Haraldur Örn Haraldsson @haraldur_orn

- Meðalaldur 24 ár

- Meðalaldur 23 ár

Hvað réði úrslitum? Vítið sem Grótta fær á 73. mínútu var það eina sem réði úrslitunum. Leiknismenn pressuðu vel í leiknum og voru mikið með boltann í kringum teig Gróttumanna, en sköpuðu lítið sem ekkert. Gróttumenn reyndu að beita skyndisóknum en það var sama upp á tengnum þar, náðu lítið sem ekkert að skapa sér. Bestu leikmenn 1. Tristan Freyr Ingólfsson (Grótta) Var með Shkelzen Veseli í vasanum allan leikinn, svo kom hann með fyrirgjöfina sem breytti úrslitum leiksins. 2. Djorde Vladisavljevic (Leiknir) Var nálægt því að segja að eiginlega enginn var í tvistinum því það gerðist svo lítið í leiknum. Leiknismenn sem ég talaði við voru hins vegar ánægðir með Djorde og ég trúi því svo sem alveg. Var traustur í kvöld Atvikið Vítaspyrnudómurinn á 73. mínútu. Tristan kemur upp vinstri kantinn og fyrirgjöfin kemur frá honum inn í teig. Andri Freyr Jónasson er að hoppa upp í skallann þegar Eiríkur Örn kemur aftan að honum með hendurnar á undan sér í bakið á honum og hann fellur við. Mér finnst réttlætanlegt að dæma víti þarna, en skil Leiknismenn að vera pirraða því það er grátt svæði þarna. Það er Gróttu maður sem kemur bakvið Eirík og setur smá pressu á hann, en ég sé ekki að hann veldur því að Eiríkur ýtir í Andra.

Hvað þýða úrslitin? Grótta fer upp í 19 stig og eru núna með jafn mörg stig og Leiknismenn, en með verri markatölu og því er það Grótta í 8. sæti og Leiknir í 7. sæti. Vondur dagur Eiríkur Örn Beck fær bæði dæmt víti á sig og fær rautt spjald, það gerast ekki mikið verri dagar. Auk þess var Shkelzen Veseli alveg steingeldur í sóknarleik Leiknismanna, og Dagur Ingi Hammer gat ómögulega hitt á markið þegar hann komst í stöðu. Dómarinn - 9 Erfitt að sjá í endursýningum með rauða spjaldið, en Þórður er mjög vel staðsettur, og þegar ég sá þetta í fyrstu sýn frá blaðamanna stúkunni kom mér þetta á óvart en ég skildi að hann hefði dregið fram rauða. Vítið finnst mér réttlætanlegt, og því ætla ég ekki að segja að þetta hafi verið mistök, miðað við línuna sem Þórður hafði lagt, er kannski hægt að halda því fram að þetta hefði ekki átt að vera víti því hann hafði leyft töluverða hörku. En það eru greinilegar hendur í bakið á sóknarmanninum, og ekki greinilegt að leikmaður Gróttu ýti Eirík (þeim brotlega) í bakið á sóknarmanninum.

- Meðalaldur 22 ár

- Meðalaldur 24 ár