Eftir mikla baráttu sigra Qarabag þetta einvígi 6-0. Vestramenn geta verið stoltir af sinni frammistöðu í þessu einvígi. Næsti leikur Vestra í Evrópukeppni er í Lettlandi eftir akkúrat viku gegn RFS í undankeppni Sambandsdeildarinnar.

Qarabag hafa náð ágætis stjórn á leiknum eftir áhlaup Vestra. Qarabag halda boltanum að mestu og hafa komist í fínar stöður inn á milli.

Vestra menn vinna boltann frábærlega og koma honum út á Duah hægra meginn sem er með fullt af plássi fyrir framan sig. Hann leggur hausinn undir sig og tekur af stað upp kantinn. Hann leggur svo boltann unn fyrir og bakvið varnarmenn Qarabag, beint í hlaupaleið Breka sem er einn gegn markmanni. Hann reynir að renna boltanum framhjá Kochalski, en hann sér við honum!

Gunnar Jónas vinnur boltann á miðjum vellinum og tekur sprettinn upp völlinn og á sendingu í gegn sem Breki er mjög nálægt því að komast í og skora.

Þórður Gunnar rennur tvívegis á grasinu og stendur síðan upp og tekur gull fallegan Zidane snúning og skilur eftir hálft lið Qarabag á hælunum.

Zakaria Sawo fær boltann í teig Vestra, leggur hann vel fyrir sig og skýtur í utanverða stöngina.

Vestri hafa verið að ógna síðustu mínútur. Birkir Eydal var hársbreidd frá því að detta einn í gegn og Gunnar Jónas átti skot yfir.

Guðmundur Páll á sendingu fyrir sem endar í frábæru skoti sem Mateusz Kochalski þarf að hafa sig allan við til að verja.

Duah gerir vel á kantinum og kemur sér í fyrirgjafarstöðu. Hann sendir flottan bolta fyrir á Breka sem flott skot sem Mateusz Kochalski ver.

Elmar Atli fyrirliði Vestra fer af velli og gefur hinum 17 ára Alberti Inga fyrirliðabandið.

Jaly Mouaddib spólar upp kantinn og sendir hættulegan bolta fyrir en Albert Ingi er mjög vel staðsettur hreinsar í horn.

Fyrstu hornspyrnu Vestra tekur Jacob Stensson. Spyrnan var ekki góð og fór ekki yfir fyrsta varnarmann Qarabag.

Vestramenn fá horn og því er fagnað eins og marki hjá stuðningsmönnum Vestra í stúkunni.

Jacob Stensson fer harkalega í Bence Várkonyi og fær tiltal frá tékkanum.

Qarabag byrjuðu mun betur og komust 2-0 yfir um miðjan hálfleik. Eftir það jafnaðist leikurinn aðeins en Qarabag betra liðið í þessum fyrri hálfleik.

Matheus Silva á fínan bolta fyrir mark Vestra á Zoubir sem á skalla sem fer af Alberti og yfir.

Vestra menn hafa fært sig ofar á völlinn síðustu mínútur. Þeir hafa komst í nokkar fínar stöður og eitt skot frá Marínó Steinari sem fór í varnarmann.

Sergine Fall kemst í ágætis stöðu á hægri kantinum og á fyrirgjöf sem fer af varnarmanni og í hendur Kochalski í marki Qarabag

Marko Jankovic á skot að marki Vestra sem Albert Ingi kemst fyrir. Boltinn skoppar af honum í slánna og yfir.

Vestri vinna boltan á miðjum vellinum og senda boltann hratt upp kantinn á Duah sem tekur sprett upp völlinn. Hann sendir bolta fyrir ætlaðan Elmari Atla en Qarabag verjast vel.

Leikurinn hefur að mestu farið fram á vallarhelming Vestra. Qarabag sækja mikið og reyna að finna opnanir á vörn Vestra.

Qarabag mikið upp hægri kantinn og ná að opna vörn Vestra og senda hættulegan bolta fyrir þar semAbdellah Zoubir á skot í varnarmann.

Birkir Eydal setur góða pressu á Mateusz Kochalski markmann Qarabag og fellur við. Eftir nánari skoðun virðist vera lítið í þessu.

Kady kemst in að teig Vestra og sendir bolta fyrir markið sem Edson kemst fyrir. Boltinn endar í hornspyrnu sem Qarabag taka stutt og á endanum dæmdir rangstæðir.

