Danska deildin er nýfarin af stað en Nordsjælland eftir tvo leiki situr í fjórða sæti með 4 stig. Jafntefli í fyrsta leik gegn Horsens á útivelli og svo 1-0 sigur á heimavelli gegn Randers.

Nordsjælland spilaði líka gegn GAIS frá Svíþjóð í fyrri umferð Forkeppni Sambandsdeildarinnar, þeir unnu einvígið 6-1. GAIS vann fyrri leikinn 1-0 á heimavelli sínum en Nordsjælland sigraði seinni leikinn á heimavelli 6-0. Samkvæmt Fotmob var hægri bakvörðurinn Runar Robinsønn Norheim bestur í leiknum, en hann skoraði tvö mörk.

Til þess að komast áfram þurfti Valur að sigra Mostar frá Bosníu og Herzegóvínu. Valur sigraði fyrsta leikinn heima gegn Mostar 1-0, Tryggvi Hrafn skoraði eina markið. En í útileiknum gerði Valur og Mostar jafntefli, Tryggvi Hrafn aftur með bæði mörkin en ,,vi har Pedersen" var með báðar stoðsendingarnar.

Það var samt meira talað um markvörð Vals eftir leikinn, hann Frederik Schram þar sem hann varði víti á 89 mínútu þegar leikurinn var 2-2 og Mostar var búin að setja mikla pressu á Val. Schram ræddi við Fotbolta.net eftir leikinn.

,,Ég elska svona leiki og pressuna sem fylgir þeim. Ég væri að ljúga ef ég segði að ég væri ekki ánægður með minn leik."

Gergo Bogár frá Ungverjalandi er með flautuna í kvöld. Samlandar hans Balázs Buzás og Péter Kóbor verða með flöggin, Balázs Berke er með skiltið. Tamás Bognár og Ferenc Karakó verða með myndbandsgæsluna.

Komnir
Shkelzen Veseli frá Leikni

Farnir
Kristinn Freyr Sigurðsson í Aftureldingu
Adam Ægir Pálsson í KA
Ögmundur Kristinsson í Víking

Búinn að semja og fer líklega eftir tímabilið
Tryggvi Hrafn Haraldsson í ÍA

Búinn að semja og kemur eftir tímabilið
Tómas Bjarki Jónsson frá Njarðvík

Heil og sæl kæru lesendur og verið velkomin á beina textalýsingu Vals og Nordsjælland í Forkeppni Sambandsdeildarinnar.