Frábær seinni hálfleikur 4 mörk. Það dugði ekki Ægismönnum að koma sterkir út í seinni hálfleikinn ÍR-ingar of stór biti í dag.

Ég þakka fyrir mig í kvöld skýrsla og viðtöl á leiðinni.

Ægir fá aukaspyrnu á fínum stað.

Sá ekki hvað gerðist en eitthvað klafs inní teig, og endar á því að Ómar í marki Ægis þarf að taka ofan á stóra sínum.

Ægir fá aukaspyrnu á stórhættulegum stað!
Ennn beint í vegginn

ÍR fær horn.

Twana flautar hér til hálfleiks.
ÍR mun sterkari aðilinn í þessum fyrri hálfleik, þrátt fyrir að hafa ekki náð að skapa sér mikið. Býst við mun meiri hörku og skemmtilegri seinni hálfleik.
Tökum okkur 15 mínútna pásu.

Twana bæti tveimur mínútum við!

Sigurður Óli reynir heiðarlega tilraun en skot hans langt framhjá.

Óliver Andri fellur við í teignum en Twana dæmir ekkert nema bara hendi þegar Óliver dettur og tekur boltann með höndum.

ÍR-ingar halda mikið í boltann en enginn færi og voðalega lítið að gerast.

Óliver er með góðan bolta inná teiginn á Bergvin Fannar sem kemur boltanum framhjá markinu. Bergvin liggur nú eftir og þarf aðhlynningu.

Þarna hefði verið tækifæri fyrir ÍR-inga þegar Orri var sloppinn í gegn en í stað þessa að koma boltanum til hliðar á samherja missir hann boltann. En ÍR fær horn.

Stefan Dabetic með þrumuskot lengst fyrir utan en sýndist þessi fara bara rétt framhjá.

Rosalega rólegt hér til að byrja með.

ÍR að sækja sínu fyrstu hornspyrnu.

Það eru gestirnir sem sparka þessu af stað!

2 mínútur í leik.

Ægismenn neyðast til að gera tvær breytingar á sínu liði, Atli Rafn er ekki í hóp í dag sennilega vegna meiðsla og Jordan Adeyemo er í leikbanni og er ekki með í dag. Marko Panic og Dajan Ponjevic koma inn í liðið í dag.

ÍR-ingar gera tvöfalda breytingu eftir sigurleikinn gegn Fylki.
Stefán Þór Pálsson fer úr liðinu og er ekki í hóp í dag, Hákon Dagur er einnig ekki í hóp í dag og verður ekki meira með vegna háskólanáms. Þeir Bergvin Fannar og Víðir Freyr koma inn í liðið í þeirra stað.

Epicbet hefur stuðlað leikinn og veðbankar hafa mun meiri trú á að ÍR sigli þessu heim.
ÍR fær stuðulinn 1,54
En á Ægismenn er það 4,98
En að leikurinn endi jafntefli er 5,02!

Fyrri leikur liðanna fór fram í Þorlákshöfn, og endaði leikurinn með 4-1 sigri heimamanna í Ægi. Það þótti ansi óvænt enda er þetta einn af tveimur leikjum sem Ægir hefur unnið á liðnu tímabili.

Twana Khalid Ahmed er á flautunni góðu, hans aðstoðarmenn eru:
Guðni Freyr Ingvason
Breki Sigurðsson
Eftirlitsmaður er Jón Sigurjónsson

Ægismenn hafa vægast sagt verið í brasi á þessu tímabili þeir hafa tapað átta af síðustu níu leikjum sínum. Ægir situr á botni deildarinnar með 8 stig og átta stigum frá öruggu sæti. Það þarf í raun kraftarverk til þess að þeir haldi sér uppi.

Heimamenn úr Breiðholtinu sitja í 10.sæti deildarinnar með 16 stig eftir 16 leiki. Þeir eru fimm stigum á undan Völsungi sem sitja í fallsæti. ÍR spiluðu síðast gegn Fylkismönnum og unnu leikinn 2-0 og eru eins og staðan er núna á ágætis skriði ekki tapað í síðustu tveimur leikjum sínum.

Góða kvöldið og verið hjartanlega velkominn í þessa þráðbeinu textalýsingu. ÍR tekur á móti Ægismönnum á Þarfaþingsvellinum í 17 umferð Lengjudeild karla