Thun var mun betra liðið í kvöld en það er stutt á milli í þessu og Víkingur var nálægt því að minnka muninn í 2-1 í lok leiksins en fékk svo þetta mark í andlitið eftir að uppgefinn uppbótartími var liðinn. 3-0.

Seinni leikurinn í Fossvogi í næstu viku.

Thun fær hornspyrnu þegar uppgefinn uppbótartími er liðinn.

Síðasta mínúta í uppgefnum uppbótartíma í gangi.

Marktilraunir: 17-7
Hornspyrnur: 5-3
Rangstöður: 4-0
Gul spjöld: 2-2

Skallinn beint á Steffen. Þetta var hreinlega dauðafæri! Úff. Svo örstuttu seinna á Gylfi skot sem fer framhjá fjærstönginni.

Stórhættuleg sókn Víkings. Valdimar kemst inn í D-boginn en áður en hann nær skoti þá kemst Michael Heule í boltann og bjargar í horn.

Víkingar verið hættulegri hér síðustu mínútur. Eitt mark galopnar þetta fyrir seinni leikinn.

Jæja væri hressandi að fá eins og eitt Víkingsmark hérna í lokin. Í þessum skrifuðu orðum á Valdimar Þór Ingimundarson skot sem hafnar í stönginni!!! Skot fyrir utan teig. Þarna munaði litlu.

Víkingar fengið tvær hornspyrnur með stuttu millibili.

Aron Elís Þrándarson með lausan skalla sem Steffen í markinu á ekki í nokkrum vandræðum með. En þetta skráist hinsvegar sem fyrsta tilraun Víkings á rammann í leiknum.

Hansen er að gera sig kláran í að koma inná.

Aron Snær kennir sér meins og þarf aðhlynningu. Ögmundur átti upphaflega að byrja leikinn en komst ekki í gegnum upphitun.

Simon Lengen með skot úr þröngu færi sem Aron ver.

Um að gera að minna á það að sigurliðið mætir KÍ Klaksvík (Færeyjar) eða Lech Poznan (Pólland) í umspili um sæti í Evrópudeildinni.

Liðið sem tapar í þessu einvígi mun mæta FK Borac (Bosnía og Hersegóvína) eða ML Vitebsk (Hvíta Rússland) í umspili um sæti í Sambandsdeildinni.

Hreyfingar á báðum bekkjum og skiptingar á næsta leyti.

Karl Friðleifur í fyrirgjafarstöðu en alltof fast og fer yfir allan pakkann.

Thun kemst í hættulega stöðu en Oliver Ekroth nær að koma sér fyrir skottilraun Marc Gutbub.

Valdimar með lága fyrirgjöf, Aron Þrándar með skot sem fer í varnarmann og afturfyrir. Fyrsta hornspyrna Víkings í leiknum. Helgi tekur fína spyrnu en Víkingar ná ekki skoti að marki.

Thun stýrir þessum leik algjörlega.

Fabio Fehr vinnur hornspyrnu, boltinn af Helga Guðjóns og afturfyrir. Fjórða hornspyrna leiksins, heimamenn fengið öll hornin.

Nassim Zoukit með marktilraun en hittir ekki á rammann.

Snörp sókn Víkings, Aron Þrándar gerir vel og kemur boltanum á Valdimar sem þarf aðeins að teygja sig í boltann í skotinu og skotið yfir markið.

Daníel Hafsteins fær högg og aukaspyrna dæmd. Daníel þarf ekki aðhlynningu, bara smá tíma til að jafna sig.

Michael Heule fær aukaspyrnu á vinstri kantinum. Karl Friðleifur dæmdur brotlegur í baráttunni um boltann og er alls ekki sáttur við georgíska dómarann.

Thun með fyrirgjöf frá vinstri en Marc Gutbub nær ekki að reka höfuðið almennilega í boltann og Aron Snær handsamar hann.

Ítreka það að staðan er 2-0. Kerfið okkar var lengi að meðtaka það þegar mark var dæmt af Víkingum í fyrri hálfleik en það er búið að lagfæra það.

Marktilraunir: 10-2
Hornspyrnur: 3-0
Rangstöður: 3-0
Gul spjöld: 1-1

Thun verið mun betra liðið hingað til.

