Haukar fara áfram í undanúrslit Mjólkurbikarsins. Sanngjarn sigur heimamanna í kvöld.

Skýrsla og viðtöl væntanleg seinna í kvöld.

Reynismenn að henda öllum fram og þá galopnast allt. Sigurður Hrannar í dauðafæri en Sindri Snær ver vel frá honum!

Þriðja hornið í röð hjá Reynismönnum fer framhjá öllum og aftur fyrir í markspyrnu.

Það er smá hiti að færast í leikinn. Menn öskrandi á hvort annað, enda lítið eftir og Haukarnir bara einu marki yfir. Allt getur enn gerst og Reynismenn fá horn.

Jón Arnar með frábæran bolta inn í teig frá hægri beint á Ólaf Darra sem á skot með sinni fyrstu snertingu í leiknum beint í slánna!

Góður bolti inn fyrir og í þetta skiptið er það Reynir Leó sem er í færinu. Hann er einn gegn markmanni og tekur skotið en Sindri ver mjög vel frá honum.

Reynir Leó með frábæran bolta inn fyrir vörn Reynismanna. Sigurður Hrannar þarf hins vegar að kasta sér á boltann til að ná skotinu en það gerir hann. Skotið þá reyndar bara beint á Sindra Snæ sem ver þetta í horn.

Brotið á Jóni Barðdal inn í teig, endar á hárréttri niðurstöðu.

Mér fannst þetta alveg pottþétt vera inn í teig. Enda skiptir hann um skoðun núna

Breki Freyr reynir skotið fyrir utan teigin, virkilega gott skot sem er að detta niður en bara ekki alveg nóg og hann endar ofan á þaknetinu!

Einar reynir skotið fyrir utan teig en það fer eiginleg beint á Sindra í markinu. Það er hins vegar fast og Sindri nær ekki að halda boltanum, og ver boltann út í teig þar sem Sigurður Hrannar lúrir og ætlar að gera það sama og Ævar gerði áðan en þá er Sigurður dæmdur rangstæður.

Ævar með fastan boltan fyrir frá hægri og Sigurður Hrannar nær skotinu í fyrsta. Þetta var hins vegar full villt skot og langt framhjá.

Gestirnir fá aukaspyrnu við vinstra vítateigs hornið.

Sindri Lars með skot fyrir utan teig, nýkomin inná. Fast en beint á Franz í markinu.

Tvær breytingar hjá gestunum í hálfleik

Hallur Húni með þrumuskot fyrir utan teig sem Sindri Snær ver vel og þá flautar Þorfinnur til hálfleiks. Leikurinn hefur spilast þannig að Haukarnir liggja í sókn mest allan tímann en Reynismenn eru þéttir og gefa lítið af opnum færum á sig. Gestirnir eru síðan hættulegir í þau örfáu skipti sem þeir komast yfir miðju, það er því allt enn opið.

Haukarnir spila sig vel í gegnum vörn Reynismanna og Markús Breki leggur boltann á Einar Karl sem tekur skotið en hann skrúfast fyrir markið.

Óliver Steinar kemur hlaupandi að lausum bolta fyrir utan teig og tekur mjög fast skot sem stefnir í fjærhornið. Sindri Snær er fljótur niður og nær hendi á boltanum. Mjög vel varið.

Boltinn er skoppandi milli manna inn í teig Reynismanna og enginn nær almennilegu valdi á honum. Ævar Daði tekur þá snúninginn og skotið í fyrsta en það fer rétt framhjá markinu.

Breki kemur upp vinstri kantinn og fer skemmtilega framhjá einum, áður en hann tekur skotið en í varnarmann og aftur fyrir.

Kári Vilberg með skotið fyrir utan teig eftir að Reynismenn hreinsuðu frá horni. Skotið hjá Kára frekar laust og beint á markið.

Sigurður Hrannar með skotið frá hægra horni teigsins. Þessi endaði svo bara í innkasti hinumegin.

Leikurinn spilast eiginlega alveg á vallarhelmingi gestanna en Reynismenn eru þéttir og eru ekki að hleypa Hauka mönnum í mikið af góðum færum.

Einar Karl töltir upp völlinn og enginn fer í hann. Hann gefur þá boltann bara inn í teig, frábær sending, og Sigurður Hrannar kastar sér í skotið. Boltinn skellur af stönginni og gestirnir ná svo til hans. Línuvörðurinn flaggar svo rangstæðu.

