Afhroð Þórsara í seinni.

Skýrsla og viðtöl á leiðinni.

Lætur vaða en Viktor ver í markinu.

Robbi Hauks stingur Affi af, sendir þvert fyrir markið á Byström sem er aleinn og þarf bara að setja boltann í netið en setur hann framhjá!

Krossum fingur að það verði engin vandamál með færslurnar.

Það er kominn hálfleikur hérna!

Fram er komið í 2-0, sjáum hvort þessi færsla lifi.

Krissi Konn neglir henni bara í innkast hinumegin.

Það er kraftur í Þórsurum hérna í upphafi leiks.

Einar Freyr Halldórsson tekur spyrnuna en hún með vindinum afturfyrir markið.

Fúsi keyrir upp vinstra megin og sendir fyrir, boltinn er skallaður út á Bjarna Guðjón sem lætur vaða og Greko reynir að breyta stefnu boltans að markinu en setur hann framhjá.

Þórsarar eru að hóta, Sverrir keyrir upp hægra megin og lyftir boltanum fyrir markið þar sem vindurinn tekur hann aðeins og boltinn smellur í slánna.

Framarar koma hættunni svo frá.

Kristófer Kristjánsson með geggjaðan sprett inn á teiginn hægra megin og lyftir boltanum skemmtilega á fjær þar sem Fúsi er í baráttunni við Kennie en Fram kemur boltanum frá, ekki langt og þá keyrir Greko vinstra megin, hamrar að markinu og Viktor blakar boltanum yfir slánna og í horn.

Villi múr tók hornið og setti það bara upp í vindinn og afturfyrir.

Frábærlega spilað hjá Fram inn á teig Þórsara hægra megin þar sem Tibbling sker boltann út á vítapunktinn fyrir Frey sem hamrar yfir markið úr frábæru færi.

Þarna gat Freyr komið Fram yfir.

Bjarni Guðjón með eina bjartsýnistilraun af svona 40 metrum, en hittir ekki markið.

Boltinn dettur fyrir Fred fyrir framan teiginn sem fór á vinstri fótinn og lætur vaða en boltinn framhjá.

Fram byrjar með boltann og gefur bara beint á Aron Birki.

Það er frekar vindasamt hérna í Úlfarsárdalnum og blæs vindurinn á annað markið.

Það er engin snilldar mæting í stúkuna, sem kannski bæði er afleiðing þess að veðrið er ekki skemmtilegt og það er 12. júlí, þar sem fólk er líklega mikið til í burtu í sumarfríum, mögulega að elta veðrið fyrir austan.

Ég sé fólk í úlpum í stúkunni, 12. júlí! - Það segir allt sem segja þarf um þetta veðurfar sem landið okkar býður uppá...

Dömur mínar og herrar.
Þjálfarar Þórs í dag!

Fram gerir þrjár breytingar frá jafnteflinu gegn Keflavík, Krissi Konn, Halli Ásgríms og Simon Tibbling koma inn fyrir Robba Hauks, Má Ægis og Israel Garcia.
Eiginlega fjórar breytingar á Framliðinu þar sem Rúnar Kristins er kominn aftur eftir veikindi!

Engar breytingar á Þórsliðinu eftir ævintýralega jafnteflið gegn KR.

ÞÞÞ mundar flautuna í dag, einn minn uppáhalds dómari í þessari deild.
Egill Guðvarður og Eysteinn Hrafnkels halda um flöggin.
Elías Ingi sér um skiltið.
Viðar Helgason mun þá sitja með skrifblokkina í stúkunni.

Framarar eru á skriði, í toppbaráttu (ef slíkt má kalla með Víkinga lang efsta) og í hörku samkeppni við KR um annað sætið, það er smá bil svo niður í Blikana í fjórða sætinu svo það er smá Evrópubarátta í þessu.

Þórsarar hafa kroppað í einhver stig undanfarið, gerðu meðal annars jafntefli við KR í síðustu umferð, þeir hafa einungis unnið tvo leiki þó og var annar þeirra einmitt gegn Fram fyrir norðan, þar sem Aron Birkir átti stórleik og Haugland skoraði glæsilegt mark, Þórsarar eru þó á botninum með 8 stig líkt og FH en með langverstu markatöluna.

Og vertu velkominn í beina textalýsingu frá leik Fram og Þórs í Bestu deild karla.