Labeau reynir bakfallsspyrnu en yfir markið. Þetta hefði væntanlega farið í VAR hefði þetta orðið mark því brotið var á Sveini Gísla í aðdragandanum.

Öflug sókn hjá Thun, Labeau fær gott marktækifæri á markamínútunni miklu en hittir ekki á rammann.

Michael Heule með skot úr þröngu færi í teignum en hittir boltann býsna vel. Aron Snær ver.

Þess má geta að leikur Vals og Nordsjælland er farinn af stað á Hlíðarenda og er hægt að fara í beina textalýsingu frá honum hér.

Vildu rangstöðu í aðdragandanum að öðru marki Thun og ósáttir við aukaspyrnudóminn á Aron Þrándar þar sem báðir voru að halda í hvorn annan.

Dómarinn fór í skjáinn og dæmir aukaspyrnu á Aron. Hann og Nicolas Burgy voru að halda í hvorn annan en hann er væntanlega að dæma Aron svo brotlegan þegar hann fer í Burgy eftir það.

Stígur Diljan skorar! Kemur boltanum í markið og minnkar muninn.

Thun vill brot í aðdragandanum og dómarinn fer í skjáinn til að skoða þetta. Aron Elís Þrándarson var í baráttu við leikmann númer 5.

Thun heldur áfram að sækja. Fyrirgjöf frá hægri sem Gunnar Vatnhamar skallar frá.

Það var talsverð löng VAR skoðun eftir markið. Verið að athuga með mögulega rangstöðu en markið stendur.

Sveinn Gísli Þorkelsson brotlegur og Thun fær aukaspyrnu. Fer í bakið á Brighton Labeau. Sveinn Gísli gefur 'dýfumerkið' til dómarans. Vill meina að þetta hafi verið leikaraskapur.

Thunarar eru býsna vel spilandi. Fabio Fehr með skot fyrir utan teig en boltinn framhjá.

Aron ver í hornspyrnu.

Heimamenn voru sterkari á upphafskafla leiksins en nú eru Víkingar farnir að koma sér betur inn í þetta og ná upp sóknum. Karl Friðleifur með fyrirgjöf en erfiður bolti sem Helgi nær ekki að halda inná.

Jæja Víkingar að eiga marktilraunir hér. Gylfi Þór Sigurðsson með skot við vítateigslínuna en vel framhjá. Hefur hitt boltann betur.

Aron Þrándar með sendingu á Helga Guðjóns sem er staddur fyrir utan teig og lætur bara vaða af löngu færi með boltann á lofti. Hátt yfir, en marktilraun.

Víkingar komast í sína fyrstu teljandi sókn og Stígur Diljan á skalla í teignum sem Steffen í marki heimamanna handsamar.

Brighton Labeau með tilraun sem Aron Snær ver. Flaggið fer svo á loft. Rangstaða.

Víkingar eru í þriggja miðvarða kerfi með Vatnhamar, Ekroth og Svein Gísla. Í bakvörðunum eru Karl Friðleifur og Helgi Guðjóns. Daníel Hafsteins og Gylfi eru á miðjunni; Sveinn Margeir og Stígur á köntunum og Aron Þrándar í níunni.

Nico Maier með skot fyrir utan teig. Aron Snær ver boltann, skylduvarsla, Thun fær fyrstu hornspyrnuna. Sveinn Gísli kemur boltanum frá.

Heimamenn eru rauðklæddir en Víkingar í varatreyjum.

Aron Snær Friðriksson er í marki Víkings. Ögmundur hefur væntanlega ekki komist í gegnum upphitun, orðið fyrir meiðslum, og Aron stendur á milli stanganna.

Leikurinn er sýndur á Sýn Sport Ísland 2. Útsending er komin af stað og Gunnar Ormslev er við hljóðnemann. Ég reikna svo fastlega með því að góður hópur stuðningsmanna Víkings sé samankominn á Ölveri þar sem þeir eru vanir því að horfa á Evrópuleiki liðsins.

Áhugaverðar vangaveltur sem hafa verið í gangi um Óskar Borgþórsson, sem er á meiðslalista Víkings. Það er talað um að lið í neðri deildum Englands séu með augastað á þessum hressa og skemmtilega leikmanni.