Góður bolti út á kant til Arnars sem keyrir inn á teiginn. Hann reynir að setja boltann fastan fyrir markið en Sigurður Hrannar rétt nær ekki til boltans og hann rúllar þá aftur fyrir.

Gestirnir vinna boltann ofarlega, og spila hraðan þríhyrning. Þá er Alex Þór allt í einu kominn einn gegn Franz í markinu og hann reynir að lauma boltanum framhjá honum en í leiðinni laumar honum rétt framhjá stönginni.

Spyrnan kemur inn á teiginn og Daníel Smári nær skallanum. Hann er fastur en rétt framhjá.

Einar Karl með skotið fyrir utan teig, fín tilraun en Sindri Snær sér við honum.

Góð pressa hjá Haukum og þeir vinna bltann ofarlega á vellinum. Ævar Daði leggur þá boltann út í teig fyrir Einar Karl sem tekur skotið en í varnarmann.

Haukar í stanslausri sókn hérna og aftur er það Arnar Númi sem fer framhjá mönnum og kemur sér í góða stöðu inn í teig en Sindri Snær í marki gestanna nær að koma út og loka á hann áður en hann nær skotinu.

Óliver Steinar tekur spyrnuna og lyftir boltanum á hættusvæðið milla markmannsins og sóknarmanna en enginn nær til boltans og hann skoppar bara aftur fyrir.

Haukar fá aukaspyrnu á stórhættilegum stað.

Valur Þór kominn aftur inn á eftir að hafa fengið smá aðhlynningu, ekki góð innkoma hingað til því hann tekur kolvitlaust innkast og Þorfinnur gerir það eina rétta og dæmir á það.

Flottur sprettur hjá Arnari Núma upp hægri kantinn. Fer framhjá einum og tekur svo skotið, í varnarmann, fer svo aftur af Arnari og gestirnir fá markspyrnu. Valur Þór liggur svo eftir inn í teig og þarf aðhlynningu, hann var fyrir þessu skoti hjá Arnari.

Þorfinnur flautar og við erum farin af stað! Reynismenn taka upphafssparkið en þeir sækja í átt að sundlauginni hér í fyrri hálfleik.

Seðill í Gatorade bikarnum sem ég er ágætlega confident á. pic.twitter.com/pbfCqOB2lK

— Kristalkúlan (@kristalkulan) August 4, 2026

Þorfinnur Gústaf Þorfinnsson verður með flautuna í þessum leik en honum til aðstoðar verða Ingólfur Kristinn Magnússon og Margeir Valur Sigurðsson.

Allir leikirnir eru sýndir í beinni útsendingu á Livey.

Reynismenn hófu leik í fyrstu umferð og hafa því farið í gegnum tvær umferðir.

26.05.26 Sindri 1-3 Reynir S.
08.07.26 KH 2-3 Reynir S.

Haukarnir hófu leik í síðustu umferð og fóru örugglega í gegn.

06.07.26 KFR 0-3 Haukar

Reynismenn eru í 3. sæti 3. deildarinnar. Þeir hafar verið skemmtikraftar þessara deildar í sumar þar sem þeir hafa skorað 44 mörk og fengið 31 á sig. Það gera 5 mörk að meðaltali í leikjum liðsins í sumar og því vonandi líkur á skemmtilegum leik í kvöld. Markahæsti leikmaður Reynismanna þekkir vel til á Hafnarfirði en Ástralinn, Jordan Smiley sem hefur skorað 12 mörk í 3. deildinni í sumar spilaði áður fyrir Haukana.

Haukarnir eru í fyrsta sæti í 2. deildinni með 32 stig eftir 15 umferðir og eru tveimur stigum á undan Selfoss. Það var töluverð breyting á liðinu fyrir tímabil þar sem Guðjón Pétur Lýðsson auk Óskar Arnar Haukssonar og Pablo Punyed tók við þjálfun liðsins. Pablo hefur einnig verið að spila fyrir liðið en þessi breyting hefur gengið nokkuð vel.

Komið þið sæl og verið velkomin í beina textalýsingu frá 8-liða úrslitum Fótbolti.net bikarnum. Haukar og Reynir Sandgerði mætast í kvöld með sæti í undanúrslitum í boði. Leikurinn hefst klukkan 18:00 og verður spilaður á BIRTU vellinum í Hafnarfirði.