Bruno Langa sendir frábæra sendingu fyrir mark Vestra á Sawo sem á gott skot að marki sem Marvin ver vel.

Fyrsta skot leiksins kemur frá Matheus Silva og fer framhjá marki Vestra.

Qarabag byrja með boltann.

Liðin ganga inn á völlinn með Fjallabræður undir.

Daniel Badu, þjálfari Vestra, gerir sjö breytingar á liðinu sem byrjaði leikinn í Aserbaísjan. Þeir Marvin Darri, Elmar Atli, Edson og Sergine Fall halda sæti sínu.

Fimm leikmenn sem eru uppaldir í Vestra eru í byrjunarliðinu í dag. Það eru þeir Elmar Atli, Albert Ingi, Guðmundur Páll, Marinó Steinar og Birkir Eydal. Þeir Marinó Steinar og Albert Ingi eru fæddir 2009.

„Þegar maður hugsar til baka hefur maður fylgt liðinu lengi, Vestra, BÍ Bolungarvík og BÍ-88. Ég man eftir því að hafa farið í sólarhringsferðir til að elta liðið þegar það var í 3. deild og bróðir minn var þar að spila,“ segir Aron Guðmundsson, íþróttafréttamaður og stuðningsmaður Vestra.


„Að við skyldum eiga eftir að taka þátt í Evrópukeppni var ekki í mínum villtustu draumum. Mér datt ekki nokkurn tímann í hug að sjá mitt lið spila í Evrópukeppni. Að sjá Elmar Atla, Guðmund Andra, Þórð Gunnar og fleiri gutta sem maður sá alast upp hér fyrir vestan vera fulltrúa síns félags og sinnar heimabyggðar á erlendri grundu á svona stóru sviði er auðvitað frábært og æðislegt í alla staði. Þetta er í raun draumkennt.“

Viðtalið við Aron í heild sinni:

Fótbolti.net ræddi við Daniel Badu þjálfara Vestra og Elmar Atla Garðarsson fyrirliða Vestra eftir fyrri leikinn í einvíginu.

Það kom kannski engum á óvart að Vestri ógnuðu marki Qarabag lítið, sem er kannski eðlilegt, Qarabag er virkilega sterkt lið og hefur sýnt það marg oft í Evrópukeppnum UEFA. Lið Vestra náði ekki að sækja hratt á Qarabag eins og leikplanið var. Badu og Elmar töluðu báðir um hvað er hægt að bæta í viðtali við Fótbolta.net.

,,.Planið okkar var að refsa þeim þegar þeir misstu boltann en því miður fór það í öfuga átt í dag. Þegar við fengum sénsa til að sækja hratt, þá fannst mér við vera of stressaðir á boltann". Sagði Badu.

,,Það er alveg augljóst að við verðum að reyna að sækja aðeins meira og vera aðeins svalari á boltann til þess að eiga möguleika í þessu einvígi". Sagði Elmar Atli.

Marek Radina heitir maðurinn sem verður með flautuna í þessum leik en allt hans teymi kemur frá Tékklandi. Ekki má gleyma að það verður VAR á leiknum, eitthvað sem Vestra mennirnir okkar eru nú ekki mjög vanir.

Það þarf nú ekki að koma neinum á óvart að Qarabag sé miklu stærra félagslið, en fjárhagsmunurinn er sláandi. Hægt er að lesa um það nánar í greininni hér fyrir neðan.

Vestri tók ferðalagið til Aserbaísjan í síðustu viku þar sem þeir spiluðu fyrri leikinn gegn Qarabag. Sá leikur tapaðist 3-0, en það verður að gefa Vestra mönnum hrós fyrir þá frammistöðu. Þeir mættu þar margfalt stærra liði á erfiðum útivelli, eftir gríðarlega langt ferðalag. Vestramenn vörðust vel, og leyfðu Qarabag ekki að valta gjörsamlega yfir þá eins og margir hefðu búist við. Sigur í kvöld fyrir Vestra væri bara að gera betur en úti, tveggja marka tap þætti mér ásættanlegt, og frábært væri að skora á liðið.

Komið þið sæl og verið velkomin í beina textalýsingu frá fyrsta heimaleik Vestra í Evrópu. Leikurinn hefst klukkan 20:00 og verður spilaður á AVIS vellinum.