Sverrir Geirdal var með okkur úti á velli hér í THUN. KOMA SVO!! pic.twitter.com/7nXJV2aEI8

— Víkingur Fótbolti (@vikingurfc) August 6, 2026

Miðað við skýrsluna er mögulegt að Víkingur sé að spila með þriggja miðvarða kerfi. En okkar sérfræðingur í Víkingsmálum, Sverrir Örn Einarsson, telur líklegast að svona sé uppstillingin:

Kæru Víkingar. Sölvi Ottesen hefur valið byrjunarliðið gegn Thun í UEFA Europa League. KOMA SVO! ?????? pic.twitter.com/gZTg2NYrQd

— Víkingur Fótbolti (@vikingurfc) August 6, 2026

Sölvi Geir Ottesen hefur opinberað byrjunarlið Víkings. Víkingur tapaði fyrir Hapoel Be'er Sheva frá Ísrael í seinni leik liðanna í forkeppni Meistaradeildarinnar í síðustu viku. Það eru fjórar breytingar á byrjunarliði Víkings frá þeim leik.

Óskar Borgþórsson og Tarik Ibrahimagic verða frá næstu mánuðina vegna meiðsla sem þeir hlutu gegn Hapoel. Valdimar Þór Ingimundarson sest á bekkinn.

Inn í byrjunarliðið í þeirra stað koma Sveinn Gísli Þorkelsson, Stígur Diljan Þórðarson og Sveinn Margeir Hauksson. Þá kemur Ögmundur Kristinsson inn í markið en Aron Snær Friðriksson fer á bekkinn.

FC Thun er þriðja meistaralið í sinni þjóð sem Víkingar mæta í Evrópukeppnum í ár en Svissneska deildin er í 16. sæti á styrkleikalista UEFA, fyrir ofan deildirnar í Ísrael og Ungverjalandi. Á pappír ætti þetta einvígi því að vera það erfiðasta en staða Thun er ansi áhugaverð.

Gögnin segja manni að þetta einvígi getur farið í allar áttir, Víkingar eru reynslumeiri í Evrópu síðustu ár á meðan svissneska liðið er verðmætara og kemur frá mun sterkari deild.

Ívar Björgvinsson rýndi í andstæðinga Víkings og er hægt að lesa greinina í heild sinni hér:

Fjallað hefur verið um það í vikunni að Víkingur er að selja færeyska varnarmanninn Gunnar Vatnhamar til danska félagsins Vejle.

Gunnar er úti í Sviss með Víkingum og verður með gegn Thun í forkeppni Evrópudeildarinnar í kvöld. Ekki er vitað nákvæmlega hvenær hann yfirgefur Víking en búist er við því að hann klári Evrópueinvígið.

Leikurinn fer fram á Visana Stadion , leikvangi sem áður þekktist sem Arena Thun og svo Stockhorn Arena. Um er að ræða 10 þúsund manna leikvang og undirlagið er gervigras.

Veðbankar hafa ekki mikla trú á Víkingi fyrir leikinn. Hjá Epicbet er stuðullinn 1,57 á sigur svissnesku meistaranna; 4,33 á jafntefli og 5,20 á sigur Víkings.

Aðaldómari verður Georgíumaðurinn Giorgi Kruashvili. Allir aðrir í teyminu eru líka Georgíumenn, fyrir utan VAR dómarann sem heitir Tiago Martins og er portúgalskur.

Kruashvili býr yfir töluverðri reynslu, er 40 ára og dæmdi í deildarkeppni Evrópudeildarinnar og Sambandsdeildarinnar á síðasta tímabili.

Víkingur heimsækir svissneska liðið FC Thun í þriðju umferð forkeppni Evrópudeildarinnar. Þetta er fyrri viðureign liðanna.

Sama hvernig einvígið fer þá mun Víkingur spila til úrslita í umspili um að komast í annað hvort Evrópudeildina eða Sambandsdeildina.

Fari svo að Víkingur vinni einvígið Thun þá mætir liðið KÍ Klaksvík (Færeyjar) eða Lech Poznan (Pólland) í umspili um sæti í Evrópudeildinni.

En fari svo að Víkingur tapi einvíginu þá mun liðið mæta FK Borac (Bosnía og Hersegóvína) eða ML Vitebsk (Hvíta Rússland) í umspili um sæti í Sambandsdeildinni.

Umspilsleikirnir munu fara fram 20. ágúst og 27. ágúst.