. sæti með 9 stig eftir sex umferðir. Ekki alveg byrjunin sem þeir vildu á þessu móti.
Selfoss situr í 3. sæti með 11 stig. Flott byrjun á mótinu hjá þeim í frekar jafnri deild.
Vondur dagur
Mér fannst enginn eiga einhvern slæman dag. Kannski hægt að setja út á vörn Fjölnis að leyfa þessum tveimur mörkum í seinni hálfleik.
Dómarinn - 7
Ásmundur flottur í dag og stóð sig mjög vel.